hugsjon.

Ég er lítið gefin fyrir “ láttu þá neita því ”
útúrsnúningleikinn sem þú virðist gera tilraun til þess að leika við mig, varðandi innsetningu þinni á mér í d-lista, en sjálf er ég óflokksbundin hef alltaf verið og mun kanski alltaf verða.

1. Hin sterku rök er þú ræðir fyrir sinnaskiptum borgarstjóra svo sem grimma ríkisstjórn falla gjörsamlega um sjálft sig, því hliðstæðu má finna í borginni svo sem hækkun leikskólagjalda og leigu í félagsbústöðum, nú nýlega svo tvö dæmi séu tekin.

2. Þú segir “ eins og allir vita er Ingibjörg heiðarlegur pólítikus ”. Ég vil benda þér á það að þér virðist ómögulegt að eygja það atriði að sá heiðarleiki hafi tekið stakkaskiptum, við nýjar yfirlýsingar hennar um þingframboð.
Jafnframt var að ég tel lágmark að hafa nauðsynlegt samráð við þá flokka er sú hin sama hafði tekið að sér að starfa fyrir næsta kjörtímabil í borginni.
Það gerði hún ekki.

3. Þú nefnir Björn Bjarnason, og málflutning hans, og ég vil aðeins segja þér að það kemur þessu sem ég hér ræði nákvæmlega minna en ekki neitt við.
Þú reynir að benda á það að Ingibjörg hafi getað orðið reið við hann eða yfir hans orðum og þannig látið tilfinningarnar hlaupa með sig í gönur og skipt um skoðun út af því og gengið gjörsamlega á skjön við fyrri yfirlýsingar.

Hvílík röksemdafærsla !

4. Almenningur kýs sér fulltrúa til að sinna störfum að sínum hagsmunum, í borg og til þings.
Þá niðurstöðu ber að virða.

Úr því borgarstjóri hafði hug á því að fara í þingframboð þá átti sá hinn sami að gera hreint fyrir sínum dyrum og taka þátt í prófkjöri samfylkingar sem var viðhaft.

Að hagsmunir annarra flokka á þingi séu þeir að hún fari ekki fram til þings er nokkuð sérstök því
um það snýst þetta mál ekki, heldur samstarf við flokka við stjórn borgarinnar.

Því miður ekkert lýðræðislegt enn sem komið er við þá aðferðafræði sem fram hefur verið borinn til handa kjósendum af hálfu borgarstjóra og með vitund þess flokks er hún hyggst setjast í framboð fyrir.

Sá áróður sem þú virðist hafa tileinkað þér hér og á fleiri stöðum finnst mér lítið eiga skylt við lýðræðishugsjónina.

kv.
gmaria.

ps. Læt þig vita af svari þótt þú hafir ekki látið mig vita.

Ég get nú ekki annað sagt en að auðvitað er ekkert sem að hindrar Ingibjörgu Sólrúnu í að fara fram annað en hennar samviska. En mér finnst svolítið fyndið hversu hörundsárir R-lista menn eru fyrir gagnrýni á það að hún fari fram. Það er augljóst að hún var búinn að lýsa því yfir að hún ætlaði ekki að gera það, umræðan í kringum kosningarnar snerist ekki um annað en að hún myndi ekki sitja sem borgarstjóri nema fram að kosningum. Nú eru sumir að halda því fram að hún hafi frekar lofað að sitja sem borgarstjóri í 4 ár, ég ætla ekki að benda á yfirlýsingar að hinu gagnstæða en veit að þær eru til. En hún er meira að segja búinn að bjóðast til að brjóta það loforð(með því að fara í “frí”). Nú vil ég vita hvort að menn séu þeirrar skoðunnar að það megi ekki gagnrýna Ingibjörgur fyrir það.
Það er eins og maður segir þeir taka það til sín sem að eiga það.

JHG.

Ég er sammála þvi að almennri siðferðisvitund hafi hrakað, og henni hrakar áfram meðan engin andæfir.

Mannorð er vissulega það dýrasta sem hver á.

Ég tek undir orð þín um Steingrím J Sigfússon, ég ber virðingu fyrir honum þótt ég sé honum ekki´ætíð sammála.

kv.
gmaria.

Pipppi.

Ég tel það mjög alvarlegan hlut ef uppvaxandi kynslóð þess lands á að meðtaka fordæmi þess efnis af hálfu kjörinna leiðtoga að lofa kjósendum sínum að vinna fyrir þá fyrir kjördag, en svíkja það daginn eftir, svo ekki sé minnst á sérstakar fullyrðingar í því efni.

Það er einfaldlega fordæmi þess að það sé allt í lagi að svíkja, og blekkja á þessum vettvangi, og ef það er í lagi á þessum vettvangi hvað með öll hin svið samfélagsins.

Dansa limirnir ekki eftir höfðinu Pipppi ?

kv.
gmaria.

Kjanakall.

Sem sagt með öðrum orðum ekkert annað en að virðist hið stórkostlega markmið er fyrir dyrum en að fella d-lista, ( líkt og það sé ekki mögulegt með öðru móti) og alveg sama hvernig er farið að því, og án ígrundunar um hvort R-listasamstarfið fari veg allrar veraldar.

Þú nefnir meira að segja ofbeldi í þínu orðavali í þessum efnum, en hingað til hefur sá sem þarf slíkar aðferðir ekki verið talinn reiða vitið í þverpokum.

Að skilja má af þínum orðum er borgarstjóri að flýja vegna þess að Björn er svo leiðinlegur.

Alltaf batnar röksemdafærsluflóðið.

kv.
gmaria.

Veit nú um tvær persónur sem eru búnar að kvarta og kveina mun meira heldur en Björn, það er Guðlaugur og systir hans gauja þórðar, sem ég ómögulega get munað hvað heitir eins og er! Það eru mestu vælukjóar sem ég hef heyrt í á minni stuttu ævi! Það má ekki koma tillaga þá er hvartað og hveinað í fjölmiðlum hægri vinstri!

JolaMetal.

Að sjálfsögðu geta stjórnmálamenn skipt um skoðun, en að hverfa burt frá því sem viðkomandi hlaut meirihluta lýðræðislega kosningu til rétt skömmu seinna, kunna að teljast afstæð skoðanaskipti, ekki hvað síst til þjónustu við annað en þann málstað er viðkomandi hlaut kosningu til.

kv.
gmaria.

Fyndið að sjá hvað sumir eru flokksbundnir. Elska suma og hata aðra allt út af persónuleika og útliti. Stjórnunarhæfileikar hafa ekkert að gera með álitið, eins og að vera í leikskólanum. Minnir mikið á ræður Bush: “ D-listinn (Norður Korea) is evil and Samfylkingin (Isreal) is friendly.” Margir hérna eru svo blekktir. Aðalmarkmið flokkana er að vera styrktaraðilum til geðs, já Samfylkingin líka.
Ég er ekki flokksbundinn, en ætla samt að taka fram, ef Samfylkingin ætlar að mynda ríksstjórn þá þarf hún líklega að gera það með tveimur samstarfsflokkum, sem er frekar ólíklegt eins og staðan er í dag.

geirag.

Ég get lýst því einu sinni enn yfir að ég er og hef alltaf verið óflokksbundin. Ég fylgist hins vegar vel með stjórnmálum og samfélaginu, og mynda mér skoðanir á mönnum og málefnum þar sem ég tel þurfa hverju sinni og þar skiptir engu máli hvaða flokkur eða talsmaður þeirra á í hlut.

Mér kemur það hins vegar á óvart eins og ég sagði í þessum pistli mínum hve tilbúnir menn eru til þess að samþykkja siðferðisbresti, og það sem verra er nota allra handa illskiljanlega útúrsnúninga til þess að reyna að breiða yfir staðreyndir, sem þar blasa við og sá sem á í hlut verður vissulega að axla ábyrgð á fyrr og síðar.

Við skulum hins vegar ekki gleyma þætti formanns samfylkingar í þessu sambandi, því hann upphóf þvaður við fjölmiðla mér best vitanlega.

kv.
gmaria.

GunniS.

Það sem þú bendir á hér er alveg rétt.
Ráðstafanir af hálfu Reykjavíkurborgar hafa ekki létt undir með öryrkjum eða eldra fólki, því
síhækkandi gjaldtaka alls konar, hefur bitnað illa á þeim hópum. Ég lít einnig svo á að lóðaskortur sá sem var í borginni hafi m.a. orsakað gegndarlausar hækkanir á fasteignum, þar sem hluti fólks lenti í þeirri stöðu að geta hvorki keypt né leigt um tíma.

kv.
gmaria.