Kæri geiriv :
Ég er hjartanlega sammála þér eins og fram kemur í grein minni : Við búum í bananalýðveldi.
En þar hef ég mestmegins fengið skítkast fyrir að voga mér að gagnrýna þessa alvarlegu misbresti í landi sem á að vera lýðræðislegt !
Miðað við þau viðbrögð sínist mér að fólki sé bara nákvæmlega sama þó lög séu brotin og mikilvægustu kosningar þjóðarinnar gætu verið rangar, svo lengi sem það er rétta fólkið sem græðir á því.

Sorglegt…
Svo ef það eru fleiri þarna úti á okkar skoðun, plís látið í ykkur heyra, annars missi ég alla trú á mannkyninu og það er ekki mikil eftir :-(

Margur verður að aurum api…

Aljöralega sammála. Tók eftir þessari umræðu áðan, og þótti Steingrímur J. vera að standa sig best. Annars tóku fáir sem sögðu “nei” til orða.

Fáránlegt og ekkert annað en fáránlegt! Akkuru er ekki hægt að skoða málið og ef ekkert var að þá er það í lagi, en ef það var eitthvað bogið við framkvæmd talningar osfv þá á auðvitað að laga svoleiðis vitleysur, en neiiiiiiiiiiiiii það má ekki, þá getur stjórnin fallið. HALLÓ!!!!!!!! Það er eikkað rangt við það að það sitji kannski stjórn við völd sem er ekki réttkjörin meirihluti! Ætli það komi fleiri spillingarmál upp í röðum sjálfstæðismanna???? :P

Ég má til með að leggja nokkur orð í belg varðandi endurtalninguna þar sem ég var starfsmaður á einum kjörstað í þessum Alþingiskosningum. Menn hafa hér mikið verið að agnúast út í ríkisstjórnina að hún vilji ekki endurtalningu og telja það hið versta mál. En skoðun nánar hvernig staðið er að kosningunum og talningu atkvæða.
Allir flokkar sem bjóða fram þurfa að skipa sérstaka tengiliði og eftirlitsaðila í hverju kjördæmi fyrir sig. Hlutverk þessara eftirlitsaðila er að ganga úr skugga um að framkvæmd kosninganna sé í samræmi við þau lög sem í gildi eru, enda hafa þessir aðilar aðgang að öllum kjörstöðum og eru viðstaddir talningu. Þeir hafa því fullan aðgang að kjörstjórnum þegar verið er að úrskurða um vafaatkvæði og geta gert athugasemdir strax á kjörstað og komið fram mótmælum sínum þar. Þegar talningu er lokið gerir kjörstjórn upp kosninguna og skráir í sérstaka gerðabók allt það sem fram fór á staðnum. Þar eru m.a. skráðar allar athugasemdir sem flokkarnir gera. Í lokin eru gerðarbækurnar undirritaðar og munu fulltrúar flokkanna m.a. undirrita þessar gerðabækur.
Hvergi nokkurs staðar hefur komið fram að fulltrúar neins flokks (þar með talið Frjálslynda flokksins) hafi gert athugasemd á kjörstað við framkvæmd eða úrskurði kjörstjórna. Hins vegar þegar heildarniðurstaðan liggur fyrir og flokkunum verður ljóst að ef þeir hefðu aðeins fengið örlítið fleiri atkvæði þá hefði niðurstaðan verið önnur, þá rjúka þeir upp til handa og fóta og vilja fara í endurtalningu. Þeir geta hvergi bent á bein brot á kosningalöggöfinni heldur benda á að framkvæmd og túlkun hafi verið mismunandi eftir kjördæmum. En þeir gleyma því að þessi mismunandi framkvæmd var gerð með vitund og samþykki þeirra sjálfra, enda hafa fulltrúar þeirra undirritað viðkomandi gerðabækur. Skv. þessu eru viðkomandi flokkar því að fara fram á endurtalningu atkvæða vegna þess að þeirra eigin fulltrúar hafi ekki sinnt eftirlitsstarfi sínu sem skyldi og þar af leiðandi ekki verið starfi sínu vaxnir!!!!
Menn gleyma því alltaf að þeir flokkar sem eru að bjóða fram eru eftirlitsaðilarnir með embættismönnunum og eiga að tryggja að kosningar séu í samræmi við leikreglur. Þetta er því ekki spurning um hæfa eða vanhæfa embættismenn, heldur spurning um að bæði embættismennirnir og fulltrúar flokkanna sem eru að bjóða fram séu sáttir við að framkvæmdin hafi verið í samræmi við leikreglurnar. Það er síðan önnur spurning hvort leikreglurnar séu nægjanlega skýrar til að tryggja samræmi í framkvæmd og ef svo er ekki þá þyrfti kannski að breyta leikreglunum, en ég minni jafnframt á að það eru flokkarnir á Alþingi sem setja reglurnar og geta breytt þeim, þ.m.t. Frjálslyndi flokkurinn.
En spyrjum líka annarar spurningar í þessu sambandi: ef ekki hefði munað svona litlu t.d. að munurinn hefði verið það mikill að ljóst væri að endurtalning hefði ekki breytt úrslitunum, hefðu þá þessir sömu flokkar heimtað endurtalningu???? Ef svarið er nei þá spyr ég af hverju ekki? Er í lagi að áliti þessara aðila að atkvæði séu ranglega ógild (eins og þeir halda nú fram í kröfu sinni um endurtalningu) ef það getur ekki orðið til að niðurstaðan breytist en það sé ekki í lagi ef það getur orðið til að niðurstaðan breytist?
Ég tel að það sé kominn tími til að þeir flokkar sem eru með þessa kröfu fullorðnist og hætti þessum barnaskap. Það er gleggsta dæmið um bananalýðveldi að fara heim í fýlu með fótboltann sinn þegar liðið þitt tapar. Reglurnar voru þekktar í upphafi og eftir þeim farið og upp á það hafa fulltrúar flokkanna skrifað. Séu leikreglurnar hins vegar það rúmar að túlka megi þær með mismunandi hætti og menn ósáttir við það, þá þurfa þeir að breyta leikreglunum. Menn eiga því að hætta þessu rugli og sætta sig bara við það eins og fullorðnir menn að þeir hafi ekki haft erindi sem erfiði í kosningarbaráttu sinni í stað þess að vilja breyta leikreglum eftirá eins og tíðkast í bananalýðveldunum, þar sem alþekkt er að fyrst eru framkvæmdar kosningar síðan talið og svo ákveða menn leikreglurnar til að niðurstaðan sé þeim ásættanleg.

Einn maður/kona = Eitt atkvæði og eitt kjördæmi. Og hana nú!

Lykilatriðið í þessari grein finnst mér vera að færa þarf valdið um endurtalningu frá Alþingi til Hæstaréttar. Þetta er svipað mál og ef einhver myndi dæma sjálfur dómsmál þar sem maður væri sjálfur sakborningur. Einnig finnst mér dómskerfið hér vera fáránlegt. Dómar allt of vægir (stundum) og það var einungis fyrir nokkrum árum síðan að Íslendingur fór alla leið til Evrópudómstóls vegna þess að það var sýslumaður sem átti að dæma hann í máli, en það var einmitt sýslumaðurinn sem rannsakaði málið. Skv. Sameinuðu Þjóðunum þá má sami maður ekki rannsaka glæp og einnig dæma í málinu. Það var viðtekin venja að sýslumenn dæmdu í málum sem þeir rannsökuð hér á Íslandi þangað til einhver tók við sér og sá að þetta var ekki rétt samkvæmt lögum.

Þetta er bara eitt dæmið um fáránleika íslenska dómsvaldsins, það þarf að styrkja það til þess að betrumbæta það.

Þetta er bara mín skoðun, ekki brenna mig fyrir hana…..

Sokrates

Geiriv.

Í mínum huga er mál þetta alvörumál, sökum þess að sannanir eru fyrir hendi þess efnis að einn eða fleiri Íslendingar hafi verið sviptir þeim rétti sínum að fá að greiða atkvæði í lýðræðislegum kosningum sökum þess að atkvæði þeirra hinna sömu hafi verið dæmd dauð og ógild vegna þess að framkvæmdaaðilar svo sem fulltrúar sýslumanna vanræktu hlutverk sitt svo sem að stimpla eða innsigla atkvæði.

Við þessari vanrækslu liggja sektir til handa opinberum embættismönnum samkvæmt kosningalöggjöf sem er ný, sökum nýrrar kjördæmaskipunar sem og ákvæða er kveða á með skýrari hætti um skipan mála en verið hefur.

Skýrari ákvæði áttu að auðvelda en ekki torvelda framkvæmd mála.

Raunin er sú að mistökin í þessari lagasetningu
voru og eru þau að fela Alþingismönnum að vera dómarar í eigin “ sök ” alþingismönnum er eytt hafa tugum og jafnvel hundruðum milljóna í kosningabaráttu til þess að halda völdum.

Lögfræðileg mistök, ekki þau einu á síðustu öld í lagasetningu sem ekki stenst dagsins ljós.

Frjálslyndi flokkurinn tvöfaldaði þingmannatölu sína og má vel við una í því efni en sá hinn sami
gekk samt sem áður fram fyrir skjöldu til þess að benda á þessi atriði sem ALLIR flokkar ef vakandi væru hefðu einnig átt að benda á og kæra ef lýðræðishugsjónin, og virðing fyrir rétti borgaranna væri efst á blaði.

VG, er þar undantekning.

Hagsmunatengsl kjörstjórnaraðila við frambjóðendur eins flokks er vandamál sem koma hefði mátt í veg fyrir eðli máls samkvæmt.

Þegar ég vissi að utankjörfundur ætti að vera hjá öllum sýslumönnum á kjördag var ljóst að enginn er setti þessi lög hafði gert sér grein fyrir framkvæmd mála með umfangi kjördæma hvað varðar vegalengdir milli staða.

Það hefði til dæmis verið ágætt að frambjóðendum flokka hefði í upphafi verið gerð grein fyrir því að þeir hinir sömu þyrftu að hafa lögin í höndunum til þess að lesa fyrir kjörstjórnir sums staðar, svo skila mætti inn atkvæðum samkvæmt þeim, en Frjálslyndum var skipað að aka tugi kílómetra með atkvæði milli staða sem áttu lögum samkvæmt að taka á móti atkvæðum af framkvæmdaaðilum þessarra kosninga hér á landi.

Hin viðtekna venja sem þarf að afleggja hér á landi að það sé allt í lagi að gera hlutina einhvern veginn, eins og of oft má finna af hálfu hins opinbera er atriði sem Frjálslyndi flokkurinn hefur dregið fram í dagsljósið , þar sem í upphafi skal vissulega endirinn skoða og óvissa um kjörgengi alþingismanna gerir hornstólpa lýðræðis valtan vægast sagt.

kv.
gmaria.

auðvitað átti að endurtelja og eiða vafa, það hvernig þessi ákvörðun er tekin minnir mig mest á börn að leik þar sem sá stærri getur kaffært aðra.

ákvörðun um svona mál ekki að vera í höndum þess sem hefur hagsmuni af því að það sé ekki endurtalið.

allava skilst mér að eða samkvæmt endurtalningu athvæða þá var það járngrímu flokkurinn sem var með flest athvæði.