ZabO fyrir 21 árum, 9 mánuðum Fjöldi lestra: 593

Samræmd stúdentspróf -eitt heitasta kosningamálið?

Í tilkynningu frá menntamálaráðuneytinu 8. janúar s.l. segir m.a.

"Fyrsta samræmda stúdentsprófið verður haldið þann 8. janúar árið 2004. Þá verður einungis prófað í íslensku en árið 2005 verða einnig haldin samræmd stúdentspróf í stærðfræði og ensku.
[...]
Tilgangur samræmdra stúdentsprófa er m.a. að veita nemendum, framhaldsskólum og fræðsluyfirvöldum upplýsingar um námsárangur nemenda og námsstöðu í þeim námsgreinum þar sem haldin eru samræmd stúdentspróf. Jafnframt er tilgangur prófanna að veita viðtökuskólum upplýsingar um námsstöðu einstakra nemenda.
[...]
Lágmarkseinkunn til að standast samræmt stúdentspróf í einstökum greinum er 5 og verður sú einkunn ákvörðuð með greiningu á prófverkefnum þannig að einkunnin endurspegli skilgreindar lágmarkskröfur.“

Nú varð allt vitlaust hjá nemum og kennurum og varð þetta hitamál í umræðunni.

Eftirfarandi er úr grein notanda Huga.is frá 16. janúar:

”Skyndiákvörðunin að leggja próf fyrir á næsta ári kemur eins og þruma úr heiðskíru lofti fyrir okkur sem erum búin að vera í amk. 2 ár í menntó. Okkur var ekki gefið tækifæri til þess að haga námi okkar eftir þessu (tæknilega séð vitum við ekkert af þessu ennþá). Fjölbrautarfólk er löngu búið að selja bækunar og týna glósunum síðan í íslensku 103."

Skiljanlega vegna skyndilegrar ákvörðun menntamálaráðuneytisins leituðu nemendur svara. Nemendur leituðu til nemendafélaga skóla sinna sem sentu svo málið áfram til Félags Framhaldsskólanema. Félag Framhaldsskólanema (F.F.) eru hagsmunasamtök nemenda í 28
framhaldsskólum á Íslandi. Félagið var stofnað með því markmiði að
standa vörð um hagsmuni nemendafélaga aðildarskólanna og koma þeim hagsmunum á framfæri.

Menntamálaráðuneyti hefur nú gefið út nýja reglugerð um samræmd stúdentspróf. Í reglugerðinni er komið til móts við ALLAR athugasemdir Félags framhaldsskóla og Félags framhaldsskólanema við fyrri reglugerð en reglugerðin hefur verið rædd á fundum sem ráðuneytið hefur haldið með fulltrúum þessara félaga.

Helstu breytingar á reglugerðinni eru eftirfarandi:

Fyrsta samræmda stúdentsprófið verður haldið einni önn síðar er ráð var fyrir gert í fyrri reglugerð. Fyrsta prófið verður því haldið í íslensku í maí 2004.
Þeim nemendum sem útskrifast með stúdentspróf í lok vor- eða haustannar árið 2004 er ekki skylt að þreyta samræmd stúdentspróf á árinu 2004 en þeim stendur til boða að taka próf í íslensku í maí eða desember 2004.
EKKI VERÐUR KRAFIST LÁGMARKSEINKUNNA Á SAMRÆMDUM STÚDENTTSPRÓFUM.

Í ljósi liðinna atburða er deginum ljósara að allir geta verið sáttir við núverandi reglugerð. Komið var til móts við allar athugasemdir F.F. eins og áður kom fram, og því ætti enginn að geta kvartað núna.

Það sem er hvað athyglisverðast við þetta hitamál er sú staðreynd að Samfylkinginin ætlar að nýta sér mótstöðu unga fólksins í þessu máli og hefur gefið út yfirlýsingar um að Samfylkingin sé ekki hlynnt þessum prófum. Svo einkennilega vill til þegar tillagan kom á borð á haustdögum þingsins mælti ENGINN FULLTRÚI SAMFYLKINGARINNAR á móti henni. Það þykir einkennilegt svo ekki sé meira sagt.

Nemendur verða að bíta í hið súra epli vegna þess að samkeppnin á vinnumarkaðinum fer ört vaxandi, og eðlilega vilja sérstakar deildir á háskólastigi fá einstaklingana sem henta þeim best inn til sín. Prófin eru vinnumarkaðinum og þjóðinni öllum til hagsbóta, því ef sem best er skipað í allar stöður í samfélaginu virkar það allra best.

Samræmd stúdentspróf eru því öllum til hagsbóta!

——
Reglugerðina má nálgast í heild á vef Menntamálaráðuneytisins, www.menntamalaraduneyti.is.

Aðrar heimildir: http://www.effeff.is og http://www.hugi.is.

arnig fyrir 21 árum, 9 mánuðum

Það er einmitt mjög athyglisvert að hugsa útí það að Samfylkingin hefur gjörbreytt um afstöðu í þessu máli eftir að hún komst að því að það var andstaða við þetta mál.

Samfylkingunni virðist vera með öllu ómögulegt að mynda sér sínar eigin skoðanir á málum án þess að vita fyrst hvernig fólk muni taka þeim.

Fyrra álit

jonr fyrir 21 árum, 9 mánuðum

Jebb, stuðningur við stríðið í Írak, skattamál, kvótamál og atvinnuleysi falla öll í skuggann út af þessu.

Fyrra álit

ZabO fyrir 21 árum, 9 mánuðum

jonr:

Það hefði kannski átt að koma betur fram hjá mér að hjá ungum kjósendum sem eru að kjósa í fyrsta sinn er þetta mál eitt af þeim málum sem koma til með að hafa áhrif á þau sjálf. Auðvitað er stríðið í Írak og kvótamál stærri mál í sjálfu sér, en við unga fólkið erum kannski ekki að velta slíkum málum jafn mikið fyrir okkur, þrátt fyrir að það beri oft á góma hjá okkur. Þess vegna held ég að þetta mál gæti skipt sköpum í kosningu unga fólksins til alþingis 2003.

Fyrra álit

lhg fyrir 21 árum, 9 mánuðum

Ég held nú að alþingismenn þurfi ekki að hafa miklar áhyggjur. Krakkar 18 og 19 ára sem eru í menntó eru mjög lítið hlutfall af kjósendum.

Fyrra álit

ZabO fyrir 21 árum, 9 mánuðum

Já það er rétt að það er ekki það mikið hlutfall af kjósendum, sérstaklega þar sem langt frá því allir 18-19 ára mæti á kjörstað og kjósi.

Málið er hins vegar þannig að á þessum árum eru skoðanir ungs fólks óharnaðar og því mikilvægt fyrir stjórnmálamenn að koma sínum skilaboðum greiðlega til skila. Ef þeir ná svo ungu kjósendunum á sitt band er líklegra að unga fólkið haldi sig við þann flokk í framtíðinni.

Fyrra álit

lhg fyrir 21 árum, 9 mánuðum

Ég er ekki svo viss um það. Alla vega það sem ég upplifði með mig og mína félaga var algjör hentistefna. Það eru jú einhverjir sem bíta sig fasta í einn flokk og halda sig við hann en ótrúlega margir sem láta það bara fara eftir hver býður best. Meðan maður er í námi, þá vill maður flokkinn sem lofar að hækka námslánin og koma upp öflugra velferðarkerfi og þegar maður er farinn að vinna, þá er maður svo til strax farinn að kjósa flokkinn sem lofar að lækka skatta, jafnvel þó hann ætli að lækka námslánin og bæturnar hjá öllum.

Fyrra álit

Swiiiiiing fyrir 21 árum, 9 mánuðum

Ég er farin að halda að framhaldsskólanemar séu ekki að skilja þetta mál. Það er gífurlegt jafnréttismál fyrir alla framhaldsskólanema að eiga jafnan möguleika að komast inní háskóla.

Eins og þetta er núna þá er deilt í einkunnir nemenda úr þeim skólum sem háskólarnir telja vera síðri til að setja þá á sama plan og einkunnir þeirra sem þeir telja vera úr betri skólum.

Þetta verður til þess að einkun úr sumum fjölbrautarskóla uppá 8.5 er metin eins og 7.0 úr MR eða Verzló. Þetta verður til þess að góðir nemendur úr fjölbrautaskólunum eiga minni möguleika en krakkar úr mr og verzló til að komast í skóla eins og t.d. HR.

Framhaldsskólanemar eiga að fagna þessu í stað þess að berjast alltaf gegn nýjungum. Svona próf eru af sömu ástæðum í öllum vestrænum ríkjum.

Fyrra álit

binnibinni2456 fyrir 21 árum, 9 mánuðum

sammála ég er´hérna í 10 bekk og er samála þessu og ekki fara kjósa eithvað “vinstri pakk” útaf þessu

(segji þetta ég djóki össur ; )

kær kveðja binnibinni

_________________________________________

Fyrra álit

binnibinni2456 fyrir 21 árum, 9 mánuðum

sammála ég er´hérna í 10 bekk og er samála þessu og ekki fara kjósa eithvað “vinstri pakk” útaf þessu

(segji þetta ég djóki össur ; )

kær kveðja binnibinni

_________________________________________

Fyrra álit

fanndal fyrir 21 árum, 9 mánuðum

Þetta er ekki rétt að einkun úr þessum skóla sé metin sem 7 en ekki átta og annað.
Félagsvisindastofnun háskólans gerir könnun á hverju ári um námsárangur nemenda frá hverjum skóla, sem þíðir að þeir taka alla nemendur háskólans og segja “já ok þessi kemur héðan og hefur fengið þessar einkunnir og bla bla bla” þetta er mun viðameiri könnun en samræmdpróf verða nokkurn tíman. Það er líka ekki mælikvarði á geði skólanna heldur á mælikvarði á þann kraft sem er lagður í samræmdpróf.

Og það er best að skoða bara grunnskólana þar sem sést t.d. að skólar sem koma vel út í samræmduprófunum hafa margir hverjir komið ílla út með sína nenedur þegar þeir koma í framhaldssnám

Fyrra álit

Swiiiiiing fyrir 21 árum, 9 mánuðum

Skil ekki alveg hvað þú ert að segja.

Þetta snýst um ekki bara um skólana. Heldur hvern nemanda fyrir sig. Þetta er víst svona eins og ég talaði um í háskólunum. Þekki vel til í a.m.k. tveimur þeirra. Þeir meta einkunnir mismunandi eftir skólum, það kemur niður á duglegum nemendum í síðri skólum.

Samræmd próf eru þess vegna sjálfsögð og mannréttindi fyrir nemendur. Auk þess að þau munu líka koma á samkeppni milli skóla sem er ekkert nema gott. Samkeppni er alltaf góð.

Fyrra álit

Uberman fyrir 21 árum, 9 mánuðum

Þetta með það að nemandi sem stendur sig vel á samræmdu prófi sé eitthvað betrri en aðrir er bara ekki staðreynd.

Einn góður vinur minn fékk 10 í öllum samræmdu prófunum nema í dönsku, þar sem hann fékk 9.
Í dag situr hann bara og horfir út í loftið í tímum, gerir ekkert af því sem hann á að vera að gera og er í alla staði lélégur og latur námsmaður, en nær stundum góðri einkun á lokaprófi.
Hann fékk 10 í Íslensku á samræmdu prófunum, en er með 4,4 í annareinkun í ÍSL 403…var ekki einhver að tala um að samræmd próf sköpuðu jafnvægi fyrir góða námsmenn.

Fyrra álit

IngaAusa fyrir 21 árum, 9 mánuðum

ég er afskaplega svipuð þessum einstaklingi.

Ég er klár, en er svo sem enginn afburða námsmaður. ég fæ bara hátt á lokaprófum (þar með talið samræmdum)

Fyrra álit

Uberman fyrir 21 árum, 9 mánuðum

þegar ég útskrifast verða liðin 1 og hálft ár síðan ég lauk íslendkunámi, og svo á ég bara að rifja allt upp í góðum fíling?

Ég hef einnig talað við kennara og þeir eru ekkert allt of ánægðir, finnst þetta vera yfirlýsing um vantraust til þeirra.

Fyrra álit

ZabO fyrir 21 árum, 9 mánuðum

Uberman:

Mér skilst að þú getir tekið þessi samræmdu próf þrátt fyrir að þú sért ekki að fara að útskrifast sömu önn. Þannig áttu að geta tekið samræmt íslenskupróf um leið og þú útskrifast úr síðasta íslenskuáfanganum þínum.

Fyrra álit

Uberman fyrir 21 árum, 9 mánuðum

samt sem áður er það of seint, bæði því að ég er búinn að selja allar mínar bækur, sem sumar eru ekki seldar lengur. Og mér finnst í raun ekki sanngjant gagnvart mér að ég þurfi að borga einhverjar 15.000 krónur fyrir eitt próf.

Fyrra álit

Anarcy fyrir 21 árum, 9 mánuðum

Þetta er nú ekki það eina í menntastefnu núverandi ríkisstjórnar. Það sem mér finnst alvarlegra er hækkun skólagjalda á mjög stuttum tíma.

Fyrra álit

grugli fyrir 21 árum, 9 mánuðum

Fín grein. Allavega með þeim bestu og hlutlausustu sem ég hef séð hér í langan tíma og svo skemmir ekki að þú gætir heimilda. :)

Það er nú svoldið skrýtið að samfylkingin sé að setja sig upp á móti samræmdum stúdentsprófum.
Var það ekki annars alþýðuflokkurinn sem byrjaði með samræmd grunnskólapróf og er ekki alþýðuflokkurinn hluti af Samfylkingunni núna?

Af stjórnmálaöflunum voru ungir framsóknarmenn þeir fyrstu sem mótmæltu samræmdum stúdentsprófum.
Ég skil það vel að ungir samfylkingarmenn séu á móti þessu líka en ég varð að koma þessu fram. :)

Fyrra álit

runarem fyrir 21 árum, 9 mánuðum

Þessi samræmdu próf eru bara af hinu góða, þetta er líka gott fyrir allt menntakerfið í heild sinni. Og ég talaði við menntamálaráherra í eigin persónu og hann sagði að þetta væri bara mælistika en ekki einhver stóridómur yfir nemendum. Nemendur hafa líka sinn ávinning út úr þessu því það er hægt að bæta menntun með þessu t.d geta þær séð hvað vantar og hvað mætti draga úr.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Samræmd stúdentspróf -eitt heitasta kosningamálið?

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi