Þetta eru mjög góðar pælingar hjá þér. Það er sorglegt hversu margir kjósa bara eitthvað útí loftið án þess að hugsa neitt um það.

Rökin fyrir því að ég kýs Sjálfstæðisflokkinn eru þessi:

- Ég er mjög hlynntur hægri stefnunni almennt, sérstaklega einstaklingsfrelsinu

Ég kýs flokkinn einnig útaf hans góðu verkum í ríkisstjórn
- Lækkun tekjuskatts um 4%
- Helmingslækkun eignaskatts
- Persónuafsláttur að fullu millifæranlegur
- Fæðingarorlof er nú jafnt handa konum sem körlum
- Verðbólga í sögulegu lágmarki
- Kaupmáttur hefur aukist 9 ár samfellt !
- Matarskattur lækkaður um 10 prósentustig árið 1994

Svona til að styrkja mig enn frekar í því að kjósa D-listann eru þessar staðreyndir…
- ENGIN vinstri-stjórn hefur náð að sitja heilt kjörtímabil !!!!
- Verðbólga fór upp úr öllu valdi á 9. áratugnum þegar vinstri-stjórn var við völd
- Skattar hækka alltaf þegar vinstri-stjórnir taka við völdum
- Ingibjörg Sólrún sagðist ekki ætla í þingframboð, en fór samt !!
- Össur segir einn daginn að hann sé formaður Samfylkingarinnar, og þar af leiðandi forsætisráðherraefni. En nokkrum dögum seinna er það allt orðið að engu og Ingibjörg Sólrún orðið forsætisráðherraefni og þar að auki aðaltalsmaður Samfylkingarinnar.
- ENGIN úr Samfylkingunni, og engin stjórnarandstæðingur yfirleitt, var á móti samræmdum prófum í framhaldsskólum þegar greitt var um það atkvæði á Alþingi. En núna er Samfylkingin á móti, þegar hún sér að hún gæti fengið atkvæði útá það.

X-D !!

Góð pæling geiri85.
Mín tilfinning er sú að ungt fólk hafi ekki eins mikinn áhuga á pólitík og fyrri kynslóðir. Það gæti gerst í næstu kosningum að kjörsókn fari undir 80%. Trúlega má skrifa eitthvað á skoðanakannanir en þær hafa dunið yfir þjóðina sem aldrei fyrr. Á móti stefnir í harðan slag núna, harðari en fyrir fjórum árum.

En varðandi skoðanakannanir. Íslenskir kjósendur láta ekki svo auðveldlega hafa áhrif á sig, það hefur ítrekað sannast. Íslenskir kjósendur kjósa heiðarlega stjórnmálamenn og láta flokkspólitískar línur ekki breyta neinu þar um. Íslenskir kjósendur elska klofningsframboð á borð við Borgaraflokkinn, Bandalag jafnaðarmanna og Frjálslynda flokkinn.
Það voru þau Einar Örn Jónsson og Birna Ósk Hansdóttir sem komust að þessari niðurstöðu.

Þegar ég kaus síðast fór ég vel yfir stefnur alla flokka og Frjálslyndi flokkurinn bar af að mínu mati. Þarna eru spennandi kostir fyrir framtíðina og þarna er alvöru flokkur í mótun.
Frjálslyndir hafa yfirburðastefnu í sjávarútvegsmálum og hafa lyft umræðunni þar á hærra plan, verið hávær minnihluti.
Frjálslyndir hafa haft fjórða valdið, fjölmiðlana á móti sér en tvisvar sigrað skoðanakannanir. Fjórða valdinu til hrellingar og sérfræðingum.

En flokkurinn er meira en kvótaflokkur, margar góðar hugmyndir eru komnar frá xF, t.d. í umhverfis og velferðarmálum.

Mjög góð grein geiri85

Ég stóð í svipuðum sporum og þú þegar ég var að fá kosningarétt. Ég ákvað að kjósa sama og fjölskyldan. Því varð X-D fyrir valinu.

En síðan þá hefur mikið vatn runnið til sjávar og tók ég mig til og las kennslubækur um stjórnmál til að vita nákvæmlega hvað það væri sem ég vildi. Algjörlega ólitaður og án allra fordóma las ég nákvæmlega hvað það þýðir að vera vinstri eða hægri í stjórnmálum og eftir nokkra mánaða íhugun þá fattaði ég það að minn hugur leitar meira til vinstri en hægri.

Erfitt er að rökstyðja það afhverju maður er meira hlyntur vinstri stefnu en hægri. Að stórum hluta er það vegna þeirra þróunar sem er búin að vera í íslensku þjóðfélagi undanfarin 10-12 ár.

Á einhvern hátt þá líkar mér ekki þessi peningadýrkun sem er orðin í landinu. Allt virðist vera falt fyrir peninga. Meira að segja líf saklausra manna er falt fyrir 10-12 milljarða (styðjum stríð í írak fyrir keflavíkurherstöðina). Forstjorar eru með 30-75 milljónir í laun og móðgast ef sauðsvartur almúginn setur eithvað útá það.

Ég mæli með því að þeir sem ekki vita nákvæmlega útá hvað hægri-vinstri stefnur ganga útá fái sér kennslubækur í stjórnmálum og lesi um það.
Ekki kjósa eftir því sem aðrir segja. Kjóstu miðað við eigin sannfæringu. Skilaðu frekar auðu heldur en að kjósa eithvað sem þú veist ekkert um.

Kær kveðja, Gabbler.

ps… vinstri grænir eru mínir minn. Sérstaklega Ögmundur (sennilega sá maður sem er með hæsta IQ á þingi).

Kjósa Samfylkinguna…pffff. Tökum Ingibjörgu sem dæmi, hún segist ekki ætla á Alþingi en brýtur það síðan. Hvernig á ég að treysta henni til að vera forsætisráðherra þegar ég get ekki einu sinni verið viss um að hún efni allt sem hún lofaði? Hún segist ætla í framboð vegna þess að hún er á móti “lofi Davíðs til ákveðinna fyrirtækja” en af hverju þarf hún þá að mæta í framboð? Hinir flokksfélagar hennir geta þetta alveg sjálfir! Ég ætla því að kjósa Sjálfstæðisflokkinn til að reyna að hindra að hún komist í þessa áhrifastöðu.

geiri minn.

Ég skil vel pælingar þínar og margt ungt fólk ætti að taka þig til fyrirmyndar í þeim efnum.

Sjálfur kaus ég og studdi Sjálfstæðisflokkinn fram eftir öllu af því maður var alinn upp við það að við Sjálfstæðismenn væru góðir en hinir flokkanir vondir.

Eftir að upplýsingartæknin ruddi sér til rúms og maður gat fylgst með hinum ýmsu málum, t.d, á netinu, hefur mín afstaða breyst mikið. Sérstaklega hef ég sem hægrimaður fylgst með þróun mála hjá frjálslyndum sem mér finnst afar ánægjuleg. Hef ég á síðustu dögum farið daglega, inn á heimasíðu flokksins, xf.is, þar sem margar og mjög góðar greinar er hægt að lesa.

Ég hef tekið afstöðu sem hægri maður á þjóðfélagi sem byggir á kjörorðinu, stétt með stétt.

Mitt atkvæði fer til frjálslyndra í vor það er hér með ákveðið. Megi allir Íslendingar hafa tækifæri og mynda sér sjálfstæða skoðun og meta flokkana eftir verðleikum. Það er nauðsynlegt öllum lýðræðisríkjum að sem flestir Íslendingar hafi skoðun á hlutunum.

Persónulega finnst mér Frjálslyndir og Samfylkingin vera mest spennandi kostirnir í ár. Ég er núna en nokkru sinni fyrr að pæla í því að kjósa Frjálslynda eftir að Sverrir fór.

Samfylkingin - Ég er vinstri maður og hef alltaf verið. En ég fæ grænar bólur útaf Vinstri-Grænum(Pun not intended). Samfylkingin er með mjög góða stefnuskrá og marga staðfasta stjórnmálamenn. Einsog Ingibjörg. Ösuur, Jóhanna, Björgvin, Margrét F., Ellert Schram og fleiri.

Og í sambandi við Sjálfstæðisflokkinn. Hverjir hérna muna eftir Víxlinnum sem þeir lofuðu DeCode Genetics? Hvað var það aftur. Uh, u.þ.b. 200.000-300.000 krónur aukaskattur á hvern Íslending.

Og svo öryrkja-skandallinn.

Og af hverju mega mönnum ekki snúast hugur? Fólk gerir mistök og eftir það gerir mistök þá vilja þeir reyna bæta það upp eftir á. Allir gera það! Og síðan er verið að ráðast á Samfylkingunna fyrir það?

Mér finnst að fólk eigi að leggja fyrir sig hvort það styður þá stefnu sem núverandi ríkisstjórn hefur haft í umdeildum málum s.s. Kárahnjúkavirkjun, komu Kínaforseta og varðandi stríð í Írak. Standa þessir menn fyrir vilja fólksins? Nú kom það á daginn að meirihluti fólks er andvígur ríkisstjórninni í þessum málum, en heldur samt áfram að horfa til sama fólksins varðandi næstu kosningar. Lýðveldi eru víst þannig að fólk kýs ákveðna menn og treystir þeim til að hafa vit fyrir þeim í einstökum málum. En hafa þeir einhverja sérfræðiþekkingu í þessum málum? Vita þeir e-ð meira en við sem gerir þeim kleyft að mynda sér skoðanir þvert á almenna skynsemi? Ég tel þessa menn engu færari en almennan borgara til þess að skera úr í svona málum og þess vegna verða þeir að taka tillit til vilja okkar, og þeir verða að svara til saka fyrir misgjörðir sínar; í næstu kosningum. Það þýðir ekki að segja að þessi mál séu ekki kosningamál. Dabbi og Dóri og félagar ákveða í raun ekki kosningamál. Við þurfum að gera upp við okkur hvort við treystum virkilega mönnum sem eru algjörlega á skjön við þorra fólks. Að mínu viti hefur á síðasta ári og þessu myndast stór fleygur í ríkisstjórnina og henni er ekki lengur stætt að halda stöðu sinni. Ríkisstjórnin verður að fara. Ef þið hafið einhverjar skoðanir á áðurnefndum málum, ekki kjósa þá menn og konur sem gengu þvert á ykkar skoðanir. Komum í veg fyrir að þau haldi áfram á sömu braut. Þar sem við fáum ekki tækifæri til að kjósa í einstökum málum, er þetta eina tækifærið sem við höfum til þess að koma í veg fyrir að svona hræðileg mistök gerist aftur.

“Ég hef alltaf kosið Sjálfstæðisflokkinn og mun alltaf gera það”

“Ég nenni ekkert að fylgjast með pólitík en ég kýs bara Samfylkinguna afþví að allir í fjölskyldunni minni gera það”

“Ég ætla að kjósa Sjálfstæðisflokkinn afþví að mér finnst Ingibjörg vera með svo leiðinlegan karakter”

“Mér er skítsama hvaða flokkur nær meirihluta, en ég ætla að kjósa Sjálfstæðisflokkinn afþví að kærastan mín sem hefur ekki kosningarétt bað mig um það”

“Ég held að ég kjósi bara þann flokk sem fær mesta fylgi í könnunum rétt fyrir kosningar”

“Ég ætla að kjósa Sjálfstæðisflokkinn afþví að Ingibjörg lofaði að fara ekki á þing”

“Ég veit ekkert um þessa flokka en ég ætla að kjósa afþví að það er gaman að taka þátt í þessu”…"

Af þessum dæmum sem þú nefnir ,ef eitthvað er að marka sýnist mér að þú munir kjósa rangt(ef það er hægt í lýðræðisþjóðfélagi).

Þau halla flest í eina átt.

Mitt álit er það að það sé kominn tími á smá vinstri snúning ;)

Ég held það hafi mistekist hjá mér að reyna að fá fólk til þess að tala um upprunalega tilgang greinarinar… Stjórnmálaumræður enda alltaf í “Minn flokkur er bestur” umræður :/

Ég kaus ekki seinast því ég var ekki sammála neinum stjórnmálaflokk og fannst ég hrikalega landlaus í pólitík. Vandinn var raunar sá að ég hafði aldrei spáð í pólitík, ég var 19 ára (alltöf gömul til að hafa ekki spáð í þessu fyrr) og það eina sem ég vissi var gamall heilaþvottur um að sjálfstæðisflokkurinn væri bestur og allaballar (alþýðubandalagsmenn) væru kommúnistar og bjánar.

Strax eftir kosningar varð ég súper pólitísk og fékk stjórnmál á heilann og þá gat ég sko sparkað í mig fyrir að hafa ekki drullast til að kjósa en ég uppgötvaði eftir að ég fór að kynna mér málin að mínir menn eru vinstri grænir þarsem ég er umhverfisverndarsinni sem er annt um frelsi einstaklingsins, mannréttindi og velferðarkerfið. Þeir fóru samt allveg hrikalega í mig meðan á seinustu kosningabaráttu stóð en núna þekki ég þá betur. Annars er samfylkingin líka ágæt þarsem þar er fjölbreytilegt fólk með mismunandi skoðanir en allt frekar mellow og ásættanlegt.

Afturámóti sjálfstæðisflokkurinn, hann er satan (óvinur) íslendinga og ég ætla að nefna nokkrar ástæður fyrir því að ég fyrirlít þann flokk og ráðamennina innan hans, sérílagi Davíð Oddson (ég ætla ekki að gleyma og get raunar ekki gleymt hrokanum og fyrirlitningunni sem hann og hans kónar sína sinni eigin þjóð).

- Þeir hafa einræðisherra tendencís, þeim finnst í lagi að taka ákvarðanir án þess að ræða þær á réttum grundvelli einsog lög kveða á um

-Falun Gong málið, þegar þjóðin baðaði sig í skömm

- Kristnihátíðin, í trássi við allt sem rétt er varðandi peningaeyðslu ríkissins og vilja þjóðarinnar neyddu þeir þessu uppá okkur, 700 milljónir fyrir 1000 manns (sem fóru án skuldbindinga á hátíðina)

-Davíð Oddson, hann þarf ekki að útskýra. Hann er ómálefnanlegasti maður íslands, spilltur, paranoid og hefur kallað mestu skömm íslandssögunnar yfir þjóðina með því að díla við bandaríkin á bakvið tjöldin og bæta okkur á lista yfir lönd sem styðja ólöglegt árásarstríð á 'Irak

- Meiri Davíð Oddson, hann er skammarlegur stjórnandi

_Þessi peningadýrkun, og lækkun skatta á ríka og afneitun á því að það er þörf fyrir velferðarkerfi (þeir eru búnir að rústa því svo að það er ekki fyndið)

En þeir eru klárir að reikna og finna út hvar má klípa af í velferðarkerfinu til að ná fram sparnaði svo hægt sé að byggja nokkra sendiherrabústaði með ballmóttökusal á heimsmælikvarða! Það mega þeir eiga.

-Ég er mjög ósátt við sjálfstæðisflokkinn því afleiðing af hans stefnu er að stéttaskipting á Íslandi verður mun meira áberandi.

- Aðalmálið (sem er óháð mínum skoðunum á þessu nazi heilaþvotta fyrirbæri sem flokkurinn er) er svo auðvitað að sjálfstæðisflokkurinn er stefnulausasti flokkur landsins, þeir hafa aðeins mótað stefnur sem tengjast einkavæðingu, viðskiptum og fjármálum. Nær engu öðru og það er alvarlegt mál því stjórnvöld eiga ekki að skipta sér of mikið af heldur sjá um það sem allir þurfa að hafa jafnan rétt til.

Ég gæti talið upp hundruði (ok allavega nokkra tugi) fleiri hluta sem ég hef útá sjálfstæðisflokkinn að setja, t.d hvernig konur koma út innan hans, ég lít ekki niður á neitt jafnmikið og “sjálfstæðiskonur” þær eru svo sorglegar greyin. Það er heví margt sem fjölmiðlar hafa aldrei tekið almennilega á varðandi óstjórn flokksins (einsog þegar þeir brjóta reglur og setja svo upp hrokasvip og Davíð drullar einhverju útúr sér til að afsaka það og hafa þjóðina góða)

Ég spái því að frelsi einstaklingsins verði fljótt einsog í bandaríkjunum ef sjálfstæðisflokkurinn verður lengi við völd, þeir eru hlynntir leynilöggum njósnum og öðru, svo er þetta lið sem það treður í þingsætin bara viðrini upptil hópa t.d Sigríður Anna (formaður utanríkisnefndar) Ásta Möller, Sturla Bö og Sólveig Pétursdóttir (hún er nú verst af þessu pakki)

þessi loforð þeirra um skattalækkanir eru einskis virði, ég trúi varla að fólk geti látið þá bjóða sér þetta öllu lengur.Það eru liðin 12 ár. Hugsið ykkur, í 12 ár hefur þetta lið óáreitt fengið að setja upp hrokasvipinn!!!!!!

Framsóknarflokkurinn er vonlaus og hann deyr vonandi út í næstu kosningum. Skömm þeirra fyrir hernaðinn gegn landinu okkar mun því miður vera uppi um eilífð (óafturkræf)

Frjálslyndir eru ábyggilega allveg ágætir. Ég veit ekki mikið um þá.

Ég vona að fólk kjósi rétt á kosningunum. Fylgið sannfæringunni, munið að það er ekkert eins ógeðslegt og að kjósa einsog foreldrar sínir (reyndar eru börn sjálfstæðismanna upptilhópa óafturkallanlega heilaþvegin þannig að þau eru borin von og fóta stíg ósjálfstæðis) eða kærastar og kærustur. Það er þörf á breytingum, GÓÐUM breytingum einsog aðeins velferðarstjórn getur veitt okkur.

Ég bjó á Hornafirði fyrir nokkru og síðustu ár hefur fólki fækkð, atvinnuleysi og ótti sem er m.a. afleiðing kvótakerfisins. Ótrúlegt er að landsbyggðarfólk skuli kjósa yfir sig sömu vandamálin kosningar eftir kosningar. Trúlega
kjósa 2/3 Hornfirðinga stjórnarflokkana núverandi. Horfa síðan á launin lækka, húsin lækka í verði, börnin flytja burt, nágrannan pakka saman í gám og skilja
eftir tómt hús. Þetta minnir óneitanlega á lömb á leið til slátrunar.
Þetta er of mikil flokkshollusta!

geiri85.

Fínar pælingar hjá þér.

Það er nefnilega gaman að spá í þessa hluti.
Hafði gaman af því þegar ég var krakki að hlusta á föður minn gera ítrekaðar tilraunir til þess að komast að því hvað móðir mín ætlaði að kjósa en það gaf hún ekki upp fyrr en eftir á, og rökstuddi þá með mikilli sannfæringu hvers vegna, hún hefði ekki kosið “ hans flokk ” þessu sinni og þá yfirleitt út af einhverju er henni hafði ekki líkað í stjórnarfarinu á kjörtímabilinu, sem þá vildi svo til að honum hafði heldur ekki þótt svo gott, og var umræðuefni þeirra í millum.

Það er gaman að spá í þessa hluti.

kv.
gmaria.

þetta er alveg rosalega góð grein hjá þér geiri85.
Ég er flokksbundin manneskja og mun kjósa minn flokk áfram. Ég stend við mín orð svo fyrst þyrfti ég að segja mig úr flokknum til að geta kosið eitthvað annað.
En ég er annars alveg hlynnt því að vinstri stjórn komist á svo fólk geti séð muninn. Auðvitað held ég með mínum flokk en Samfylkingin mun allavega ekkert skaða mig næstu fjögur árin þar sem ég verð í skóla.
Það er bara eitt sem mig hefur langað til að koma á framfæri og það er þetta láglaunafólk sem er síkvartandi yfir skattleysismörkunum(ath. þetta á ekki við um öryrkja og aldraða). Ég er alveg hlynnt því að hækka skattleysismörkin upp í 100.000 kr en maður getur fengið nóg af þessu væli. Þegar fólk er ómenntað fær það laun sem hæfir því. Mér finnst að öll laun ættu að vera tengd menntunarstigi hvers og eins. Þannig að þeir sem væru bara með grunnskólapróf fengju ákvena upphæð, stúdentspróf væri kannki 30% hærra. Svo kæmi BS/BA gráða með 30% hærra en stúdentspróf o.s.frv. (ath að prósenturnar eru bara teknar sem dæmi). Á þann hátt væri ekki hægt að mismuna neinum. Fólk sem hefði lagt 7 ára háskólanám á sig mundi uppskera eftir því.
Auðvitað eru gallar á þessu enda ekki nein þróuð hugmynd en hvað finnst ykkur um þetta?

Ég kýs nú bara alltaf sama flokkinn og það er vegna þess að hann stendur sig svo vel. Þessi flokkur er Sjálfstæðisflokkurinn. Allt annað er rusl. Stefna Sjálfstæðisflokksins er að lækka skatta en Samfylkingar að hækka þá. Ég tel best að fólkið hafi sem mest af sínu sjálfsaflafé sjálft. Svo gengur ekki að vera með barnaskap í utanríkismálum.

Ég hef ekkert vit á stjórnmálum þannig að ég skila bara auðu……

Að sjálfsögðu er slæmt þegar fólk ekki notar lýðræðisleganrétt sinn af umhugsun, en ég held að það sé argasti misskilningur að fólk kjósi eftir vana í stórm stíl. Það má sjá á þeim miklu sviptingum sem hafa verið í kannanafylgi flokkana að það ætla ýmsir að kjósa öðruvísi en síðast.
Sjálfur er ég frekar ósáttur viðalla flokkana en mun væntanlega kjósa Vinstri-Græna þar sem ég tel það vera mikilvægasta mál að koma þessum stríðsæsingarmönnum úr stjórnarráðinu. Svo finnst mér líka að nauðsynlegt sé að koma velferðarmálunum aftur á borðið svo hægt sé að bæta mennta-, heilbrigðis- og félagsmálakerfið.

GunniS, I feel your pain. Það er ekki hægt að koma vitinu fyrir þetta fólk.

Laufa, þú ert ekki að ná samhenginu í öllu þessu. Lestu það síðasta sem GunniS skrifaði hér fyrir ofan.

12 ár.
Sjálfstæðismenn hafa verið þónokkuð duglegir síðustu tólf árin. Þeir hafa rústað minni byggðarlögum með kvótakerfinu, þeir hafa níðst á öryrkjum. Þeir hafa beitt sér fyrir því að þeira ríku verði ríkari og þeir fátæku fátækari. Þessutan hafa þeir eftir bestu getu, reynt að fara gegn vilja þjóðarinnar í ýmsum pólitískum stórmálum. Þeir eiga að tala mað þjóðinni, ekki niður til hennar og reyna að hafa vit fyrir henni með einhverri þvermóðsku.

Þetta finnst mér vera umhugsunarefni.

Vissulega hafa þeir gert eitthvað gott líka. Skarra væri það nú. En ég hef bara svo miklu meiri trú á að vinstri-stjórn geri betur. Ég þekki það margt láglaunafólk sem rétt skrimtir að ég get varla hugsað til Sjálfstæðisflokksins, og bara hægristjórnar yfir höfuð, öðruvísi en með bræði. Það yrði í mínum augum landhreinsun af t.d. Geir, Davíð og Sólveigu P. úr stjórn.

tack tack

–Tyrael Drekafluga–

Spurt er: Mun fólk kjósa rétt.

Svar: Ef fólk kýs samkvæmt eigin sannfæringu, þá kýs það rétt, burtséð frá flokknum sem það kaus.

Sjálfur komst ég ekki á kjörstað. Bý í Los Angeles og utankjörstaðaratkvæðagreiðslan (úff langt orð) var á sunnudaginn en ég komst ekki :(

Annars finnst mér vera kominn tími á að skipta út fólki. Hef ekki fylgst alltof vel með rifrildinu undanfari[, en mér finnst ekki að Forsætisráðherrar eigi að fá að sitja lengur en 2 tímabil. Það fer að fara of vel um þá.
Annars hefur hvorug hliðin staðið í málefnalegri baráttu… virðist allt snúast um skítkast og karakter núorðið eins og það gerir hér ytra og þykir mér það þróun til hins verra.

Fólk á að hugsa sjálft, meta flokkana, stefnu þeirra, svo og trúverðugleika þessara flokka, einstaklingana sem eru í framboði (og þá alls ekki eftir hvort þeir séu hressir eða eitthvað slíkt eða ekki, eða gangi í flottum fötum eða ekki, passa að láta ekki hégóman rugla sig í rýminu, heldur hvort þessu fólki sé treystandi að manns eigin mati eða ekki), og síðan auðvitað bara eins og alltaf að hlusta á sjálfan sig, sína innri rödd, ekki bara vini, kunningja, foreldra eða skoðanakannanir…Og ef manni lýst illa á alla, velja þá þann skásta. Og óþarfi að vera eitthvað að takmarka sig “ég er vinstrimaður” eða “ég er hægrimaður” eða “ég er miðjumaður” eða eitthvað slíkt…Kannski ertu já vinstrimaður, en vinstriflokkarnir bara ekki að höfða til þín akkurat núna, eða kannski lýst þér ekkert á fólkið í einhverjum einum þeirra eða hefur ástæða til að tortryggja einhvern annan…Og kannski ertu hægrimaður en sérð að það væri viturlegra að kjósa einhvern vinstriflokk núna…Og kannski ertu miðjumaður sem langar allt í einu að kjósa vinstri græna eða sjálfstæðisflokkinn afþví þú ert ekki hrifin af framsókn lengur….Er bara að koma með svona ýmis dæmi.

Ekki að læsa sig inn í einhverju “trendi” og verða fórnarlamb eigin steríótýpu af sjálfum sér og koma í veg fyrir að maður geti tekið rétta ákvörðun…

X-ið ætti að vera dýrkeypt…Hugsaðu “ eru stefnumál þessa flokks verð þessa x”? og áður en þú x-ar spurðu líka “ er fólkið í þessum flokki vert þessa x” ? Og gerðu svo upp á milli áður en þú x-ar, og ekki x-a við einhver veslings fífl með fögur loforð sem er ekki treystandi sem ættu nú helst að fást við eitthvað annað….

ThuleSól, sem á ekki samleið með neinum stjórnmálaflokk á Íslandi en ætlar að velja það skásta…hvað sem það verður….

Það sem ég vil ekki kjósa….
þá sem eru sekastir um fljótfærni og slæma dómgreind,
lýðskrumara sem fela sig í skjóli mistaka annara en sýna sig fyrir að þeir myndu líklega verða verri sjálfir,
fólk sem lofar einhverju sem það stendur svo ekki við, og þykist svo ætla að geta staðið við stærri loforð inni á alþingi, fólk sem bregst trausti…
fólk sem er varla talandi og alltof fljótfært….


Það sem ég get hvort sem er ekki kosið:
Flokk sem ég virkilega treysti, skipaðan góðum stjórnmálamönnum alla vega svona 80% og sem mér þætti virkilega gaman að kjósa….


Kosningavakan hjá mér, ef ég nenni þá að vaka sem ég efast um, kannski bara upp á snakkið og ídýfurnar samt, verður ekkert spennandi nema þá upp að “Vá, ég vona að mestu hálfvitarnir fá ekki of mörg sæti!” markinu….:(

Og varðandi þetta rugl með að “skila auðu”…Kjaftæði! Og vera svo sekur ef aðal hálfvitaliðið, hvað sem það er að þínu mati, vinnur, og allar ófarir í framhaldi af því, ….þegar þú hefðir getað drullast til að vera verðugur þessa að búa í lýðræðisríki og kjósa bara þann skásta, nú eða stofna þinn eigin stjórnmálaflokk…..eða þriðji kosturinn, flytja til einhvers einræðisríkis og geta “skilað auðu” þar hvern dag!

Veldu þann skásta, það er þín ábyrgð að meta stöðuna hver það er.

Ég er annars sannfærð um að atkvæði þeirra sem leið mest eins og að skila auðu en kusu samt skiptir MJÖG MIKLU MÁLI fyrir þjóðfélagið…Án þess fólks myndi bara heilaþvegna “Ég kýs nú alltaf þennan flokk” “Ég hef alltaf verið í Heimdalli það er svo gaman” “Ingibjörg Sólrún er töff maður, hún er eitthvað svo mikill leiðtogi finnst mér, eða kúl eða hvað sem það þýðir” “Pabbi minn kýs Davíð Oddson” “Ingibjörg Sólrún er kona, það vantar konu í stjórnmálin” “Ég hata Bandaríkin, það er enginn kommaflokkur, ég á Che Guevara bol, ég er kúl, ég kýs Vinstri Græna” “Össur kann sko að rífa kjaft, ég kýs Össur, því ég fíla svona að rífa kjaft og þannig!” liðið sjá eitt um að velja leiðtoga okkar, afþví að það er yfirleitt mest heilalausa dótið sem er alveg visst….“Ha, jú, pabbi og mamma kjósa þennan, ég líka maður!” “Ha, enginn kýs þennan nema ég, best að sýna smá uppreisn, ég er sko ekki þræll neins og kýs það sem mér sýnist!”….

Ekki taka þetta persónulega ef þið eruð í Heimdalli, aðdáendur Össurs eða hvað sem er…Ég var bara að taka dæmi af heimskulegustu fylgjendum flokkanna, en allir flokkar hafa vissan hóp af hálfvitum sem kýs þá “afþví bara” eða “ég kýs sko engan annan!” og heldur með flokkum svipað og íþróttaliðum eða poppstjörnum sem slást um vinsældalistasætin…svoleiðis fólk hefur náttúrulega slæma dómgreind, og það myndi hafa meiri áhrif heldur ef þeir sem eru í raun ekki í skapi til að kjósa neinn myndu ekki samt kjósa, reynda af góðri dómgreind, þann skásta.

Svo það er mikilvægt að enginn skili auðu sem líkar ekki svo rosalega vel við neinn flokk eða stjórnmálamenn, afþví ef þeir myndu allir skila auðu myndi hópur sem hefur góða dómgreind og er ekki blindaður af “aðdáun” í garð eins né neins vera úr leik, og þar með kannski sá hópur sem er færastur um að sýna besta dómgreind og hafa jákvæðust áhrif á niðurstöðu kosninganna, einmitt vegna þess að þar sem ekkert er um eldheita brennandi “sannfæringu” (sem getur nú verið byggð á blekkingu eða einhverju yfirborðslegu í stjórnmálum) er nóg pláss fyrir ískalda skynsemi, sem á undir högg að sækja í dag virðist vera…