snjomadur fyrir 21 árum, 7 mánuðum Fjöldi lestra: 420

Konur í stjórnunarstöðum

Nú þegar aðeins sex dagar eru til kosninga og óðfluga styttist í það að endanleg niðurstaða komist í það hverjir muni stjórna landinu okkar næstu 4 árin er gaman að fylgjast með umræðu manna og kvenna um pólitík og þær skoðanir sem íbúar þessa lands bera í brjósti sér.
Mig langaði til að segja ykkur stutta sögu af sjálfum mér. Í gær lýsti ég nefnilega vanþóknun minni í útvarpinu, á fólki sem getur ekki sleppt því að fara út að skemmta sér innan um annað fólk án þess að vera með barmmerki í brjóstinu til að lýsa stjórnmálaskoðun sinni. Í gær lét ég mig þó hafa það að bregða mér út á lífið, svona rétt til að sjá aðra og ekki síst til að hlusta á það sem fólk hafði um að tala í Reykjavík síðasta laugardaginn á djamminu fyrir kosningar.
Ég tyllti mér á Ölstofu Kormáks og Skjaldar. Ég hitti marga og það var hreint með ólíkindum hvað fólk vildi í miklu mæli, óbeðið, tjá sig við mig um pólitískar skoðanir sínar. Þrátt fyrir að ég vildi ekki gefa upp mínar mjög gjarnan.
Eitt stóð þó uppúr í umræðunum, en það var spjall mitt við huggulega konu, merkta með barmmerki sjálfstæðisflokksins í bak og fyrir. Hún var hin viðklunnalegasta og spurði mig hvað ég ætlaði að kjósa. Ég gaf henni það ekki upp og hún virtist af því draga upp þá ályktun að ég ætlaði ekki að kjósa hennar flokk. “Ekki ætlarðu að kjósa Samfylkinguna” spurði hún með fyrirlitningartón. “Ég tek alltaf endanlega ákvörðun í kjörklefanum” sagði ég. “Það hef ég alltaf gert”. Konunni var ekki skemmt. Hún spurði “viltu virkilega að það verði konur í amk. helming allra stjórnunarstaðna hjá ríkinu?”. “Það truflar mig bara ekki neitt” sagði ég. Huggulega sjálfstæðiskonan fussaði og sveiaði. “það væri nú bara upphafið af endanum” sagði hún.
Ég virti konuna betur fyrir mér. Langaði til að vera viss um að ég væri ekki að tala við hinn þjóðþekkta kynskipting Önnu Kristjánsdóttur. Nei þetta var ekki hún. Enda myndi Anna alveg örugglega líta jákvæðari augum á þátt kvenna í stjórnun þjóðfélagsins. Áfram hélt konan að ræða um þetta hræðilega mál, að henni fannst.
Ég benti henni hinsvegar á það að fyrir mína parta væru konur líklega jafnhæfar mönnum til að stjórna hvaða stofnun eða fyrirtæki sem er. Það eina sem stundum truflaði væri það að almættið hefði lagt það á herðar þeirra en ekki okkar að koma blessum börnunum í heiminn. Án barnanna ættum við ekki framtíð og konum skyldi ekki refstað fyrir það að hafa komið okkur öllum í heiminn.
Við þetta strunsaði huggulega sjálfstæðiskonan í burtu og vildi ekkert meira við mig tala.
Í þessari andrá rann upp fyrir mér það ljós að þarna sannaðist líklega hið fornkveðna. “Konur eru konum verstar”

Pistill sem lesinn var í þætti Jóa Jó á bylgjunni 4 apríl 2003

Xavier fyrir 21 árum, 7 mánuðum

LOL… Nei það er ekki málið að konur séu konum verstar. Þessi kona hefur bara verið mjög vel upplýst um þær takmarkanir sem konur hafa. Þær konur í sjálfstæðisflokkum eru óhæfar í stjórnendastöður hjá ríkinu.

Xavier

P.s. Nú verð ég drepinn. ;-)

Fyrra álit

[Notanda eytt] fyrir 21 árum, 7 mánuðum

Sif Fiðleifs er afleiðing þess að koma konum inn á þing.. BÚÚÚÚÚÚ….

Fyrra álit

[Notanda eytt] fyrir 21 árum, 7 mánuðum

Það er sorglegt en satt en við konur erum oft harðari í garð annarra kvenna en í garð karla. Er þetta samt bara ekki inngrafið í þjóðarsálinni frá gömlum tímum? Ég held samt að þetta sé minna hjá yngri kynslóðunum og ég vona að þetta skítkast milli kvenna fari nú bráðum að ljúka

Fyrra álit

[Notanda eytt] fyrir 21 árum, 7 mánuðum

Getur ekki verið að það sem þessi kona hafi verið að óskapast yfir væri sá kynjakvóti sem Samfylkingin hyggst setja á stjórnendur. Helmingurinn á að vera KK og hinn helmingurinn á að vera KVK.

Þessu er ég líka mjög á móti, ekki vegna þess að þá verði svo mikið um konur í stjórnunarstöðum heldur vegna þess að það er þá verið að veja fólk í stöður eftir kyni ekki eftir verðleikum. Fullkomið jafnrétti fæst ekki með eitthverjum kvóta og svona “jákvæð” mismunun finnst mér hreynlega hræðileg stefna.

Fyrra álit

Venus fyrir 21 árum, 7 mánuðum

Pff… Mér er ekkert alltof vel við karlmenn sem líta niður á konur en mér er ennþá verr við konur sem líta niður á konur >:I

Fyrra álit

lhg fyrir 21 árum, 7 mánuðum

Þetta með 50% hlutfallið. Þetta er alltaf sett fram með þeim hætti að það séu ein kona og einn karlmaður að sækja um stöðu og þau eru bæði jafnhæf. Hins vegar finndist mér gaman að vita hvort það er jafnt hlutfall kvenna og karla sem sækir um þessar stöður. Ef konur væru t.d. ekki nema 1/3 af þeim sem sækja um stjórnunarstöður á annað borð, væri þá ekki réttlátara að stefna að því að hlutfallið yrði 1/3 konur frekar en helmingur?

Fyrra álit

[Notanda eytt] fyrir 21 árum, 7 mánuðum

Auðvitað. Og hverjir teljast vera jafnhæfir?
Það getur verið heldur loðið hugtak að skilgreina og færa rök fyrir. Einnig getur vinnuveitandi lent í því að þurfa að ráða algjörlega eftir kyni ekki eftir verðleikum því það getur verið erfitt að réttlæta ákveðið val fram yfir annað fyrir dómstólum.

Fyrra álit

Steinia fyrir 21 árum, 7 mánuðum

jamm, sá í einhverjum samfylkingarpésa sem ég fékk innum bréfalúguna að frambjóðendur samfylkingunnar væru núna fleiri konur en karlar og samfylkingin var að hrósa sér fyrir að vera með jafnrétti.

Bíddu aðeins… ef það er jafnrétti, á þá ekki að vera jafn, en ekki meira eða minna af einum og öðrum ? samt eru þeir að auglýsa að það séu fleiri konur(skot í fótinn). Er þá ekki bara mál að kæra samfylkinguna fyrir að vera með misrétti á framboðslistanum (fleiri konur)?

***Btw þetta er kaldhæðni þar sem ég er á móti þessari öfgafullu fullyrðingum að það eigi að vera 50-50***

Kv, Steini

Fyrra álit

silungur fyrir 21 árum, 7 mánuðum

ÉG verð að segja að ég er sammála Zak. Ég er ekkert á móti því að konur séu í framastöðum en ég vil ekki að við séum settar þangað bara vegna þess að við erum konur. Ég vil vera valin í starf vegna þess að ég hef unnið mig upp í það alveg eins og hinir sem eru að sækjast eftir því.

Það er eitt sem fer alveg rosalega í taugarnar á mér í sambandi við þessa kosnigarbaráttu og það er að alls staðr þar sem Ingibjörg Sólrún er þá er talað um jafnréttismál alveg eins og hún hafi fundið þau upp! Hún hefur kannski gert eitthvað fyrir konur í þeim málum en á karlmenn má hún ekki heyrast minnst á vegna þess að þeir eru ekki hluti af jafnréttismálum í hennar augum. Ég meina það þessi manneskja er rauðsokka af verstu gerð og það fer virkilega í taugarnar á mér svoleiðis konur eins og það fer rosalega í taugarnar á mér karlmenn sem eru rosalega mikklar karlrembur.

Þið Rykvíkingar skulið ekki gleyma því að hún sveik ykkur og börnin ykkar og mun örugglega gera það aftur, það er erfit að kenna gömlum hundi að sitja. Af hverju sveik hún börnin ykkar? Jú þegar hún vyrjaði í þessu borgarstjórnardæmi var það hennar hitamál að lostna við biðlista á leikskólum. Þetta loforð hennar var svo illa svikið að ég skil ekki ef þið sem eruð með börn ykkar á leikskólabiðlistum getið hugsað út í það að kjósa hana. Þegar hún fór skildi hún eftir 1465 börn á biðlistum! Það er nú naumast að hún fækkaði þessum listum ég held að hún hafi bara ekki gert neitt í því sem var hennar svona mikið hitamál í byrjun. Jú það má hún þó eiga að hún lét byggja fullt af leikskólum en einhverja hluta vegna þá dugði það ekki.

Fyrra álit

gmaria fyrir 21 árum, 7 mánuðum

snjomaður.

Skemmtilegur pistill.

Varðandi fjölgun kvenna í stjórnunarstöðum þá er það frá mínu sjónarhorni allt í lagi, en ræðst ekki endilega að rótum þess vanda sem við er að fást varðandi launahliðina, því það fyrsta sem konur í stjórnunarstöðum lenda í er að spara og hvar þarf að spara, jú í launum fjöldans.
Fjöldinn er oftar en ekki konur.

kv.
gmaria.

Fyrra álit

binnibinni2456 fyrir 21 árum, 7 mánuðum

það má endilega hvetja konur til að sækja um enn umsóknirnar eiga að verða metnar án tilititil kyns og það má kannski láta konuna fá starfið ef umsækjendur eru nokkuð vel jafnhæfir.

það gengur ekki að koma með eitthvað hlutfall og segja að það sé kynjamisrétti.

konur geta allveg boðið sig fram á þing eins og allir aðrir

er þá verið að mismuna köllum af því færri kallar eru kennarar. held nú ekki.

og öfugt með ruslakarla, ekki er samfylkingin að berjast fyrir jafnara kynja hlutfalli í sorpu.

djíses stundum langar mig að sparka í þennan flokk.

kveðja til allra góðra kvenna sem vilja ekki ganga fyrir karlmenn heldur við hliðin á þeim =)

_________________________________________

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Konur í stjórnunarstöðum

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi