Á meðan öldur ljósvakans skvetta yfir mig fréttum af stríðsyfirlýsingum, vopnaeftirlitsmönnum í skeggapalandi, áróðri,samsæriskenningum og alls konar þvættingi ef svo má að orði komast þá hef ég legið undir feldi í djúpum pælingum. Mig langar að koma niðurstöðum mínum á framfæri á skýranog umbúðalausannhátt en þetta kemur svona hreint og óspjallað úr mínum hinstu hjartarótum. Kannski nota ég dónaleg og svívirðileg orð yfir saklausann almúgann í Írak, frelsarann með stóru eyrnarlokkana, Franskar í stórkallaleik eða mennina með sítt að aftan þá vil ég strax taka að fram að ég er ekki að alhæfa um einn eða neinn og þá sérstaklega ekki um heilar þjóðir.

Ágreiningur á milli BNA manna og “gömlu Evrópu”.

Bandaríkja menn eru á því að heimurinn þurfi að losna við Saddam Hussein og hann er á því að heimurinn verði algóður eftir það. Gamla Evrópa sem samanstendur af frönskum í stórkallaleik og tannálfunum frá Saxlandi halda því fram að umheimurinn eigi að gefa skeggöpunum í austri meiri frest. Hver veit nema það sé bomba á leiðinni til Bandaríkjanna nú á meðan að ég skrifa þetta eða kannski er yfirskeggapinn í austri ekkert að reyna að sanka að sér efna, sýkla eða kjarnorkuvopnum, kannski nægir honum að kvelja eina þjóð. Það sem ég held er að Bandaríkjamenn með herra Runna í fararbroddi líti bara á þetta blessaða öryggisráð sem lúalega tilraun lítílla hervaldssnauðra ríkja sem eru að reyna að halda í við stórkostlegustu þjóð í heimi eins og þeir vilja gjarnan kalla sig. Ég spyr ekki litla bróðir minn hvort ég megi gefa gömlu varnarlausu konunni einn á kjammann ég spyr hann svona bara hvað honum finnist um það en ég tek ekkert mark á honum ég held að það sé einmitt málið bollurnar í vestri. Skoðun mín á Jacques Chirac Frakklandsforseta er sú að hann er gamall leiðindaseggur sem er að reyna að halda í þetta litla fylgi sitt, hann er ekkert skárri en Bush hvað varðar kúgun á minni peningasnauðari þjóðum tek sem dæmi ríkin sem ætla að gæða sér á vellystingunum í ESB,hann var nú eitthvað að fetta fingur út í skoðanir þeirra á Íraksmálinu svokallaða skilst mér. Schröder aðal-bandamaður Chirac verður að bíta í það súra epli að vera núll og nix í öryggisráðinu enda Dolli H. fyrirrennari hans ástæðan fyrir stofnun SÞ.
———-

Innanlandsmálin

Einræðiskrullupinninn okkar segir að Prinsinn í Baugsveldinu hafi ætlað að smyrja á hann eins og þrjú hundruðfeitum fyrir að hætta ofsóknaræðinu í sinn garð. Eyrnalokkaprinssesan Hárfríður ætlar að sparka krullupinnanum úr fílabeinsturninum sínum, Skallagrímur Joð vill láta sauðnautinn sem oftast eru kölluð almenningur ákveða hvort þau vilji drulluhaug eða drullupoll á hálendinu.

Allt þetta er að gerast hér á Fróni en fyrst ætla ég að víkja að Kárahnjúkavirkjun og innrás álvibbanna úr vestri. Það vantar störf á landsbyggðina og Valgerður álfagra tekur sig til og fretar á austfirðinga einu stykki álveri sem á að skapa 700 störf. Auðvitað þarf álver af þessari stærðargráðu rafmagn í miklu magni og þá er bara ákveðið að skella eins og nokkrum hundruðum milljóna af steypu á hálendið og það á að breyta drulluhaug í drullupoll svo einfalt er það. Auðvitað eigum við harðjaxlarnir í norðri að nýta okkur þessa ódýru orku sem við getum framleitt. Hugsið ykkur að í sumum tilvikum er súrál flutt alla leið frá Ástralíu til vinnslu hingað á Ísland því kengúrumennirnir í suðri eru ekki jafn heppnir og við að eiga völ á svo ódýru rafmagni. Því langar mig að koma því á framfæri við alla ljóðaraulandi listamenn í asnalegum fötum sem hafa ekkert betra að gera en að syrgja óbyggðir: setjist upp í fína bílinn ykkar sem þið keyptuð fyrir listamannalaunin sem þið fenguð borguð með skattpeningunum mínum,stillið á góða listamannssæmandi tónlist og keyrið fram af klettum.

Beygði krullupinninn og Hr. Sítt að aftan hafa eldað grátt silfur samann í þó nokkurn tíma en nú held ég að hafi endanlega soðið upp úr þegar krulli sakaði Prinnsinn af Baugi um að hafa boðið sér 300.000.000 semsagt ef hann væri Eiður Smári þá gæti hann skroppið sex sinnum í spilakassa. Fyrst langar mig að leiða hugann að Krulla. Krulli er maður sem hefur leitt íslensku þjóðinn upp í 7. sæti yfir ríkustu þjóðir heims, 1. sæti yfir gagnsæja stjórnsýslu og hefur gert það að verkum að við fyrrverandi fátæku saltfiskétandi sveitalubbarnir erum dregnir í dilka með ekki amalegri þjóðum en norðmönnum, bandaríkjamönnum, svisslendingum og þjóðverjum þegar stendur til að fá bankalán í erlendum bönkum. Ég efast ekki um að þetta er af stórum hluta honum Krulla beygða að þakka og ég vil benda á að ég gæti haldið áfram að þylja upp rósirnar sem er búið að klína í hnappagatið hans. En nú eru fjölmiðlar eins og fréttablaðið og stöð 2 að reyna að henda stórri blekkdollu í skiltið sem stendur mannorð Dabba kóngs. Og ég er nokkuð viss um að keflavíkurkrimmanum og nonna í bónus er að ganga nokkuð vel enda með þessa öflugu fjölmiðla í vasanum. Í mínum augum er Jón Ásgeir Jóhannesson bara krimmi með sítt að aftann og já ég meina þetta þó að hann gæti bara borgað hverjum sem er fyrir að láta mig hverfa sporlaust.

Eyrnalokkaprinsessan Hárfríður og launráð hennar til að taka yfir heiminn.

Nú hafa stjórnmál á Íslandi breyst allsvakalega eftir að hinn sívænsæli Borgarstjóri ákvað að fara í hlutverk fórnarlambsins og láta hrekja sig úr Borgarstjórasætinu og hún er víst svo vinsæl að misheppnaðasti og málefnasnauðasti stjórnmálaflokkur landsins sem kallar sig Samfylking varð allt í einu stærsti stjórnmálaflokkur landsins og eru nú flestir í þingflokki Samfylkingarinnar farnir að velja sér ráðuneyti til að taka við eftir kosningar. En hvaðan fær hún allt þetta fylgi sitt? Ég held að þessi ógnvænlega klámvæðing hafi gert það að verkum að flest allir Reykvíkingar eru orðnir eins konar skattsadókistar sem lýsir sér þannig að þeir örvast við að borga hærra útsvar og fá ekkert í staðinn nema holræsaskatt. Og landsbyggðarfylgið er komið frá landsbyggðarbúum sem hafa alltaf öfundað Reykvíkinga að hafa svona “fallegan” borgarstjóra.



Foringinn hefur talað!