gmaria fyrir 22 árum Fjöldi lestra: 561

Vér mótmælum !

Í stað þess að nota arð af sölu ríkisbankanna til þess að standa við gerða samninga við aldraða og öryrkja eru lagðir nýir skattar á neytendur til þess að standa skil á slíku.

Ekki er öll vitleysan eins, heldur aðeins mismunandi.

Þegar rýnt er í breytingartillögur fjárlaganefndar fyrir fjárlög 2003, sem er fróðlegt aflestrar, þá má þar meðal annars finna á forsíðu Ýmis verkefni, Til stjórnmálaflokka með hliðsjón af nýrri kjördæmaskipan og breyttum aðstæðum þingmanna af þeim sökum, krónur 35 milljónir í tillögugerð.

Meðan Háskólinn hefur 137 milljónir til rannsóknastarfa þá fá Framhaldsskólar 25 milljónir til tækjakaupa.

Fé til símenntunar er innan við tíu milljónir á hvert svæði á fjárlögum, meðan Lánasjóður íslenskra námsmanna fær 3 milljarða en beingreiðslur til mjólkurframleiðanda eru 3,9 milljarðar.

Fjárframlög til hafnarmannvirkja eru nokkuð mikil í ljósi þess að kvóta er ekki lengur til að dreifa í hinum ýmsu sjávarbyggðum, eða rúmur milljarður króna.

Færeysk orðabók er styrkt af fjárlögum um 2,5 milljónir króna,
og Gróður fyrir fólk í landnámi Ingólfs fær 4 milljón króna styrk. og Papeyjarferðir ehf, 1,8 milljón .

Gæðamat í ferðaþjónustu eru áætlaðar 4.milljónir, og Rannsókn á landslagi 3. milljónir.

SMS samskipti með sima er einnig að finna í þessari tillögugerð með upphæð kr. 4. milljónir af fjárlögum og næst þar undir stendur Klúbbur matreiðslumeistara með upphæð 2,5 milljónir.

Áfram mætti lengi telja, en…

Ef til vill eru þessi verkefni öll stórnauðsynleg en eigi að síður margt sem stingur í augu fyrir þann sem greiðir skatta í þessu landi við þennan yfirlestur og til dæmis má spyrja að þvi hvort Gróður í landnámi Ingólfs geti ekki staðið undir sé með sjálfsöflun fjár í sina þágu ellegar Færeyingar staðið að gerð eigin orðabókar hvað þá Klúbbur matreiðslumeistara.

Ný skattlagning án þess að arður af sölu ríkiseigna komi þar til með að brúa bilið, er uppgjöf
núverandi stjórnvalda sem greinilega hafa misst handtakið í taumnum á hrossinu, og nýjar álögur á almenning munu ekki færa þeim hinum sömu setu við úthlutun slíka að ári við slíka skipan mála.

Það dreg ég alla vega mjög í efa.

með góðri kveðju.
gmaria.

Beerbelly fyrir 22 árum

Þetta er bara voðalega furðulegt framferði hjá ríkisstjórninni! Ég bara að bíða eftir því að þeir hækki bjór og léttvín líka!

Mæli með því að við kjósum bara rétt í vor!

kv Beerbelly

Fyrra álit

octavo fyrir 22 árum

Það er erfitt að kjósa rétt þegar enginn atkvæðisins virði er í framboði…

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

Beerbelly fyrir 22 árum

Þú hlýtur að finna eitthvað sem er þér að skapi! Bara skoða það vel.

Fyrra álit

Ahl fyrir 22 árum

“Það er erfitt að kjósa rétt þegar enginn atkvæðisins virði er í framboði…”

Tek undir þetta hjá þér félagi. Það eina sem gæti dregið mig að kjörstað væri framboð Frálshyggjufélagsins eða mögulega framboð Framfarasinna, þó þyrfti ég að kanna málin betur áður en ég gæfi Framfarasinnum atkvæði mitt.

Með kveðju
Alexande

Fyrra álit

Morrison fyrir 22 árum

Eftir 5 ár getur maður byrjað að kjósa Frjálshyggjufélagið

Fyrra álit

gmaria fyrir 22 árum

Ahl.

Tek undir með þér að sjálf er ég tilbúin til þess að gefa Framfarasinnum eða öðrum atkvæði mitt svo fremi þeir hinir sömu verði í framboði í ljósi
úrræða núverandi stjórnar og tillagna kosinnar stjórnar “ andstöðu ” á þingi.

kv.
gmaria.

Fyrra álit

gmaria fyrir 22 árum

Beerbelly.

Í fljótu bragði sýnist mér það að um 5% hækkun á fjármagnstekjuskatti og nokkurra prósenta skattur á sykur hefði skilað því hinu sama í kassann á móti þeim útgjöldum sem um er að ræða.

kv.
gmaria.

Fyrra álit

geirag fyrir 22 árum

gmaria:

Brynasta verkefni stjornmalamanna i dag er ad borga nidur skuldir hins opinbera - ad fullu! Tha sparast mørg hundrud milljonir, milljardar!, i vaxtagreidslur sem tha er hægt ad nyta til ad lækka skatta og gera landsmønnum kleift ad radstafa stærri hluta tekna sinna sjalfir. Ad sjalfsogdu a andvirdi rikisbankanna ad renna hreint og oskipt i skuldaafborganir og leyfa stjornmalamonnum sidan ad rifast um hvernig their ætla nyta hundrud milljona krona vaxtagreidslusparnadinn (lækka skatta, auka utgjold til einhverra malaflokka osfrv).

Geir H. Haarde er hress og katur kall. Hann er hins vegar, thvi midur, ad gefa eftir øllum thrystihopum i tilefni kosninga. Thvi midur hefur thetta alltaf verid svona, ohad flokkum, og dettur mer ekki i hug neinn sitjandi stjornmalamadur i dag, nema kannski Petur Bløndal, sem hefur rænu og rad og sjalfstædi og thor til ad spyrna vid thrystihopunum sem alls stadar eru tilbunir ad seilast i vasa vinnandi folks.

Ad hugsa ser as færeysk ordabok skuli a einu bretti hirda arslaun eins verkamanns. Oj bara!

Fyrra álit

octavo fyrir 22 árum

Ef ég verð einhverntímann sammála ykkur, geirag og gmaria þá er það núna, ríkið á ekki að spreða peningum skattborgara í vitleysu.

Pétur Blöndal í fjármálaráðherrastólinn!

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

gmaria fyrir 22 árum

octavo.

Mikið er gaman að þú skulir svo sem einu sinni vera sammála !!

Ísland er að verða ráðstjórnarríki skattalega, þar sem frumkvæði einstaklinga er drepið niður, um leið og einhver eignast eitthvað.
Slíkt er letjandi vægast sagt.

Pétur Blöndal á annars tilkall til ráðherrastóls í ljósi röðunar á framboðslista svo fremi flokkurinn nái meirihluta í kosningum en hann sker sig úr fyrir kjark til þess að tjá eigin sannfæringu, umfram marga aðra.

kv.
gmaria.

Fyrra álit

xark fyrir 22 árum

vaxtagreiðlsur ríksins eru mjög miklar útaf þessum skuldum. Eru um 10-12 milljarðar á ari.
Ef ríkið notar þessa 20-25 milljarða fyrir bankanna í að borga skuldir minnka vextirnir um 1-1,5 milljarð.

Fyrra álit

gmaria fyrir 22 árum

geirag.

Vissulega þarf að greiða erlend lán, en ríkjandi kynslóð á að geta komist af fyrir því það er jú hlutverk stórnvalda að sjá til þess að hluta til.

Það gerist ekki með aðferð sem þessari þar sem aldrað fólk má meðtaka þau skilaboð að ekki sé hægt að leiðrétta kjör þeirra nema með nýjum sköttum, sem er skammarlegt.

Færeysk orðabók tekur af fjárlögum, andvirði tvöfaldra árslauna minna sem konu, sú er nú raunin.

Það væri annars gaman að vita hverjir standa að Papeyjarferðum ehf, því einkahlutafélög eru óvenjulegt fyrirbæri í fjárlögum mér best vitanlega.

kv.
gmaria.

Fyrra álit

BFSkinner fyrir 22 árum

Ég verð nú að segja að ég skil ekki alveg greinina eða reiðina sem henni fylgir.
Er slæmt að veita peningum til menntastofnanna eða til ferðaþjónustunar, sem skilar ágætis pening í þjóðarbúið og veitir mörgum atvinnu? Eða þá að veita peningum í fjarskipti? Ég myndi eindregið vilja fá svolítinn rökstuðning, eða þá í hvað peningarnir eiga frekar að fara.

Annars er ég sammála því að Pétur Blöndal eigi að fara í stól fjármálaráðherra næst, hann hefur sannað sig auk þess sem það er gaman að sjá menn sem hugsa sjálfstætt og þora því að hafa skoðanir.

Fyrra álit

gmaria fyrir 22 árum

BFSkinner.

Ég veit nú ekki alveg hvaða reiði þú ert að tala um því við sem höfum skoðanir hljótum að gagnrýna og koma þeim á framfæri, hver með sínu móti.

Menntun er af hinu góða líkt og mjólkurframleiðsla EN offramboð af hvoru fyrir sig veldur vanda, og ef hinn menntaði fær ekki störf við sitt hæfi hér á landi og fer af landi brott eftir að við höfum kostað þá menntun þá hendum við skattgreiðendur peningum á glæ, það gefur augaleið.

Veita peningum í fjarskipti segir þú !
Þú getur kanski frætt mig á því hvað útgjaldaliðurinn SMS samskipti með síma stendur fyrir ? Varla er það fjárveiting til Símans því það myndi skekkja samkeppnisaðstöðu.

Ferðaþjónusta þarf og verður að standa undir sér sjálf en fjárfestingar í þeim geira eru nú þegar nægar og offramboð frekar en hitt.

Pétur Blöndal hefur menntun til þess að gegna embætti fjármálaráðherra.

kv.
gmaria.

Fyrra álit

BFSkinner fyrir 22 árum

gmaria:
Offramboð á menntun tel ég ekki slæma, því meira sem þjóðin menntar sig, því betra.

Mér virðist þú vera í andstöðu við ríkisstyrki í landbúnaði, gott og vel. Ég tel hins vegar að sveitir landsins muni leggjast af ef við hlúum ekki vel að landbúnaðinum, og þá munum við sjá offramboð af fólki sem flyst úr sveitunum í mölina, eða jafnvel af landi brott.

Ferðaþjónusta á Íslandi á vel rétt á einhverju til baka úr ríkiskassanum og þessir peningar gætu skilað sér margfalt í hann aftur.

Gott að við erum allavega sammála um Pétur Blöndal!

Fyrra álit

gmaria fyrir 22 árum

BFSkinner.

Þegar ég tala um “ ofmenntun ” þá lít ég svo á sú menntun sem er fyrir hendi nýtist ekki sem skyldi
þar sem á þarf að halda.

Ég er á móti ríkisstyrkjum í núverandi landbúnaðarframleiðslu og lít svo á að þar skorti á stefnubreytingu varðandi niðurþrepun í stóriðjulandbúnaði í smærri einingar með hollari framleiðsluháttum, til þess að takast á við breytta neysluhætti.

Ríkið á að búa til skilyrði til þess að fyrirtæki almennt, þar með talið ferðaþjónusta, geti staðið á eigin fótum en beinar styrkveitingar eiga að heyra sögunni til að mínu áliti, og skattaívilnarnir mun betri aðferð.

kv.
gmaria.

Fyrra álit

[Notanda eytt] fyrir 22 árum

ég stórefast að þessi menn kunni að spara. og hvað þá spara í útgjöldum hjá sér eða ríkinu, samt ætlast þeir til af öðrum að spara. og spara meira og en meira.

ég skil ekki að fólk sé ekki búið að fá upp í háls af óánægju yfir ríkistjórninni og hálvitaskap sem rignir frá þessum mönnum.

Fyrra álit

gmaria fyrir 22 árum

GunniS.

Bið þig og Kjánakall afsökunar ég víxlaði svörum við ykkur, þ.e var að svara hans svari hér á undan en ritaði það til þín.

Vissulega er a.m.k. hinn vinnandi maður á lágum launum búinn að fá meira en nóg af því skattaoffari sem ríkt hefur og ríkir enn þótt tilraunir til þess að klóra í bakkann nú í dag, með einhverri 800 kr, hækkun persónusafsláttar per mánuð, verði tylliástæða fyrir kosningar til þess að guma sig af.
Í raun og veru held ég að skattaka af desember uppbótinni dekki vel þetta blessað framlag, á heildina litið, en verkalýðshreyfingin bað ekki einu sinni um raunverulega leiðréttingu.

kv.
gmaria.

Fyrra álit

Anarcy fyrir 22 árum

Orð að sönnu hjá þér gmaria…Þau segja mér það sem ég vissi fyrir sem er “EKKI kjósa sjálfstæðisflokkinn”.

Fyrra álit

octavo fyrir 22 árum

Skrítið, ég las út úr þessu: “Skilaðu auðu”

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

Anarcy fyrir 22 árum

Octavo

Er það já, næst ætlaru að segja mér að Össur sé forsætisráðherra og hafi stjórnað þessu. Maður á ekki að skila auðu, frekar að kjósa einhverja aðra en D til að tryggja einhverja samkeppni við þá!

Fyrra álit

octavo fyrir 22 árum

Ef þú getur ekki kosið einhvern sem þú vilt að stjórni landinu næstu 4 árin, skaltu skila auðu. Að skila auðu er líka afstaða.

Skoðanir Octavo eru hans eigin og gætu því stangast á við skoðanir annarra á Huga. Þér er velkomið að:

Fyrra álit

gmaria fyrir 22 árum

GunniS.

Eigi veit ég það alveg, því það er staðreynd að mikil uppstokkun í pólítik gerðist einmitt í prófkjöri flokksins á dögunum, sem ég vil túlka sem ósk manna um breytingar, bundnar við þá menn er náðu ofar á lista.

Það verður mjög forvitnilegt að vita hvort sama magn breytinga í mannavali birtist hjá samstarfsflokk í ríkisstjórn í fjölmennustu kjördæmunum.

kv.
gmaria.

Fyrra álit

Stjórnmál

Stjórnmál

Ofurhugar

Stjórnendur

Hverjir eru inni

Greinar

Vér mótmælum !

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi