Ég er hljóðvilltur og skrifa orðið eins og ég heyri, gerði t.d 40 villur í 90 orða stafsetningaprófi þegar ég var 12 og ef ég þyrfti að tékka á hverju einasta orði myndi ég bara ekki nenna að skrifa. Okei þeir hafa kanski ekki fengið pening en ég get þá bara skipt þessu út fyrir sendiráðin. Reindar væri hægt að laga hluta af fátæktinni(verð búinn að gleyma k-inu aftur á morgun) með því að séð yrði til þess að tryggingafélög myndu starfa löglega sem þau gera því myður alls ekki vegna þess að menn í ríkistjórninni(Framsókn) eiga hluta í tryggingafélögunum.

thortho:

Svona, svona, kallinn minn! Ekki vera að pissa utan í fólk fyrir villur í stafsetningu, þegar þú klikkar svo sjálfur! Ég nefni þetta bara við þig að gefnu tilefni, félagi!

Ég er viss um að þú ert ekki “heftur”, heldur bara gerðir mistök eins og gengur og gerist með þá sem mannlegir eru. Við erum öll mannleg og sumir eiga við óþægindi að stríða, eins og t.d. lesblindu. Þér urðu bara á mistök! Það er þó, hins vegar, betra að pissa ekki utan í þá sem maður er að leiðrétta, ekki satt?

Annars er þetta frekar ódýr málflutningur, hvað varðar lög er heimila fjármálaráðherra að veita eða synja deCode Genetics Inc. um ríkisábyrgð fyrir allt að 200 milljónum bandaríkjadala. Einungis það að heimild þessi var sett í lög, þrátt fyrir miklar efasemdir um stöðu fyrirtækisins, segir sína sögu. Það er til marks um það ábyrgðarleysi sem einkennir þessa ríkisstjórn, sem ég trúi og vona að sé látin!

Mér finnst þessi forsendur þessarar “greinar” afskaplega vafasamar! Þar er talað um einhver “skilgreind fátækramörk” án þess að það sé nánar tekið fram á hverju sú skilgreining er byggð!? Það er afskaplega ótrúverðugt, svo ekki sé nú meira sagt!

Hvernig í ósköpunum er hægt að segja að verið sé að “bæta kjör lágtekjufólks”, svo nokkru nemi, þegar þetta sama fólk er látið greiða skatta af lúsarlaunum? Ég fæ ekki skilið hvers konar umhyggju er um að ræða þegar fólk með t.d. 80-90 þúsund krónur er talið hafa efni á því að greiða til samneyslunnar (skatta)!? Er þetta birtingarmynd samhygðar og umhyggjusemi Sjálfstæðisflokksins. Þessum hópi fólks er ekki einu sinni gefinn kostur á mannsæmandi sjálfstæði í nútímaþjóðfélagi. Ég segi nú bara, megi íhaldið skammast sín niður í hársrætur, ef ekki ennþá neðar!

Þetta er góð spurning…
Ég er ekki með því að atvinnuleysisbætur væru mikið hærri.. það er allt of mikið um það að fólk nýtir sér þær, þá þann pening sem þær gefa.. og finnst sú upphæð skárri en að fara vinna í e-i verkamannavinnu eða hverju sem það býðst…

Svo er þetta “fátækt” afstætt hugtak eins og e-r sagði hér að ofan..

Ókeypis pening? Nóg af aumingjum?

Hvaðan í ósköpunum koma þessar tölur? Nú þekki ég slatta af bótaþegum af ýmsum tegundum og ekki einn einasti þeirra er aumingi, heldur á bótum af góðum og gildum ástæðum, meðal annars sökum atvinnumissis.

Þeir aumingjar sem ég þekki tolla að vísu aldrei í vinnu… en jafnvel þó að þeir séu aumingjar, þá hvað? Eiga þeir ekki rétt á lífi? Eins og einhver benti réttilega á erum við með ríkari þjóðum, svo að hvað er að því að tryggja fólki þau mannréttindi að það geti lifað af, jafnvel þó að það sé ekki að gefa jafn mikið til samfélagsins og aðrir geta?

Ég sjálfur er t.d. mjög heppilega launaður maður og er einn af þeim sem nýtur góðs af eiginhagsmunastefnu Sjálfstæðisflokksins… en ég get bara ekki kvittað undir það, að vegna þess eins að ég og mínir nánustu séu “betra fólk” heldur en einstaka ræflar út um allt, að þá eigi þeir ekki skilið mat og þak yfir höfuðið. Matur og þak yfir höfuðið er vandamál margra í Reykjavík, hugsið ykkur það. Hvað er það annað en hræsni, á landi sem er með þeim ríkari?

Annað; hvar í ósköpunum eru þessir aumingjar sem allir þykjast vita um? Maður er alltaf að heyra um þetta talað, en ég hef sterkan grun um að þetta komi bara frá þeim sem hafa aldrei verið svo óheppnir að þurfa á hjálp ríkisins að halda.

Undir þeim kringumstæðum er voðalega auðvelt að kalla hina aumingja.

Mér finnst að Íslendingar megi skammast sín fyrir að tala svona. Jújú, spilling þrífst alls staðar, hvort sem það er í ríkisstjórn (hægri) eða á meðal almennings (vinstri)… að fólk misnoti aðstöðu sína. Það er hægt að berjast gegn því með öðrum hætti heldur en að einfaldlega loka alla úti í kuldanum sem eru að nærast á kerfinu með réttu.

Skattleysismörk eru of lág. Atvinnuleysisbætur eru of lágar. Hver sá sem verður fyrir barðinu á þessum tveimur kerfum, samþykkir þetta… en hinir sem þurfa þess ekki eiga hinsvegar auðvelt með að dæma lifandi frá dauðum.

Ég lýsi frati á þetta rugl, það er ekkert of mikils til ætlast.