xhugi fyrir 21 árum, 6 mánuðum Fjöldi lestra: 527

Heilbrigðiskerfið að hruni komið

Þeir sem eitthvað kynna sér ástandið í heilbrigðiskerfinu gera sér fljótt grein fyrir því að heilbrigðiskerfið er að hruni komið. Það er geysilega umfangsmikið og dýrt í rekstri en það sem skiptir meginmáli er að kostnaður sjúkra er hefur hækkað hættulega mikið.

Eitt af meginstoðum velferðarkerfisins er öflugt heilbrigðiskerfi sem “grípur” fólk þegar það lendir í þeirri stöðu að veikjast. Það hefur alltaf verið grundvallarsjónarmið á Íslandi eins annars staðar á Norðurlöndunum að samfélagið ætti að taka við þegar hjúkra ætti fólki. Í dag er svo komið að fólk sem þarf á rannsóknum, lyfjum og þarf að fara í heimsóknir til sérfræðinga þarf að greiða háar upphæðir. Þarna er greinilega um “brot” að ræða á þeirri grundvallarreglu í siðmenntuðu þjóðfélagi að aðgangur að nauðsynlegri heilbrigðisþjónustu sé takmarkaður með gjaldtöku.

Dæmi 1: Atvinnulaus maður veikist og þarf að gangast undir rannsóknir o.fl. Hann er ekki lagður inn á sjúkrahús og er útskrifaður innan sólarhrings. Reikningur getur numið allt að 40.000 kr.

Dæmi 2: Einstæð móðir þarf á aðgerð að halda hjá sérfræðingi sem tekur um 30 mínútur. Hún þarf að greiða um 20.000 kr. Hún fær uppáskrifðu lyf að lokinni aðgerð sem kosta um 10.000 kr.

Dæmi 3: Maður greinist með krabbamein og þarf að gangast undir rannsóknir, viðtöl og þess háttar á spítala. Fyrsta mánuðinn hefur hann greitt um 50.000 kr. þrátt fyrir að vera kominn með afsláttarkort frá Tryggingarstofnun.

Dæmi 4: Ellilífeyrisþegi fær uppáskrifuð lyf um á kr. 7.000. Hún hefur ekki efni á að leysa lyfin út og geymir því enn lyfseðilinn. Hún þarf að fara í röngenmyndatöku sem kostar um 11.000. Hún átti að fara fyrir 2 mánuðum en hefur ekki ennþá efni á því.

Ég spyr er þetta það þjóðfélag sem við viljum byggja? Alla vega lýsa þessi dæmi raunverulegum aðstæðum fólks í dag. Því miður hef ég ekki heyrt neinn stjórnmálaflokk taka afdráttarlausa afstöðu í því hvort þetta eigi að vera svona áfram eða hvort þeir vilji hverfa af þessari ókristilega ástandi. Hvað finnst ykkur?

geirag fyrir 21 árum, 6 mánuðum

Lesefni þessu tengt:
http://www.andriki.is/vt/2002/06102002.htm

T ilvitnun:
“Á 8. og 9. áratugnum jukust útgjöld hins opinbera til heilbrigðismála í Svíþjóð jafnt og þétt, rétt eins og hér á landi. Og eins og á Íslandi jukust biðlistar, að því er virtist í réttu hlutfalli við aukningu útgjalda. Árið 1983 var svo í fyrsta sinn í Svíþjóð gerður samningur við einkaaðila um rekstur heilbrigðisþjónustu og einkarekin heilsugæsla var opnuð í Stokkhólmi. Árangur þessarar heilsugæslu og ánægja neytenda var með þeim hætti að borgarráð Stokkhólms sá ekki ástæðu til annars en að halda áfram á braut einkaframkvæmdar. Æ fleiri verk voru boðin út og spítölum breytt í hlutafélög með það að markmiði að láta stjórn þeirra og rekstur lúta eðlilegum kröfum viðskiptalífsins um framleiðni og ráðdeild í rekstri. Rétt er að taka fram hér, svo sósíalískir lesendur Vefþjóðviljans þurfi ekki að froðufella, að einkaframkvæmd þessi í Svíþjóð felur í sér að sænskir ríkisborgarar geta eftir sem áður reitt sig á fjárhagsaðstoð hins opinbera vegna læknisþjónustu. Ríkið hefur hins vegar fært reksturinn til einkaaðila en fjármagnar hvert læknisverk fyrir sig.

Þrátt fyrir stjórnarskipti í Stokkhólmsráðinu nokkrum sinnum hafa þessar breytingar ekki verið í hættu fyrir gerræði stjórnmálamanna sem gjarnan nota heilbrigðismál í lýðskrumi kosningabaráttunnar. Einkaframkvæmd í heilbrigðisþjónustu virðist hafa fest sig í sessi í Stokkhólmi og fleiri héruð Svíþjóðar líta þangað um lausn vanda í sinni byggð. Enda hafa afköst í Stokkhólmi aukist um 13%, biðlistar styst og starfsfólk almennt ánægðara í starfi.”

Og þá höfum við það! Dæmi og góða reynslu frænda okkar í Svíþjóð!

Fyrra álit

Laufa fyrir 21 árum, 6 mánuðum

geiraq

Mig minnir að það hafi verið þú sem sagðir, að Íslendingar eyddu mestum peningum í heimi í heilbrigðismál?

Einfaldlega er málið ekki hversu miklir peningar eru settir í kerfið, heldur í hvað þeir eru notaðir.

Eyrún

Fyrra álit

Swiiiiiing fyrir 21 árum, 6 mánuðum

Að hruni komið er nú svoldið djúpt tekið til orða. Skv. mati the Economist erum við með eitt besta kerfi í heimi.

Þarf að taka upp massívan einkarekstur og þá erum við á réttri leið.

Fyrra álit

gsi fyrir 21 árum, 6 mánuðum

þeir hljóta að vita það betur en við..

Fyrra álit

[Notanda eytt] fyrir 21 árum, 6 mánuðum

Ísland hefur einmitt eitt besta heilbrigðiskerfi í heimi vegna þess að það ER ríkisrekið. Öll þau heilbrigðiskerfi sem byggjast á einkarekstri eiga það sameiginlegt að fólk hefur ekki jafna stöðu til þess að nýta sér heilbrigðisþjónustu. T.d. Bandarríkin þar sem heilbrigðisgeirinn er algjörlega einkavæddur. Þar gildir einfaldlega að því ríkari sem þú ert því betra fyrir þig. Þetta finnst mér ekki vera góður og gildur hugsunarháttur í velferðarþjóðfélagi þegar um svo alvarlegt mál og heilbrigðisþjónusta er.

Ég er því algjörlega á móti að heilbrigðisþjónusta sé einkavædd. Aftur á móti þarf að breyta forgangsröðun ríkisstjórnarinnar og beina peningaflæðinnu inn í heilbrigðiskerfið sem hefur verið fjársvelt og rúmlega það í allt of langan tíma. Þar liggur hundurinn grafinn

Fyrra álit

WillySutton fyrir 21 árum, 6 mánuðum

Triccy,

Það er ekki rétt hjá þér heilbrigðiskerfið sé algerlega einkavætt í US. Fullt af state hospitals, kennslusjúkrahúsum, hermannasjúkrahúsum (VA) og þvílíku sem eru ekki einkarekin. Ég held að US eyði með því mesta per mann í heilbrigðisþjónustu (einkadæmið er svona auka, enda kanar almennt ríkir).

Fyrra álit

thortho fyrir 21 árum, 6 mánuðum

Það ætti alveg að vera hægt að einkavæða heilbrigðiskerfi án þess að það fari svo, að það verði aðeins fyrir hina ríku.

Það mætti til dæmis gera svipað og gert er með tannlækna, nema þá að ríkið tekur þátt í kostnaðnum lengur (þ.e. alla ævi). Semsagt; minni pening í heilbrigðiskerfið, og meiri pening í almannatryggingakerfið. Vilji menn vera „fasískir“ þá er alveg hægt að setja einhver drakónísk lög um að Tryggingastofnun sé aðeins fyrir þá sem eru að fá minna en svo-og-svo mikið í laun, á meðan að aðrir ættu að hafa vit á því að fjárfesta í tryggingum annars staðar - og fá því engan opinberan pening (nema ef málið snýst um börnin, sem eiga ekki að þurfa að gjalda meira en þau gera þegar fyrir að eiga heimska og óforsjála foreldra).

Væri þar kannske komin leið til að lækka skatta á fólk? Þeir sem kaupa tryggingar annars staðar fá í staðinn að borga minna í skatt, en þá ekki heldur að njóta almannatryggingakerfisins (eða hvað sem þetta nú heitir). NB: Þetta er bara eitthvað sem mér var að detta í hug, og ég er að drekka pilsner, svo kannske er ekki mikið vit í þessu.

Einkavæðing *þarf* ekki að vera neitt slæm. Hún getur vissulega verið það, ef illa er staðið að hlutunum, en það er ekkert náttúrulögmál að svo sé.

All we need is just a little patience.

Fyrra álit

geirag fyrir 21 árum, 6 mánuðum

Tricia:

Mikið ferðu með rangt mál. Heilbrigðiskerfið í Bandaríkjunum er langt í frá að vera algjörlega einkarekið. Hringir nafnið “Medicare” einhverjum bjöllum? Ef ekki þá áttu lítið að tjá þig um heilbrigðiskerfið í Bandaríkjunum.

Þú hefur líka sleppt því að lesa ábendingu mína um heilbrigðiskerfið í Svíþjóð og hvernig menn þar á bæ eru að hella sér á fullum krafti út í svokallaðan einkarekstur sem er þó skömminni skárri en algjörlega ríkisrekið kerfi.

Í Danmörku þar sem skattar eru í kringum 45-50%, er verið að loka sjúkrahúsum vegna kostnaðar og hallareksturs hins ríkisrekna heilbrigðiskerfis. Sjálfkrafa útgjaldaaukning þess er einfaldlega að sliga þá rétt eins og Íslendinga.

Hundurinn liggur EKKI, og hreinlega bara alls ekki, í því að heilbrigðiskerfið á Íslandi sé “fjársvelt”. Þvert á móti tekur það helming, já helming!, allra skatttekna ríkissjóðs! Vandamálið er ekki skortur á peningum, heldur hvernig þeir eru nýttir. Þetta eru sífellt fleiri að átta sig á - hví slæstu ekki í hópinn?

Fyrra álit

[Notanda eytt] fyrir 21 árum, 6 mánuðum

Það er óþarfi að vera með móral

Fyrra álit

geirag fyrir 21 árum, 6 mánuðum

Sömuleiðis grófar rangfærslur. Geri bara mitt besta til að leiðrétta slíkt af heilum hug. Vona því sé ekki tekið illa.

Fyrra álit

Titta fyrir 21 árum, 6 mánuðum

Munurinn á Danmörku og Íslandi er samt sá að það er ÓKEYPIS að fara til læknis/slysó/næturvagt í Danmörku. Þannig að Danir eru að henda mun meiri peningum í sjúkrakerfið en Íslendingar!

Fyrra álit

geirag fyrir 21 árum, 6 mánuðum

Ætla nú rétt að vona það með 50% skatt í landinu! Og olíu og gas í sjónum!

Fyrra álit

Titta fyrir 21 árum, 6 mánuðum

50% skattur er nú heldur ekki almennt!

Venjulegur skattur er í kringum 39-42%, og er þar með miðaður við meðaltekjur (170-200 þús.).

Athugaðu líka að vinnuvikan í DK er ekki nema 37,5 tímar!

Þeir sem eru að borga skatt í kringum 50% eru þeir sem eru að borga hátekjuskatt, s.s. þeir sem þéna yfir ca. 300 þús. ísk. á mánuði, sem er yfir meðallaunum Dana.

Fyrra álit

Latrell fyrir 21 árum, 6 mánuðum

Skattar eru 38.55% og svo leggst 4-5% hátekjuskattur ofan á sem verður aflagður sem fyrst. Ríkissjóður leggur fram rúmlega 100 milljörða á ári til heilbrigðismála og er það hlutfallslega hæst á meðal OECD, en það eru þau lönd sem við berum okkur við. Þannig að ég vil að menn fari varlega með staðreyndir sem þeir ekki geta staðið undir.

Fyrra álit

lgl fyrir 21 árum, 6 mánuðum

Mér persónulega finnst að við ættum að einkavæða!
En hefur enginn pælt í því afhverju í helvítinu systir Valgerðar Sverrisd. er yfir landspítalanum hún hefur enga (almennilega) menntun sem gerir hana hæfa og kemur úr einhverju þorpi þar sem færri búa en vinna á landsspítalanum!

Bara smá hugleiðing!

“Vitur maður hefur ekki óbifanlegar skoðanir. Hann lagar sig eftir öðrum” LAO-TSE

Fyrra álit

apj fyrir 21 árum, 6 mánuðum

Einkavæða tilhvers í fjandunum maður skilur að lönd eins og bandaríkin einkavæða helbrigðiskerfi einfaldlega útaf stærð. En við erum sona eins og lítil borg þar og við eigum að vera rík þjóð en getum ekki rekið heilbrigðiskerfi með sæmd það þarf bara að nefna þetta í keflavík og að fækkað hefur verið á deildum og næstum lokaðar og allt hefur þetta gerst í stjórnartíð X-D samt eigum við að vera ríkari núna en fyrir 12 árum þegar kannski 40 sjúklingar voru á geðdeild borgarspítalans en núna er henni nánast lokað.

Já…..

Fyrra álit

WillySutton fyrir 21 árum, 6 mánuðum

Það er líka ódýr bjór í Danmörku…

Fyrra álit

Swiiiiiing fyrir 21 árum, 6 mánuðum

Þetta er ekki rétt.
Það er munur á að einkavæðingu og einkarekstri. Ríkið getur greitt fyrir þjónustuna þó ríkið reki hana ekki. Þá kemst á samkeppni og almennilegur rekstur. Biðlistar væru t.d. úr sögunni um leið.

Íslenska heilbrigðiskerfið nýtir peningana mjög illa af því ríkið rekur það. Það er eðli ríkisrekstrar, þegar enginn á peningana þá er enginn að passa þá.

Meira að segja Svíar og Norðmenn eru búnir að einkavæða alveg helling í heilbrigðiskerfinu sínu og hafa af því góða reynslu.

Bandaríska heilbrigðiskerfið er allt öðruvísi og byggir á tryggingum… Það er of langt mál að fara út í það…

Fyrra álit

Moose fyrir 21 árum, 6 mánuðum

Sæll,

hefuru kynnt þér heilbriðgiðskerfi annara landa? Íslenska kerfið er draumur miðað við mörg önnur (og þá er ég ekki að miða við heilbrigðiskerfið í Eþjópíu og þess háttar)

kv
Moose - Kanada

- Moose ltd. -

Fyrra álit

Nonni69 fyrir 21 árum, 6 mánuðum

Það er ótrúlegt að sjá hvernig ríkisstjórnin hefur hækkað álögur á sjúklinga í stjórnartíð sinni. Greiðslur fyrir röntgenrannsóknir, sem kostuðu 900 krónur, sem var fast gjald, þegar ríksstjórn Davíðs Oddssonar tók við árið 1995, hafa nú 20-faldast. Röntgenrannsóknin sem kostaði 900 krónur kostar nú að hámarki 18.000 krónur, - segi og skrifa átján þúsund krónur! Hið sama hefur einnig verið uppi á teningnum hvað varðar greiðslur sjúklinga fyrir ferliverk.

Árið 1999 greiddu menn að hámarki 5.000 krónur fyrir slík verk, skömmu síðar var hámarkið hækkað í 6.000 krónur og nú í lok kjörtímabilsins er það 18.000 krónur.

Þessar upplýsingar koma fram í svörum við spurningum Ástu Ragnheiðar og Rannveigar Guðmundsdóttur sem heilbrigðisráðherra svaraði nú á síðustu dögum þingsins og hægt er að nálgast á www.althingi.is undir liðnum þingmál. Ýmsar aðrar athyglisverðar upplýsingar um auknar álögur á sjúklinga í öðrum þáttum heilbrigðisþjónustunnar má finna í svörum ráðherra. Þar má nefna aukinn lyfjakostnað, hærri komugjöld og hærri greiðslur fyrir þjónustu sérfræðinga, svo eitthvað sé nefnt.

Ég hvet alla til að kynna sér hug stjórnvalda til sjúklinga í verki með því að kynna sér þessi svör heilbrigðisráðherra.

Fyrra álit

Dixie fyrir 21 árum, 6 mánuðum

Ég veit nú sára lítið um þetta en þegar sagt er að röntgen myndataka hafi kostað 900 krónur áður fyrr og hafi til dagsins í dag 20-faldast gæti skýringin verið sú að í dag er búið að greina sjúkdóminn áður? Greina hann áður en að til komið þörf á röntgenmynd og í mörgum tilvikum væri röntgen því óþörf?

Ég nefni t.d. brjósklos, það er eitthvað sem að margir íslendingar hafa komist í tæri við. Núna er hægt að fara til sjúkraþjálfara að láta hann greina hvort um er að ræða brjósklos nú eða þjálfa ónýta brjóskið burtu. Áður var farið til heimilislæknis og hann sendi beint í röntgen…..? Kannski er það sami kostnaðurinn ég veit það ekki? Ég er ekkert að halda neinu fram bara spyrja……….

kær kveðja,

Dixie

Fyrra álit

gmaria fyrir 21 árum, 6 mánuðum

xhugi.

Sæll.

Það er ánægjulegt að sjá hér grein á huga frá öðrum um hið íslenska heilbrigðiskerfi sem hefur verið mér hugleikið hvað varðar réttindi sjúklinga í um það bil áratug.

Kostnaðarþáttaka sjúklinga í heilbrigðisþjónustu hér á landi er fjarri öllum raunveruleika, með tilliti til upphæða vergra þjóðarútgjalda sem renna beint í kerfið og upphæðar skattprósentu á almenning í því sambandi.

Með öðrum orðum kerfið skortir skilvirkni
og aðhald sem ekki er til staðar í nægilegum mæli
þar sem viðtekin venja hefur verið fyrir hendi að bæta bara við fjárlög ár hvert eins og ekkert væri án þess að skoða umfang þjónustu og síðast en ekki síst faglegt árangursmat sem fyrir löngu síðan hefði átt að líta dagsins ljós.

Því miður er íslenska heilbrigðiskerfið það mikið einkavætt innan gæsalappa að það kostar okkur allt of mikið þar sem einkastarfssemin heimtar ár hvert óbreytt starfsumnhverfi með niðurgreiðslum hins opinbera.

Þessu hafa stjórnmálamenn ekki haft burði til þess að standa gegn undanfarin ár og þekking mín á þessu málasviði er m.a. ástæða þess að ákvað að nú að taka þátt í því að setjast á lista í framboði til Alþingis.

kv.
gmaria.

Fyrra álit

gmaria fyrir 21 árum, 6 mánuðum

Fyrra álit

Dixie fyrir 21 árum, 6 mánuðum

gmaria,

Þar sem þú ert í framboði nennir þú nokkuð að skoða pælingar mínar hér á undan….?

kær kveðja,

Dixie

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Heilbrigðiskerfið að hruni komið

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi