gmaria fyrir 21 árum, 6 mánuðum Fjöldi lestra: 739

50 jarðýtur á ferð um hafsbotninn.

Ein sú besta grein sem ég hef augum litið um þróun mála í íslenzkum sjávarútvegi birtist á Sjómannadaginn 1. júni.
undir fyrirsögninni “ Kvótakerfið ”

Greinarhöfundur Þorsteinn Árnason skipstjóri til 30 ára rekur þar þróun og offjárfestingar í allt of stórum skipastól landsmanna, þar sem hann lýsir áhrifum þeirra veiðarfæra svo sem botnvörpu og flottrolls á lífriki sjávar ( hafsbotninn ).

Hann spyr hvernig menn haldi að Grindvíkurhraunið muni líta út ef þar væru að störfum 50 jarðýtur allan ársins hring, ár eftir ár.

Hvort þar muni nokkurt skjól að finna eftir slíka athafnasemi sem hann líkir saman við þau nútíma veiðarfæri sem veitt er með hér á
Íslandsmiðum !

Hann spyr hvar náttúruverndarsinnar hafi verið og hvort sjávarbotninn sé ekki hluti af náttúruauðlindinni !

Skiptjórinn lýsir hinu gegndarlausa brottkasti og verðmætasóun sem fyrir hendi hefur verið í þessu kerfi sem L.Í,Ú hefur neitað að horfast í augu við frá upphafi kvótasetningar í sjávarútvegi, þar sem hagsmunaðilar ganga enn þann dag í dag með bundið fyrir augun í þessu efni.

Hér er um að ræða mál sem varðar hver einasta Íslending sem hyggst byggja þetta land, því ef fiskimiðin og fiskistofnar verða eyðilagðir þá mun það kosta þjóðina meira en orð fá lýst.

Grein þessi er raunsönn mynd af þróun mála sem grípa þarf inn nú strax með þá þekkingu sem til staðar er um lífríkið burtséð frá gróðasjónarmiðum einstakra útgerðaraðila, og peningastofnana sem einar hafa ráðið ferð hingað til.

Hvet ykkur til þess að lesa þessa grein.

með góðri kveðju.
gmaria.

[Notanda eytt] fyrir 21 árum, 6 mánuðum

Hvar finnur maður þessa grein ?

Fyrra álit

gmaria fyrir 21 árum, 6 mánuðum

Lyssia.

Bið afsökunar gleymdi að geta þess að greinin birtist í sunnudagsblaði Morgunblaðsins.

Finnur án efa einnig inn á mbl.is

kv.
gmaria.

Fyrra álit

svenni1986 fyrir 21 árum, 6 mánuðum

Það væri sterkur leikur hjá þér að setja link á þessa grein.

http://snaedal.blogspot.com

Fyrra álit

malakian fyrir 21 árum, 6 mánuðum

hún birtist í morgunblaðinu

Fyrra álit

land fyrir 21 árum, 6 mánuðum

Ég verð að viðurkenna að ekki hef ég en lesið þessa grein en ætla að reyna að hafa upp á blaðinu. En verð að segja hvað leiðir laga þetta, berum saman núverandi kerfi og þær leiðir sem lagðar voru til í kosningum 10 maí. ekkert breytist hvað þessi atriði varðar við það að bjóða út kvóta. Heldur að fjárfestingar verði minni í sóknakerfis rugli frjálslyndra þar sem allt mun snúast um að ná í sem mest á sem minstum tíma ?

Fyrra álit

binnibinni2456 fyrir 21 árum, 6 mánuðum

ohh come on hún er sko í framboði fyrir frjálslynda.

ekki að það breyti einhverju um rökin sko……..

_________________________________________

Fyrra álit

gmaria fyrir 21 árum, 6 mánuðum

binnibinni2456.

Var í framboði, sem náði þingmanni á þing okkur til mikillar ánægju.

Það sem hins vegar kemur fram í þessari grein er einstaklega vel fram sett yfirlit yfir þróun mála,
ásamt ábendingum um hvað þarf að gera.

kv.
gmaria.

Fyrra álit

vatnajokull fyrir 21 árum, 6 mánuðum

Þú hefur ekki pælt nógu vel í tillögum Frjálslynda í kosningabaráttunni landi minn. Þetta er mjög góð grein hjá skipstjóranum sem kom í Mogganum um síðustu helgi og góð ábending hjá þér gmaria.

Tillögur Frjálslynda ganga út á að opna fyrir kerfið neðan frá og leyfa króka og handfæraveiðar með sóknarmarki. Lykilorðin eru sóknardagar, veiðarfærastýring og svæðastýring.

Frjálslyndir leggja einnig mikla áherslu á rannsóknarþáttinn. Íslendingar eru eftirbátar annarra þjóða í hafbotnsrannsóknum þó að við byggjum allt okkar á fiskveiðum. Þó er búið að kortleggja hinn fagra Arnarfjörð ásamt hlutum af Tjörnesbeltinu, Kolbeinseyjarhrygg og Kötluhryggjunum.

Með nýju hafrannsóknarskipi, Árna Friðrikssyni opnast nýir möguleikar á rannsóknum á hafsbotninum okkar með fjölgeislatæki, en hægt gengur að kortleggja landgrunnið og hanna botngerðarkort sem gefa upplýsingar um botngerð og sjávar vegna fjárskorts. Hafrannsóknastofnunin hefur ekki fengið neinar aukafjárveitingar til fjölgeislamælinga. Því hefur ekki verið hægt að nýta tækið eins og æskilegt hefði verið til almennrar kortlagningar. Æskilegt er að allir leggist á árarnar svo nýta megi þetta afkastamikla mælitæki til kortlagningar og könnunar hafsbotnsins.

Við fiskveiðiþjóðin mikla höfum ekki fyrr fjárfest í svo merkilegu tæki, ekki frekar en neðarsjávarmyndavélum sem geta fylgst með veiðarfærum og sýnt virkni þeirra.

Við þurfum að komast á hærra plan. Við þurfum að losna við Sjalla og Frammara úr sjávarútvegsráðuneytinu!

Fyrra álit

gmaria fyrir 21 árum, 6 mánuðum

vatnajokull.

Ég hef lengi beðið eftir því að L.Í.Ú þyrfti að svara svo sem einni spurningu um ástand hafsbotnsins hér við land, í ljósi veiðarfæranotkunar og hvers vegna í ósköpunum þeir hinir sömu hafi ekki lagt meira í rannsóknir í ljósi heimilda þeirra hinna sömu til umsýslu með veiðiréttinn.

Ábyrgðarleysi sitjandi stjórnvalda á hverjum tíma
í sjávarútvegs og umhverfisráðuneyti er á skjön við þá þekkingu og vitund sem til staðar í þessu efni utan Íslands, því miður og í raun all séríslenskt ósamræmi í því að lagt sé í stórkostlegan kostnað við að framkvæma umhverfismat á landi meðan alveg er sama hvernig umgengni er háttað við lífríki sjávar.
Þó er þar um að ræða fæðu mannkyns og spurningu um tilvist búsetu á okkar landi.

Framstæði sjálfssóknarflokkurinn hefur enn sem komið er ekki áhyggjur, af nokkrum sköpuðum hlut, enda nokkuð séríslenskt einnig að fyrst þurfi allt að hrynja til þess að hægt sé að taka ákvörðun um breytingar.

Tillögur Frjálslynda flokksins til umbreytinga eru í samræmi við niðurstöðu greinarhöfundar
í raun þar sem sá hinn sami leggur til stóraukinn þátt smábátaveiðiflotans í sjósókn.

Það duga engar “ línuívilnanir eða sértækar byggðaaðgerðir ” með aldagömlum handapataaðferðum.

Heldur engin 10 eða 20 ára fyrning því áður verður allt farið á hausinn sem heitir útgerð í dag vegna offjárfestinga eyðslu og sóunar sem innbyggð er í kerfið eins og það er á þjóðhagslegan mælikvarða mælt.

Auka þarf hlut náttúrvænni veiða STRAX ef möguleiki á að vera á því að snúa af braut þess að umbreyta lífríkinu enn frekar til hins verra hér við land með veiðarfærum sem eru á við jarðýtur við að veiða fisk.

góð kveðja.
gmaria.

Fyrra álit

gmaria fyrir 21 árum, 6 mánuðum

land.

Hvet þig til þess að lesa þessa grein því greinarhöfundur kemur nefnilega einnig með tillögur að breytingum, þar sem hvorki fyrning né uppboð er til umræðu.

kv.
gmaria.

Fyrra álit

land fyrir 21 árum, 6 mánuðum

gmaria

Ég las greinina og fanst hún góð en finst ummæli þín dæmigerð að geta túlkað þessa grein sem stuðning við stefnu frjálslyndra. Skipstjórni talar um að friða ætti ákveðin svæði fyrir togveiðum er það ekki hægt í núverandi kerfi ? Harfa slíkar lokanir eithvað með það að gera hvort við stjórnum fiskveiðum með aflamarkskerfi eða sóknarmarkskerfi ? Þetta hefur ekki verið gert en getur meira en vel verið rétt að gera þetta en við þurfum ekki að breyta kerfinu til þess. Skipstjórnin leggur til að úthluta kvóta á togara og báta í nýjum hlutföllum ekki er þetta sóknarmarkleið ykkar frjálslyndra. 'eg hef áður bent á galla sóknarmarkskerfis eru þeir að þá vilja allir eðlilega veiða sem mest á sem styðstum tíma þegar frjálslyndir verða búnir að koma sínu draumakerfi á verður ástand þannig að t.d. vertíðarbátar við suðurland meiga fara á sjó í 150 daga á ári (tek 150 daga sem dæmi gætu verið 100 eða 200) þá gerir enginn út bát yfir vetratíman menn bíða eftir betri tíð til að geta öruglega veit sem mest á dag það verður því ekkert að gera frá nóv og fram í feb. síðan verður botnlaus vinna frá mars til okt. þeir sem vilja aftur gömmlu vertíðastemingu vilja þetta sjálsagt ég segji einfaldlega vil frekar að sjómenn og landverkfólk hafi vinnu allt árið heldur en að vinna hluta úr árinu eða hvort viljum við hafa 100 heilsársstörf eða 200 sem eru bara hált árið ? Þetta kallar svo líka að erfit verður að selja fiskinn á hæstu verðum úr landi sem afurðir frá fiskvinslum. Jaft framboð allt árið er það sem markaðsmenn vilja helst ef við búum til sveiflur í viðbót við nátúrulegar sveiflur er líklegt að meðalverð fyrir fisk okkar lækki.

Fyrra álit

gmaria fyrir 21 árum, 6 mánuðum

land.

Þú hefur þá að öllum líkindum ekki lesið mjög mikið um brottkastið sem skipsstjórinn lýsir, í grein sinni né heldur nauðsyn þess að afleggja framsal aflaheimilda sem eru að mínu áliti mestu mistök stjórnmálamanna hér á landi á síðustu öld.

Raunin er sú að við veiðum miklu minna en við höfum áður gert hér við land

( uppbygging fiskistofna með núverandi aflamarkskerfi hefur EKKI átt sér stað )

með helmingi stærri fiskiskipaflota, sem útgerðir eiga ekki skuldlausan mikil ósköp því skuldir útgerðar hafa aldrei verið meiri heldur.

Til þess að GETA breytt þessu afar óhagkvæma kerfi þarf að BYRJA á því að skipta kerfinu í aðgreinda útgerðarflokka, er lúta mismunandi forsendum.
Það að sóknarmarkskerfi feli það í sér að allir hlaupi til veiða og því sé ekki hægt að stjórna komi til ákveðið frelsi er fjarri raunveruleikanum.
Til þess eru margar leiðir svo sem vélarafl, veiðarfæri, meðferð afla og ´gæðavottun afurða í því sambandi og þar af leiðandi verðflokkun á mörkuðum í ljósi nýtingar hráefnis.

Skilyrði veiða þessara væri löndun alls afla úr sóknarmarkskerfi á markaði, þar sem eðlileg markaðslögmál fengju notið sín, ólíkt því sem til staðar er í dag og fiskvinnslufyrirtæki versluðu sitt hráefni á mörkuðum eftir að fiskur hefur verið veiddur en ekki áður með óvissuþáttum sem orsakað hafa m.a. þann brottkasttshvata sem ínnbyggður er í núverandi braskumsýslukerfi,
aflaheimildir/kvótaverð = fiskur úr sjó= ?

kv.
gmaria.

Fyrra álit

land fyrir 21 árum, 6 mánuðum

gmaria

ég las greinina og sá vel það sem skipstjórinn var að fjalla um han vil ekki sóknarmark. Ég tek undir að versti galli í núverandi kerfi er sá að fiski er hent í sjóinn sem búið er að veiða tel einfaldlega að það þurfi að leysa með því að heimila löndun á meira af svokölluðum hafró kvóta þannig að hægt sé að koma með þetta í land. Ég er hins vegar sanfærður um að sóknaramrkshugmyndir frjálsyndra er ekki góð. Hugmyndin er sú að fara með allan flota í sóknarmark á einhverjum árum ég vil því ræða þessi mál á þeim nótum þegar kerfið er að fullum komið til framkvæmda ef ég væri sanfærður um að breiting væri til góða get ég tekið undir að það þyrti að gerast í áföngum sama er með hugmyndir um uppboð á kvótum eins og samfylgin lagði til þeira hugmynd gengur út að aðlögun lokini yrði boðið upp 20 % á ári ekki myndi það draga úr brottkasti. Sóknarmark hljómar vel en fyrir Þjóðfélagið er það ekki hagkvæmt ég hef verið að benda á að þeir sem eiga t.d. vertíðabát í dag og feingu úthlutað dögum þeir hlytu að reyna að fá sem mest verðmætti út úr hverjum degi og reina að veiða þorsk og ýsu en sleppa að veiða ódýrari fisktegundir svo sem sandkola og skrápfúru þetta eru reyndar tegundir sem var hent fyrir daga kvótakerfis svo einhverju var nú hent þá og þegar menn höfðu ekki annað að fara í fórum menn að leita leiða til að koma þessu í verð. Í dag er hugsun hjá þeim sem eiga kvóta að gera sem mest verðmætti úr hverju kg en það mundi breytast í það að gera sem mest verðmætti út úr hverjum degi óháð magn eða ef þú átt bát og mátt ekki vera á sjó nema 1 dag á ári viltu koma með 10 tonn og fá 150 kr á kg eða 20 tonn og fá 100 kr á kg flestir mundu velja seini kostinn ef þú fengir úthlutað 20 tonnum mundir fara 2 daga og fá 150 kr fyrir allt. Allar
hugmyndir um allan fisk á markað er vitlausar í mínum huga það að útgerð, fiskvinnsla og markaðstarf er á sömu hendi trygging að hátt verð fæst fyrir afurðir úr landi þetta jafnar vinnu allt árið ég vil miklu frekar sjá að fiskvinslan fái að eiga kvóta og geti svo samið við útgerð um að veiða fyrir sig þannig að ef einhver er góður í fiskvinslu geti hann einbeit sér að þeim þætti. Það þurfa að vera til smá og stór fyrirtæki í sjávarútvegi en ofurtrú fjámagneigenda á því að sameiningar skili alltaf meiru er vandamál í þjóðfélagiu í dag og á ekkert skilt við fiskveiðistjórnun og er ekki bundið við sjávarútveg.

Fyrra álit

gmaria fyrir 21 árum, 6 mánuðum

land.

Útfærsluatriði á breyttri fiskveiðistjórn hér við land er hlutur sem stjórnvöld munu verða að horfast í augu við á þessu ári eða því næsta.

Nýliðun þarf að vera möguleg í greininni svo mikið er ljóst. Jafnframt þarf að gera útgerðarfyrirtæki þjóðhagslega ábyrg gagnvart umsýslu með sameign þjóðarinnar, þar sem þau hin sömu skila arði til þjóðarinnar allrar.

Síðast en ekki síst sem var reyndar tilgangur minnar umræðu hér er það atriði að umgegni um lífríki sjávar á Norður- Atlantshafi þarf að kryfja til mergjar MEÐ þáttöku allra stærstu útgerðarfyrirtækja er starfa hér á landi.

Ef til vill þarf að festa ábyrgð á umgengni, til handa fyrirtækjunum í lög, þar sem þau hin sömu yrðu gerð skaðabótaskyld gagnvart því atriði að
breyta uppvaxtarskilyrðum fiskistofna með þungum veiðarfærum en GPS tæknin gerir staðsetningar og yfirferð skipa auðvelda til skoðunar.

kv.
gmaria.

Fyrra álit

land fyrir 21 árum, 6 mánuðum

gnaria

Ég get tekið undir með þér að uuppvaxtaskylyrðum fiskistofna þar að ransaka betur og auka þarf ransóknair á fiskistofnun finst einfaldlega að sú umræða eigi bara ekki neitt sameiginlegt með umræðu um veiðstjórnunarkerfi við þurfum þvi sanarlega að auka ransóknir sama hvaða kerfi er notað til að stjórna veiðum.

Ég tel mig vera í þeim stóra hópi sem vil sjá einhverjar breitingar á fiskveiðistjórnuarkerfinu.

En ef ég ætti að velja á milli allgjörlega óbreytt kerfis og þeirra tillagna sem stjórnarandstaða legði til fyrir kosningar mundi ég frekar vilja allt óbreytt.

ÞAð er nefnilega bara eitt sem sameinar andstæðinga kerfins það er að vera á móti svo koma 100 útfærslur hvað á að koma í staði frekar vil ég búa við þá galla sem í kerfinu er í dag en að fá alla þá galla sem sóknarmark eða fyring mundi kalla yfir okkur.

Ég hef áður upplýst að ég hef stutt framsóknarflokkinn og er reindar í flokknum(en var þó ekki í framboði) ég er sanfærður um að það er þjóðinni fyrir bestu að framsóknarmenn leiði þessar breytingar.

Fyrra álit

gmaria fyrir 21 árum, 6 mánuðum

land.

Mín skoðun er sú að við höfum ekki langan tíma til þess að taka ákvörðun um það að breyta núverandi fiskveiðistjórnunarkerfi, því kerfið mun falla um sjálft sig efnahagslega innan skamms tíma.

Tillögur stjórnarandstöðu um breytingar er ekki hægt að setja undir einn hatt, því það var ekki fyrr en Frjálslyndi flokkurinn hafði komið fram með sínar fastmótuðu tillögur að Samfylkingin
hóf að ræða breytingar þar sem formaðurinn ritaði meðal annars grein í Mbl í frelsi krókaveiðimanna
sem ég hafði svo sem ekki heyrt þann hinn sama minnast á úr ræðustól Alþingis allt síðasta kjörtímabil.
Fyrningahugmyndir og uppboðsleiðir SF og VG eru
óframkvæmanlegar eins og kerfið hefur þróast, sem lokað markaðskerfi.

Frjálslyndi flokkurinn vill aðskilja útgerðareiningar og flokka þær í sundur sem er eina vitræna aðferðin til þess að stjórna kerfinu
og breyta frá því sem nú er,
til hagsbóta fyrir þjóðina og núverandi stjórnarflokkar hefðu fyrir löngu átt að vera búnir að átta sig á.

Til þess að koma hjólum atvinnulífsins í gang á ný hér á landi þarf að taka smábátaflotann út úr kvótakerfinu og gefa ungum mönnum tækifæri til þess að stunda þessa aðalatvinnugrein, með eðlilegar fjárfestingar í formi atvinnutækja.
Vissulega innan ákveðinna marka.

Slík ákvörðun myndi til dæmis gjörbreyta verðmætamati á eignum fólks út á landi hvað varðar atvinnumöguleika, á einni stundu , sökum þess að bankar og fjármálastofnanir yrðu að gjöra svo vel að taka mið af breyttum skilyrðum stjórnvalda til atvinnusköpunar.

Stórútgerðarmenn myndu gráta í kór álíka sérfræðilæknum er til stóð að taka upp tilvísanakerfi í heilbr.kerfinu, en þeir myndu jafna sig á því að selja hver öðrum aflaheimildir sín á milli meðan slíkt þjónar einhverjum tilgangi
þeim til handa.

Frelsi smáútgerðarmanna væri hins vegar ekki söluvara.

góð kveðja.
gmaria.

Fyrra álit

idf fyrir 21 árum, 6 mánuðum

Sammála !

Einhvertímann verður þessara togaraveiði minnst sem rányrju sambærilegri við óhefta eyðingu skóga. Hvað eru svo þessir menn hjá Hafró að spá ? Ekki betur en spákerlingar og hafa engar skýringar á af hverju aldrei koma góðir þorskárgangar, kannski af því að það ver verið að eyðileggja lífríki sjávar ?

Fyrra álit

gmaria fyrir 21 árum, 6 mánuðum

idf.

Hef satt best að segja ekki heyrt minnst á hafsbotninn þar á bæ, enda litlar sem engar rannsóknir til að byggja á í því efni.

kv.
gmaria.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

50 jarðýtur á ferð um hafsbotninn.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi