Ég held að kaupmáttur hafi aukist um 33%, og þrátt fyrir þessar verulegu skattalækkanir hafa skattatekjur ríkissjóðs aukist verulega. Ekki nóg með að lækka eigi virðisaukaskattinn og fella niður eignaskattinn heldur á að breyta erfðarskattinum þannig að fyrstu 2 milljónirnar verða skattfrjálsar. Ég held að óaðfinnanleg efnahagsstjórn síðustu ára sé ástæðan fyrir þessum ómálefnalegu dylgjum vinstrimanna í garð Davíð og hans stjórnar. Hræsni, þversagnir og útúrsnuningar Össurar og Ingibjargar Sólrúnar eru með ólíkindum, og það virðist sem þessir aðalritarar Samfylkingarinar, eða hvað sem þau titla sig, hafi áttað sig á því að þau hafa ekkert í höndunum. Það er ekki ýkja gáfulegt að breyta einhverju sem virkar vel bara til að breyta því. látum ekki vinstristjórn sem saman stendur af fyrrverandi ráðherrum sem hafa ekki getað haldið út eitt kjörtímabil skemma það sem hefur tekið 12 ára að byggja upp. Setjum X við D.

Stjórn Sjálfstæðisflokksins síðustu 12 árin hefur einkennst af gríðarlegum eignartilfærslum frá fátækasta hluta landsmanna til þeirra ríkustu. Munurinn á tekjum hinna ríku og hinna fátæku hefur stóraukist og með breytingum á skattaprósentu fyrirtækja er það nú orðið þannig að ef ég stofna fyrirtæki sem selur vinnu mína að þá borga ég mun minni skatta en ef ég er launþegi. Sífellt stærri hluti tekjulægsta hópsins í samfélaginu borgar skatta og auk þess hafa óbeinir óheppnis, sjúkdóma og slysaskattar á heilbrigðisstofnunum aukist til muna. Þad er nú ordið þannig að fátækt fólk verdur að neita sér um læknismeðferð vegna kostnaðar. Þetta er ekki það þjóðfélag sem ég vil byggja. Skattur á fyrirtæki á ekki að vera minni en á einstaklinga. Hann á að vera sá sami auk þess sem skattur á einstaklinga ætti líka bara að takst af gróðanum af vinnu þeirra. Fyrirtæki borga ekki skatt af öllum tekjum sínum. Aðeins af gróðanum. Þannig ætti fólk líka bara að borga af því sem það hefur ummfram það sem þarf til að halda uppi líftórunni. Èg held að félagsmálaráðuneytið hafi talið saman að það þyrfti minnst 150.000 kr. til að halda heimili á Ìslandi í dag. Skattleysis mörk ættu að miðast við þessa tölu og ekki vera um 60000 sem enginn getur lifað af. Að sjálfsögðu er gott aðgeta greitt niður skuldir sem teknar voru til að “fjárfesta” í mennta og heilbrigðiskerfi landsmanna. En það má ekki gerast á kostnað þess sem lánin voru tekin til að byggja upp. Með áherslu stjórnarinnar á einkavædingu og notendaskatta innan heilbrigðis- og menntakerfisins hefur ríkisstjórnin sýnt hvaða hóp hún vinnur fyrir. Slíkir einkaskólar eru fyrir það fólk sem hefur efni á þeim og með því að vilja leggja fjármuni ríkisins í þá skóla sköpum vid mjög ójöfn skilyrði fyrir börn af misjafnri stétt að komast áfram í lífinu.
Ef menn vilja fá aukið réttlæti aftur í stjórnarráðið, með stjórnendur sem ekki eru að elltast við hagsmuni hinna fáu ríku heldur heildarinnar, kjósa menn vinstriflokkinn í Ìslandi, VG.

Þið segið það. Atvinnuleysi hefur aldrei verið meira síðan á 9. áratugnum. Skattar hafa hækkað á tekjuminnsta fólkið. Tekjuhæsta fólkið greiðir minni skatta en áður. Ekkert er minnst á persónuafsláttinn, heldur er talað um % lækkanir, sem aftur koma þeim tekjuhæstu best. Eignaskattur, aftur fyrir efnameira fólk. Ríkið hefur aldrei verið stærra, þrátt fyrir sölu ríkisfyrirtækja, og minni þjónustu.
Kvótakerfið er á góðri leið með að eyðileggja miðin (Næstum helmings minnkun á þorskkvóta t.d.) Forsætisráðherra lýsir yfir stuðningi við stríð þvert á vilja þjóðarinnar (og að því er virðist samstarfsfólk í ríkisstjórn).
Þingmenn og ráðherrar sitja sem fastast þrátt fyrir klúður og óstjórn og sýna fréttamönnum og almenningi hroka og yfirlæti.
Sorry, þetta er ekki gamli “stétt með stétt” Sjálfstæðisflokkurinn sem maður þekkti, heldur einhver über-nýfrjálshyggju og gróðapungaflokkur. Mér líst ekkert á þetta. Held ég kjósi bara F.
J.

Nú nenni ég ekki að svara þessu á málefnalegan hátt, enda virkar það víst ekki á ykkur blámennina. Það eina sem ég tek mark á er það sem stendur á launaseðlinum mínum og núna er ríkið að taka of mikið af laununum mínum og ég er ekki einu sinni með 100 þúsund kall á mánuði.

BTW, ef Davíð hefði fengið 100% atkvæða en ekki 98% hefði hann þá orðið svo glaður að hann hefði náðað alla fanga svona eins og Saddam gerði? Bara spyr. Og ég mun hvorki kjósa Sjáfstæðisflokkinn né Samfylkinguna.

já, við skulum kjósa sjálfstæðisflokkinn. við skulum kjósa ríkisstjórn sem lætur frekar stjórnast af geðþóttaákvörðunum og vinaklíkum en almenningshagsmunum. skattar hafa lækkað fyrir þá tekjuhæstu. skattaumhverfi fyrirtækja var einnig breitt, og svo furðulega vildi til að stóru og rótgrónu fyrirtækin voru þau sem að komu vel út úr því. fátækt blússar upp með öllum veggjum, en Davíð verður ekki var við það í fílabeinsturninum sínum, er hann lítur yfir hungraðan líðinn og spyr “Hvers vegna borðar fólkið ekki bara kökur?” ———– ég hef fengið nóg af ríkisstjórn sem kýs að ofsækja mig sem forhertan glæpamann, frekar en að hlusta á málefnalegu hliðar málsins, ég kýs ekki menn sem styðja fjöldamorð í nafni hins almáttuga dollars, ég kýs ekki menn sem eru tilbúnir að láta landið ganga í gegnum kreppu fyrir 300 milljónir í eigin vasa, ég kýs ekki ríkisstjórn sem að hylmir yfir ákveðin spillingarmál þegar vinir FORINGJANS eiga í hlut, ég kýs ekki ríkisstjórn sem vill gera þá ríku ríkari og þá fátæku fátækari.

arnig.

Árangur í efnahagsstjórnun er ágætur svo fremi
slík efnahagsstjórnun byggist á því að almenn velsæld skili sér til þorra almennings.

Sú er EKKI raunin, því miður.

Þar er ekki nægilegt að líta á heildarmeðaltal tekna landsmanna þar sem HIMINN og HAF er milli
láglaunastétta og hálaunamanna, þannig að kaupmáttur láglaunamannsins er engin þegar öll laun hans fara í nauðsynleg útgjöld og gott betur meðan hálaunamaðurinn hefur mikinn tekjuafgang eftir slíkar greiðslur.
Hann hefur kaupmátt hinn ekki.

Ef aðalatvinnugrein landsmanna skilar ekki nægilegum skatttekjum, er þá sjálfsagt og eðlilegt að þínu mati að skattpína láglaunafólk
svo mjög að þær tekjur til lifibrauðs er sá hópur hefur úr að spila séu undir skilgreindum framfærslumörkum ríkisstjórnarinnar sjálfrar ?

Er eitthvað eðlilegt við það ?

Sjúklingar og aldraðir sem hafa greitt skatta og skyldur í áraraðir og byggt upp velferðarkerfið svokallaða hér á landi, borga og borga en lenda
samt í biðröðum í hinni rándýru þjónustu og er gert að kaupa lyf sem þeir hinir sömu hafa ekki einu sinni efni á að leysa út.

Sjúklingar sem lenda í læknamistökum missa aleiguna sökum þess að kerfið finnur ekkert að hjá sjálfu sér og málsmeðferð tekur áratugi.

Rándýr sérfræðiþjónusta er niðurgreidd af ríkinu
meðan ódýrasta þjónusta við heilbrigði er ekki einu sinni fyrir hendi á fjölmennasta svæði landsins.

Hefði einhvern tímann heitið að spara aurinn en kasta krónunni.

Persónuafslátturinn byrjar að skerða tekjur ekkju/einstæðrar móður,
með barn á framfæri,
þegar hún hefur náð 677. þús króna tekjum, þannig að einstæðar mæður með tekjur sem nema tvöfaldir þessari upphæð lúta skerðingu í samræmi við upphæðir. Launin eru þó langt undir meðaltekjum.

Eðilegt ?

Hér hefur verið á ferð offar í skattöku og menn reyna nú að klóra í bakkann, til málamynda,fyrir kosningar til að halda völdum rétt eins og fyrri daginn, sem
tekur þó ekki á aðalvandamálinu sem er kvótakerfi sjávarútvegs og skipulagi þess er núverandi stjórnvöld bera ábyrgð á og skilar þjóðinni
ekki staðgreiðslusköttum né heldur hagkvæmni sem skyldi, því miður.

Sökum þess skipulags hefur þorri alþýðu hér á landi lotið skattpíningu allt síðasta kjörtímabil.

kv.
gmaria.

arnig

Ég hef ekki fundið fyrir þessum bættu aðstæðum sem sjálfstæðisflokkurinn ÞYKIST vera búinn að skapa fyrir alla íslendinga. Þú ert blindur ef þú reynir að halda því fram að þeir fátækustu hafi grætt eitthvað á því að lúta stjórn D-listans. Þú veist að mannúðarstefna D-listans er alveg jafn mikið kjaftæði eins og mannúðarstefna BNA gagngvart öðrum ríkjum en sjálfum sér. Ég myndi kannski kjósa D-listann ef ég fengi 12 millur í árslaun og 70 millur í kaupauka á ári, þá fyrst færi það að borga sig fyrir mig að kjósa D-listann.

En hvað um víxillinn sem Davíð Oddson og Geir H. Haarde skrifuðu uppá fyrir Íslenska Erfðagreingu. Ef fyrirtæki mistekur þá lendir þetta allt í okkur. Ekki þeim.

Er ekki kommi, svo ekki kýs ég ráðstjórnarflokk.
Flokksbundið þingræði er mér ekki að skapi.
Vel frekar lýðræði.

lmao
Rússnesk kosning á landssfundi Ráðstjórnarflokksins.

það sem við höfum verið að sjá á síðustu árum er ríkisrekinn kapítalismi, þ.e. ríkið stendur að eða stuðlar að risaframkvæmd í litlu hagkerfi sem veldur tímabundinni þennslu og ofkeyrslu hagkerfisins. Á margan hátt má líkja þessari hagstjórn við að gera þjóðarlíkamann að dópista, hann verður háður sífellt stærri skömmtum, fráhvarfseinkenninn verða hrikaleg ef ríkið dælir ekki inn nýjum risaframkvæmdum.

Einnig hefur ríkisbáknið verið rekið fyrir söluhagnað, það hefur haldið ríkiskassanum réttum megin við strikið. Á sama tíma hefur ríkisstjórninni ekki tekist að hemja útgjöldin, þau hafa farið stigvaxandi.

Á sama tíma hefur verið vegið að velferðaríkinu: Framhaldsskólarnir, Háskóli Íslands eru fjársvelt og verið að þvinga þessar stofnanir til að hækka skólagjöld, kennarar og skólastjórnendur senda frá sér neyðaróp. Þjónustugjöld almannaþjónustunnar hafa hækkað.

Þessu er síðan svarað af hroka forsætisráðherra um að fólk leyti nú alltaf í ókeypis nauðþurftir hvar sem þær eru í boði. Ekki er hroki fjármálaráðherra minni þegar hann vill að kerfið sé vinnuhvetja og því verði að hafa bætur lágar. Hvaða della er þetta og tortryggni, eins og atvinnulausir vilji ekki vinna, sjúklingar og bæklingar vildu ekki glaðir taka þátt í atvinnulífi og eins og aldraðir megi ekki setjast í helgan stein. Þetta einfaldlega sýnir hroka sjálfstæðismanna á kjörum almennings. Það kæmi manni ekki á óvart þótt margir í þeirra röðum segi ekki: Ja, afhverju borðar fólkið þá bara ekki kökur?

M.

Má kannski bæta við varðandi stöðugleikann, að sjaldann höfum við orðið vitni að öðrum eins dýfum og kollsteypum í hagkerfinu og einmitt á síðasta kjörtímabili. Á þessum öldufansi hafa einstaklingar, fyrirtæki og sjóðir tapað milljörðum á þessum kollsteypum. Talaðu því ekki um efnahagslegan stöðugleika, talaðu frekar um efnahagslega stórsjóa þar sem margir hafa tapað miklu.

M.

Mér finnst að ætti lækka skatta niður í 0.0001% og nota síðan skattinn til að kaupa byssur til að skjóta fólkið sem kemur sér í fátæktargildrur og börnin þeirra sem eru svo vitlaus að velja að fæðast í fátækar fjölskyldur.

arnig:

Ég las fyrstu 6-10 svörin, gafst upp á þvaðrinu, og sé að andstæðingar Sjálfstæðisflokks hafa ekki neitt fram að færa nema slagorð. Ætli þeim sárni að nú virðist Sjálfstæðisflokkurinn vera sækja í sig veðrið í könnunum eftir að drullupollaslagur “aðalritara Samfylkingarinnar” (snilldarfrasi) hætti og fólk fór að horfa á staðreyndir?

Alveg rétt, verða að láta eitt gullkorn frá Þráni Bertelssyni um Samfylkinguna fylgja hér;

“Einnig er gott hjá Samfylkylkingunni að bjóða upp á ”TVÍTÓLA“ forystu, einn frambjóðandann í hlutverki lírukassaleikarans og annan í hutverki APANS” (hver skyldi það vera ?)

Þessi grein er nú meiri kosningaáróðurs þvælan.
Og atvinnuleysi er bullandi hérna á höfuðborgarsvæðinu.

Hvernig bara dettur ykkur í hug að miða atvinnuleysi á íslandi við önnur lönd?
Við erum ekki nema umþbþ 300,000 og þetta atvinnuleysi sem er er í raun sláandi fyrir eins litla þjóð og okkur! það eru 3238. karlar og 2911 konur atvinnulaus í þjóðfélaginu í dag. Það eru samtals 6149 manneskjur sem eru atvinnulausar af 300,000. Svo ekki reyna að segja mér að þið séuð að mæla við einvherja aðra þjóð sem er með miklu stærri höfuðtölu. Þannig gengur dæmið ekki upp!

Mér finnst reyndar alltaf jafn fyndið þegar menn fara að tala um óðaverðbólguna, sem var 130% ef mig minnir rétt. Menn gleyma því gjarnan hvers vegna hún var og borgaði sig.

Það var vegna þess að skattkerfið var þannig áður að maður borgaði skattana sína árið eftir að maður fékk útborgað. Þetta er vægast sagt óendanlega óhentugt af mörgum ástæðum, en þá var það einmitt undir forystu Jóns Baldvins Hannibalssonar, þess snillings, að breyta þessu þannig að maður borgaði skattana jafnóðum og maður fékk útborgað.

Þetta segir sig sjálft að gat bara þýtt eitt. Skattlaust ár.

Skattlaust ár hafði það í för með sér að allir sem vettlingi gátu valdið fóru að vinna eins mikið og þeir mögulega gátu. Fólk tók á sig fáránlega yfirvinnu, hætti í skóla í ár til þess að geta unnið, því það vissi vel sem var rétt að það myndi ekki borga skatta þetta ár, en þyrfti að borga þá árið á eftir.

Þetta þýddi að sjálfsögðu ekki bara fáránlega verðbólgu, heldur einnig fáránlegan hagvöxt. Þetta var alls ekkert slæmt, hvorki til skemmri né lengri tíma, nema fyrir þá sem unnu ekki þetta ár. Þar sem vinstristjórn var við lýði eins og þú bendir réttilega á, var því fólki síðan auðvitað hjálpað… hugmyndafræði sem öfgahægrimenn geta ekki einu sinni ímyndað sér, hvað þá framfylgt.

Þetta mæli ég á móti þessum hlægilega flokki, Sjálfstæðisflokknum (sem er reyndar ekki hægriflokkur frekar en vinstra eystað á mér), en svo verður líka að hugsa út í það, sem ég sel reyndar ekki dýrara en ég keypti það, að mér skiljist að Ingibjörg Sólrún vilji fara AFTUR yfir í skattkerfi þar sem maður borgar skattana árið eftir. Ég ítreka að ég heyrði þetta bara og að þetta sé ekki staðreynd, en sé þetta tilfellið er auðvitað fráleitt að kjósa Samfylkingu, ef það verður til þess valdandi að Ingibjörg Sólrún komist í völd þar.

Mér finnst líka skrýtið að stjórnarandstaðan sé sífellt að væla yfir skattkerfinu. Vissulega er margt þar sem betur má fara, og Sjálfstæðisflokkurinn hefur lækkað kolvitlausa skatta á kolvitlausum tímum (og skilja síðan ekkert í gagnrýninni þegar hún reynist rétt), en þetta eru þó lækkanir, sem er skárra heldur en engar lækkanir þegar til lengri tíma er litið. Vissulega var heimskulegt að lækka skatta svona mikið í bullandi góðæri, og vissulega hefði mátt gera lækkunina auðveldari fyrir þá sem hafa lítið á milli handanna, en þetta eru góðir hlutir samt sem áður.

Það sem gleymist hinsvegar í þessari endalausu peningadýrkun, er það sem hefur komið á móti. Lögreglan er bæði hlægileg og sorgleg, skólakerfið er BARA sorglegt, gjöld í menntaskóla verða hærri og hærri, langt umfram eðlilega verðbólgu, og hvergi á meðal ríkisins fær fólk umbun vinnu sinnar til þess að það geti þjónað sínu starfi vel. Sbr. því að hræðilegt hlutfall kennara eru hálfvitar og skelfilegt hlutfall lögreglumanna eru valdasjúkir fasistar.

ÞAÐ eru vandamál. Ég hef engar áhyggjur af skattkerfinu nema vegna þess að það hefur ekki komið til móts við þá sem hafa minna á milli handanna. Því er hægt að redda með allskonar leikfimi í bótakerfinu, en skattkerfið sjálft get ég ekki fyrir nokkra muni gagnrýnt.

Mér þykir þetta álíka mikið klúður hjá stjórnarandstöðunni að tönnlast á þessu, og var hjá Sjálfstæðisflokknum í borgarstjórnarkosningum, að tönnlast á hlutum sem eru langt frá því að vera vandamál, þ.e.a.s. leikskólamálum og fjármálum borgarinnar, hvort tveggja sem er margfalt betra ásigkomulagi heldur en það var fyrir tíma R-listans.

Ég veit ekki. Mér finnst þetta allt vera álíka miklir vitleysingar, bara á mismunandi sviðum. Sjálfstæðismenn SKILJA EKKI að það er til fólk sem er ekki með 700.000 krónur á mánuði. Stjórnarandstaðan SKILUR EKKI að það er eðlilegt.

Það sem flokkarnir eiga allir sameiginlegt, er að eyða mun meiri tíma í það að rífast yfir því hver er stærri og sterkari en hinn, heldur en í það að virkilega þjóna hagsmunum fólksins.

Ég hef verið í kosningaþunglyndi núna í marga mánuði, gjörsamlega vonlaus eftir að hafa skoðað alla möguleika sem ég þekki.

Ég ætla ekki einu sinni að skila auðu, ég ætla ekki að kjósa. Ég tek ekki þátt í þessu rugli fyrr en ALVÖRU lýðræði kemst á. Stjórnarflokkarnir hafa að vísu báðir verið mjög andvígir lýðræðinu í verki þó þeir lofi það í orðum, svo að það má vera að ég kjósi VG eða einhvern annan fasistaflokk bara til þess að vera á móti stjórnarflokkunum, en ef umræðurnar halda áfram að vera á þessum nótum, þá sé ég ekki að það skipti nokkru einasta máli hver er við stjórn.

Ég þakka lesturinn þeim sem nenntu virkilega að lesa þetta. ;)

Ef þessir menn væru ekki búnir að ná góðum árangri í efnahagsstjórn eins og þeir eru búnir að selja ríkisfyrirtæki þá væru þetta bölvaðar aumingar sem væru ekki hæfir til að reka sjoppu.

Eins er hitt að fylgi sjálfstæðismanna er að stóru leyti byggt upp á fólki sem er alið upp við það frá blautu barnsbeini að kjósa bara D og setur enga aðra hugsun á bakvið það en að það hefur bara alltaf kosið D.

Sem dæmi þá heyrði ég á tal pars um daginn og konan sagði “ég mun aldrei kjósa annað en sjálfstæðisflokkinn” og svo spurði hún mig hvað mér fyndist. Ég sagði henni að ég vildi síður segja hvað mér fyndist því ég vildi ekki móðga hana.

Ég er ekki með neinum sérstökum flokki alltaf og ekki heldur á móti neinum einum flokki en þessi ríkisstjórn hefur reynst þeim hópum sem hvað mest þurfa að hafa fyrir lífinu algjört eitur, og verandi ungur maður með 5 manna fjölskyldu þá fær mig enginn ofan af því.