Sammála seinasta ræðumanni.. þegar Davíð er farinn þá getur maður varla séð neina aðra en Ingibjörgu og Halldór sem forsætisráðherra…

Næsta ríkisstjórn á eftir þessari (ef það skeður ekki núna) verður líklega 2 eða 3 flokka stjórn með Samfylkingunni og Framsóknarflokknum :) Sem er gott af því ég vil smá hægri blóð og B er miklu betra en D því þeir spá allavega eitthvað í jafnrétti og þannig :o)

Skassus:

Ég segi ekki að Samfylkingin hafi ekki áorkað neinu. Það er alröng túlkun. Hún náði hins vegar ekki upphaflegu markmiði sínu, sem breyttist frá því að vera fall ríkisstjórnarinnar og yfir í að ná 30% atkvæða. Samfylkingin er líka eins og hún er - breytileg frá degi til dags. Allt í fína með það enda dettur mér ekki í hug að kjósa hana.

Fátækt er auðvitað til sem er slæmt en þó minnkandi vandamál og enginn hefur tölfræði um annað. Kaupmáttur allra launa hefur hækkað 9 ár í röð. Mismikið auðvitað því kaupmáttur meðallauna hefur hækkað um 33% en lægstu launa um 50%. Kannski það sé ekki nóg og því er um að gera og ýta á ríkisstjórnina um áframhaldandi skattalækkanir á fólk og fyrirtæki sem styrkja atvinnulífið og skilja fleiri krónur eftir í vasanum hjá vinnandi fólki. Harpa nokkur Njálsdóttir, sem skrifaði bókina Fátækt á Íslandi á dögunum sem bæði Ólafur Ragnar, forseti Íslands, og Ingibjörg Sólrún, talsmaður með meiru, flögguðu hátt á lofti í fréttatímum um daginn, vildi meina að fátækt í Reykjavík væri hægt að rekja að einhverju leyti til breyttra úthlutunarregla hjá Félagsþjónustu Reykjavíkur þegar R-listinn tók við á sínum tíma. Ef vandamál eru að aukast þá er kannski vissara að gera sér grein fyrir að það eru fleiri sem stjórna skattpening á Íslandi en meirihluti Alþingismanna.

Þú getur nefnt fullt af dæmum sem öll spretta úr hugarheimi þínum og kallað þau rök fyrir máli þínu en því miður þarf ég að styðjast við staðreyndir en ekki getgátur. Einhleyp móðir nokkur í Reykjavík, sem ég þekki ágætlega, vinnur illa launað afgreiðslustarf og nær rétt svo endum saman eftir að hafa borgað helstu lífsnauðsynlegu útgjöld. Hún getur nú séð fram á að eignaskattur verði felldur niður, virðisaukaskattur á matvæli lækkaður og tekjuskattur sömuleiðis, enda kaus hún rétt. Tillögur þess flokks sem hún kaus voru líka betri fyrir hennar fjárhag en annars flokks sem byrjar á S og náði ekki markmiði sínu í þessum kosningum.

Björn og nafni minn Haarde eru sterkir og eru sannarlega forsætisráðherraefni Sjálfstæðisflokksins til framtíðar. Össur Skarphéðinsson líffræðingur og bréfritari, Ingibjörg Sólrún borgarfulltrúi og klofin tunga, Steingrímur J fyrrum kommúnisti og þingmaður til 27 ára og auðvitað Halldór Ásgrímsson brúnaþungi eru forsætisráðherraefni annarra flokka og er þar fátt um fína drætti. Mannvalið til hægri er hátíð miðað við þessa hjörð!

Skassus
“Maðurinn er ekki með réttu viti þegar hann segir þetta, vitandi að það er fólk sem fær útborguð 70.000 kr laun en þurfa að borga yfir 70.000 kr í leigu, svo ég taki það sem dæmi”

Ef þú vissir það ekki fyrir þá eru greiddar húsaleigubætur einmitt til að jafna kjör þeirra lægst launuðu. Sjálfstæðisflokkurinn ætlar að hækka barnabætur og lækka vsk á mat, þú getur ekki litið á þessar staðreyndir og haldið því fram að þeir hygli bara þeim ríku.

Samfylkingin vann alla vega 3 menn. Bara Ingibjargar feill að setja sig ekki í öruggt sæti.

vann ekkert í þessum kosningum, nei nei, hún komst bara yfir 30% múrinn náðu forrystu í Reykjavík Norður og minnkuðu forystu sjálfstæðisflokksins sem stærsti flokkur landsins niður í 3.8%. Ingibjörg datt heldur ekki útaf þingi, hún var ekki inná því fyrir, hins vegar munaði litlu að hún kæmist inn. Menn meiga samt ekki hengja sig of mikið í það að af því að ISG komst ekki að þá hafi samfylkinginn ekki unnið neitt í þessu kosningum. 5.sætið á listanum var alltaf álitið sem varaþingsmannssæti og þótt að menn geri sér að sjálfssögðu vonir um að ná inn 5 að þá er ekki þar með sagt að það sé ósigur ef að það tekst ekki, væri það frekar ef að þeir hefðu verið með 5 þingmenn í reykjavík Norður.

Málið er einfaldlega það að það vann enginn fullkominn sigur í kosningunum að þessu sinni.
Framsókn er með 3. slökustu útkomu í sögunni og það er Sjálfstæðisflokkurinn líka með, ekki geta menn kallað það sigur þó að XB hafi reyndar haldið þingmannatölunni, sem var ekkert of há fyrir. Frjálslyndir tvöfölduðu þingmannatölunna sem er sigur fyrir þá en náðu að sama skapi náðu þeir ekki að tvöfalda prósentufylgi sitt (8.4%)
Vinstri Grænir töpuðu naumlega 6.manni sínum eins og Frjálslyndir voru líka nálægt því að ná 5.manni sínum inn. VG festi sig hins vegar í sessi sem vinstri flokkur á Íslandi og töpuðu reyndar minna fylgi en Framsókn ef ég mann rétt.
Samfylkingin vann síðan nokkra sigra, bættu við sig í flest öllum kjördæmum (ef ekki öllum) og náðu forystu í Reykjavík Norður eins og áður segir, af sjálfstæðisflokki, sem er einmitt kjördæmi Dabba kóngs, sem hlýtur að vera áhyggjuefni fyrir ykkur tapsáru sjálfstæðisþrælla.
hins vegar náði samfylkinginn ekki ISG inná þing enda hefði það verið mikið afrek ofaná öll hin.