gmaria fyrir 21 árum, 8 mánuðum Fjöldi lestra: 566

Lögboðin gjöld eru skattar.

Í allri hinni miklu skattaumræðu undanfarið hefur lítið farið fyrir
umræðu um lögboðin gjöld hins opinbera svo sem iðgjöld bifreiðatrygginga, afnotagjald RUV, og þjónustugjöld í heilbrigðiskerfið.

Iðgjöld bifreiðatrygginga sem hækkað hafa upp úr öllu valdi ár frá ári, þrátt fyrir “ góðæri ” er ennþá að ég tel óútskýranlegt
af hálfu hins opinbera.

Sérfræðiþjónusta til lækninga veitt á vegum hins opinbera hefur
hækkað um heil 260 % samkvæmt tölum er Félag eldri borgara í Reykjavík birti nú nýlega.

Hvað veldur ?

Er aðhald ríkisins í eigin rekstri ekki fyrir hendi, á þeim sviðum
er skipta almennning verulegu máli.

Fyrir einstaklinga þýða til dæmis einungis iðgjöld bifreiðatrygginga, af einum bil og afnotagjald Ruv mánaðarlega um það bil 15.000.kr. til viðbótar staðgreiðslu skatta.

Virðisaukaskattur hækkar síðan upphæðir hinna lögboðnu gjalda, en virðisaukaskattur á lögboðin gjöld á einhvern veginn ekki heima
í mínu orðasafni sem viðbótagjaldtaka á lögboðin gjöld.

Stjórnvöld virðast taka árlegum hækkunum tryggingafélaga á iðgjöldum sem og hækkun sérfræðiþjónustu í heilbrigðiskerfinu,
eins og sól sem kemur upp að morgni, burtséð frá því
hvort slíkt varðar afkomu hins almenna borgara hvað varðar
skerðingu kaupmáttar þess hins sama.

Á sama tíma eru ekki nógu margir heimilislæknar að störfum hjá
ríkinu á fjölmennustu svæðum landsins, en þjónusta sem slík er
grunnþjónusta og skilgreind sem sú ódýrasta.

Miðað við skattþáttöku almennings hlutfallslega í t.d. rekstri heilbrigðiskerfis, er tekur til sín drjúgt hlutfall skattekna, ætti hver landsmaður að geta komist til læknis
án mikil kostnaðar, en sú er ekki raunin eins og áður sagði því
þjónusta við grunnheilbrigði er ekki fyrir hendi og almenningur
neyðist til að leita í sérfræðiþjónustu sem er dýrari en nægilegt framboð er af í núverandi skipulagi mála þar á bæ.

Þurfum við ekki að fara að skilgreina agnar ögn hvað kostar hvað
og hvort hið opinbera sé á réttri leið hvað varðar eftirlitshlutverk og kostnaðarvitund um þá þætti er teljast til
lögboðinnar innheimtu hvers konar.

með góðri kveðju.
gmaria.

eduardo fyrir 21 árum, 8 mánuðum

Mikið er ég sammála þér, maður hefur horft á allt mögulegt hækka á þessum árum núverandi ríkisstjórnar og þrátt fyrir að skattar hafi ef eitthvað er hækkað á þessum tíma þá hefur öll grunnþjónusta snarhækkað í verði. Ég fór sem dæmi með krakkana mína til tannlæknis um daginn og fékk helming endurgreiddan.

Málið er að þegar fóreldrar mínir voru að fara með mig til tannsa í gamla daga þá fóru þau í Tryggingastofnun eftir tannsa ferðina og fengu allt borgað til baka. Ekki það að ég er ekki viss með tímasetningar á þessu, þ.e.a.s hvort núverandi ríkisstjórn hafi kálað þessu kerfi en hitt er annað mál að það eru endalaus dæmi um svona hluti sem hafa snarhækkað á sama tíma og skattar hafa ekkert lækkað.

Fín grein Gmaria.

Kv. Eduardo

Fyrra álit

thortho fyrir 21 árum, 8 mánuðum

Hve mikið er endurgreitt fer eðlilega eftir aldri krakkanna. Mig minnir a.m.k. að endurgreiðsla frá Tryggingarstofnun, t.d. fyrir tannlæknaferðir, sé prósenta af kostnaði, en engin föst upphæð. En það er svosem dáldið síðan ég var krakki og ég er blessunarlega laus við að hafa skrýmsli á heimilinu.

All we need is just a little patience.

Fyrra álit

Wise fyrir 21 árum, 8 mánuðum

Eru það ekki skóla tannlæknar sem að sjá um alla krakka að 16 ára aldri?
Ég veit síðan auðvitað ekkert um það hvort að foreldrar þurfa eitthvað að borga fyrir þá þjónustu. Maður var nú ekkert að hafa áhyggjur af því á þeim aldri :)

En já, ég er sammála greininni að mestu leiti. Það er of margt sem að maður er neyddur til að borga fyrir. Það ætti t.d. setja tryggingafélögunum einhverjar skorður varðandi þessi iðngjöld. Síðan á ríkið ekki að reka sjónvarpið, það væri alveg nóg að þeir væru bara með útvarp!

Mér þætti gaman að vita hver stefna frjálslyndra er í málum Ríkisútvarpsins! Það er margt sniðugt sem þeir segja. Hvað mig varðar stendur valið á milli þeirra og X-D

Það eru einuflokkarnir sem að ég hef einhverja trú á að komi með einhverjar breytingar til batnaðar!

“If you can't stand the heat in the dressing-room, get out of the kitchen.”

Fyrra álit

Anarcy fyrir 21 árum, 8 mánuðum

Wise

Þetta skrifaðir þú um D og F lista:

“Það eru einu flokkarnir sem að ég hef einhverja trú á að komi með einhverjar breytingar til batnaðar!”.

Ég er ekki að reyna að dissa þig en ef þér finnst virkilega að það þurfi að gera svona miklar breytingar af hverju viltu þá fá D-listann, D-listinn er búinn að vera við völd í 12 ár og þú hefur áður í spjalli við mig lýst því yfir að D-listinn sé besti flokkurinn. En ég er feginn að þú ert farinn að sjá að það þarf að bæta ýmislegt og ekki er allt eins gott og D-listinn vill láta okkur halda.

Fyrra álit

Wise fyrir 21 árum, 8 mánuðum

Já, það er nú alveg heilmargt sem að ég myndi vilja breyta, og ég hef enga trú á því að neinn stjórnmálaflokkur eigi eftir að framkvæma þótt að ekki sé nema 15-20% af því öllu.
Eftir að hafa kynnt mér málin þá sýnist mér að einu flokkarnir sem að gætu reynt að breyta einhverju til batnaðar séu D og F listi.
Framsókn myndi sennilega hálfpartinn standa í stað, og samfylking og V-G myndu innleiða breytingar sem að væru þvert á það sem að ég vildi að gert yrði!

Þannig að í mínum huga eru þetta einu flokkarnir sem koma til greina. Eg hafði ekki kynnt mér Frjálslynda fyrr en nýlega, og ég verð að segja að mér lýst bara nokkuð vel á þá :)

“If you can't stand the heat in the dressing-room, get out of the kitchen.”

Fyrra álit

Anarcy fyrir 21 árum, 8 mánuðum

Wise

Það er satt hjá þér, Frjálslyndir virðast vera að koma sterkir inn….en ég hef ekki kynnt mér það nógu vel…ennþá :)

Fyrra álit

gmaria fyrir 21 árum, 8 mánuðum

eduardo.

Ég held að raunin sé sú að það mikla umfang sem til staðar er i ríkisrekstrinum t.d. í heilbrigðiskerfinu, veldur því að hægri höndin veit ekki hvað sú vinstri gjörir lengur og yfirsýn er afar lítil um gangverk kerfisins.

Almannatryggingalöggjöfin hefur verið gerð að svo flóknum frumskógi að endurskoðun hennar í heild hefur verið frestað þing eftir þing, en sífellt hefur verið bætt við reglugerðum á reglugerðir ofan um hitt og þetta sem ekki hafa einfaldað framkvæmd né minnkað kostnað.

Eitt dæmi um flókin lög sem illa og ekki þjóna
almenningi lengur heldur fremur starfsmönnum ríkisins í störfum við hina flóknu framkvæmd,
því miður.

Endurgreiðsla tannlæknakostnaðar hefur minnkað og
mismunun t.d. hvað varðar þá er þurfa að nota gleraugu er algjör því ekki er litið á sjóntap
sem heilsutap, né heldur tannréttingar sem hluta
af tannheilsu.

Það skortir því einnig á faglegar skilgreiningar,
sem aftur ber vott um skort á heildaryfirsýn.

kv.
gmaria.

Fyrra álit

eduardo fyrir 21 árum, 8 mánuðum

Ok takk fyrir þessa greinargóðu útskýringu. Þetta er nú einmitt ástæðan fyrir því að maður er að standa í skrifum á Huga.

Kv. Eduardo

Fyrra álit

gmaria fyrir 21 árum, 8 mánuðum

eduardo.

Sömuleiðis þökk fyrir þáttöku í umræðu, því orð eru til alls fyrst af hálfu margra er hér taka til máls en sumir virðast kjósa að lesa og sleppa því að tjá sínar skoðanir eins og gengur og gerist og enn aðrir gera ekkert annað en að lesa, hér, en gaspra annars staðar til varnar að virðist flokkshagsmunum einstakra flokka ef svo ber undir, nú fyrir kosningar.

kv.
gmaria.

Fyrra álit

Apocalisp fyrir 21 árum, 8 mánuðum

Mikið er ég sammála þér gmaria.

Fyrsta skrefið í að lækka skatta er að leggja niður Ríkisútvarpið.

Fyrra álit

gmaria fyrir 21 árum, 8 mánuðum

Apocalisp.

Ríkisútvarpið á ekki að vera rekið fyrir nefskatta á landsmenn, þ.e.. skylduáskrift með
þáttöku á auglýsingamarkaði, í þeirri samkeppnisaðstöðu, heldur á að rúma þann rekstur innan fjárlaga með vel skilgreindu hlutverki til
þess að þjóna menningarlegu hlutverki.

kv.
gmaria.

Fyrra álit

person fyrir 21 árum, 8 mánuðum

gmaria

Orð í tíma.

Í Svíþjóð kostar skyldutrygging á lítinn fjölskyldubíl 1 000 til 1 200 sek á ári (9 500 til 11 500 isk) samkvæmt frétt í Sydsvenskan.se fyrr í vetur.

Fyrra álit

gmaria fyrir 21 árum, 8 mánuðum

person.

Nákvæmlega !

Sem aftur segir okkur það að það kostnaður við bílatryggingar á Íslandi á mánuði sé álíka því og Svíar inna af hendi á heilu ári.

Kemur svo sem ekki á óvart, en það er óþolandi að
þáttaka tryggingafélaga á íslenskum hlutabréfamarkaði ( sem er á brauðfótum ) skuli þýða þetta fyrir landsmenn, þ.e. hækkandi gjöld á almenning í “ markaðsfrelsinu ” svokallaða.

Að stjórnvöld skuli ekki standa betur að verkum
varðandi eftirlit með bótasjóðum félaganna, sem eiga að jafna iðgjöld og draga úr
hækkanum ár frá ári er þeim hinum sömu til mikillar minnkunar, hvað fagleg vinnubrögð varðar.

Óskilvirkni með framkvæmd laga er þar á ferð,
og tryggingafélög með lögboðið hlutverk um greiðslu tjóna standa jafnvel í málaferlum við tjónþola fyrir dómstólum, um að greiða sem lægstar
bætur sem mögulegt er, eins fáránlegt og það nú er í ljósi hins lögboðna hlutverks í þessu efni.

Tryggingafélög með lögboðið hlutverk eiga að leysa mál á öðrum vettvangi en fyrir dómstólum svo fremi þau hin sömu taki að sér lögboðið hlutverk til þjónustu við almenning.

Slík deilumál þjóna helst þeim tilgangi að skapa
atvinnu fyrir lögfræðistéttina, og taka tíma dómstóla frá úrlausnum um önnur mál er fremur ættu
að vera ofar í forgangsröð verkefna þar á bæ.

kv.
gmaria.

Fyrra álit

biko fyrir 21 árum, 8 mánuðum

Það er grundvallarmunur á hækkun þjónustu- og afnotagjalda og hækkun skatta þar sem skattarnir miðast við tekjur fólks og leggjast því harðast á þá sem hafa mest, meðan að þjónustugjöldin leggjast hlutfallslega mest á þá sem hafa minnst. Það er ekki tilfelli hvað hefur verið hækkað og hvað lækkað í tíð þessarar ríkisstjórnar. Og svo segir fólk að stéttapólitík sé úr sögunni!

Fyrra álit

gmaria fyrir 21 árum, 8 mánuðum

biko.

Hvoru tveggja of háir skattar og síhækkuð þjónustugjöld þýða minni ráðstöfunartekjur, öllum til handa hvaða launaupphæðir sem þeir hinir sömu fá í umslagið.
Þeir tekjulægstu finna eðli máls samkvæmt mest fyrir því, þar sem laun og bætur eru það lág tala að vart nægir til framfærslu, eftir skatttöku.

kv.
gmaria.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Lögboðin gjöld eru skattar.

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi