Margt gott í þessu frumvarpi og þó svo að ég sé ötull vinstrisinni og ætti að vera á móti þessu samkvæmt bókinni verð ég að segja að þetta gæti verið heillavænlegt skref. En….

Frumvarpið nær engan veginn nógu langt og greinargerðin með því er náttúrulega algert kjaftæði frá A-Ö.

Hér er dæmi:
“Smásöluaðilum yrði falið sjálfum að ákveða vöruframboð og þar sem hillurými sem undir vöruna fer er takmarkað má ætla að fyrst og fremst verði boðið fram léttvín og bjór.”

Um er að ræða 5% af heildarhillurými verslana. Í Bónus í Holtagörðum væri þannig t.d. auðveldlega hægt að bjóða upp á svo margfalt meira en léttvín og bjór og nokkuð augljóst að þar verði boðið upp á meira úrval.

Flutningsmenn tillögunnar firra sig allri ábyrgð á skyldum þeim sem óneitanlega verða að fylgja smásölu á áfengi:

Samkvæmt áfengislögum veita sveitarstjórnir leyfi fyrir áfengisútsölum og geta bundið leyfin ýmsum skilyrðum, svo sem um staðsetningu verslunar og afgreiðslutíma. Enn fremur eru gerðar kröfur til smásöluaðilans um að hann ábyrgist öryggis- og eftirlitsbúnað húsnæðisins og afmörkun og aðgreiningu frá öðrum rekstri. Dómsmálaráðherra getur kveðið nánar á um hámarksafgreiðslutíma og önnur skilyrði varðandi smásöluleyfi í reglugerð.

Ætli það líði nú ekki bara yfir fröken dómsmálaráðfrú þegar hún les þetta!

“Verði sú breyting að lögum sem lögð er til í frumvarpinu fá viðskiptavinir eðlilegan að gang að þessari vöru. Sjálfsagt mun það hafa í för með sér meiri neyslu. Neysluaukningin mun þó væntanlega fyrst og fremst koma fram hjá þeim sem neyta áfengis í hófi því að þeir sem á annað borð stunda ofneyslu þess hafa hingað til ekki látið hinn takmarkaða aðgang aftra sér frá neyslu. Hófleg neysla áfengis er hins vegar almennt talin skaðlaus fyrir fullorðið fólk og í ýmsum tilvikum er hún til bóta fyrir heilsu og líðan”

Þetta minnir mig nú bara á það þegar Vilhjálmur Egilsson sagði að allir myndu spila meira golf ef við tækjum upp sumartíma. Þetta er náttúrulega svo ábyrgðarlaust að það er með ólíkindum að þingmenn skuli láta þetta út úr sér. Er það bara sjálfsagt að neysla áfengis skuli aukast? Halda þeir virkilega að þeir sem eru á barmi alkóhólismans en halda sig innan markanna vegna þess að vín er dýrt og illfáanlegt falli ekki þegar þetta blasir við þeim þegar þeir kaupa í matinn. Þetta eru röksemdir sem eiga ekki heima í svona greinargerð.

Það þarf að gera miklu betur en þetta ef duga skal. Þetta frumvarp er að mínu viti illa undirbúið og greinargerð þess ekki beint til þess fallin að auka hróður þess eða þingmannana sem það flytja.

PS. Takk fyrir slóðina á frumvarpið Xavier. Svona á að gera þetta.

Ekkert nema gott mál, það væri óeðlilegt að leggja fram að leyfa sölu á bjór og léttvíni og banna sterka vínið.
Við skulum vona að fleiri svona frumvörp verði lögð fram, aukið frelsi einstaklingsins er ekkert nema gott. Ég ætla samt að leyfa mér að efast um að þetta verði samþykkt, líkt og ólypískir hnefaleikar.

Hvenær ætlar einhver þingmaðurinn að leggja fram frumvarp um lögleiðingu kannabis, og kanski annara vímuefna?