“Það er merkilegt hvernig umræða um ríkisafskipti og hinn frjálsa markað varð að kappræðu um réttleysi reykingafólks.”
- Sérðu ekki tengslin?

“Mér er meiri hætta búin af umferðinni en óbeinum reykingum,það er allt of mikið af bílum í Reykjavík.”
- Furðulegt þegar fólk fer að bera þetta saman, en allt í lagi. Árið 2000 voru skráð 181.681 ökutæki á íslandi, dauðsföll af þeim völdum: 32. Dauðsföll árlega að völdum reykinga sem 25% þjóðarinnar (um 70.000) stunda: um 400, ekki á hreinu hversu mörg dauðsföll urðu af völdum óbeinna reykinga þar sem óbeinar reykingar eru áhættuþáttur í mjög mörgum kvillum sem draga fólk til dauða.

“Áfengi er mun skaðlegra en tóbak,allt áfengi. Fleiri hljóta varanlegan skaða af neyslu áfengis en tóbaksreykingum. Tökum svo öll bílslysin sem verða, skemmdarverk/eignarspjöll sem eru framkvæmd, innbrot, ofbeldisverk, heimilis ofbeldi-allt undir áhrifum áfengis.
Getum við ekki bannað fólki að drekka á skemmtistöðum og börum? Hólfað staðina niður þannig að ég og fleiri, sem þolum illa drukkið fólk-röflið í því-ólyktina af því-þau almennu leiðindi sem það veldur, getum skemmt okkur betur.”
- Eitt vandamál getur aldrei réttlætt að öðru sé stungið undir stólinn. Og útúrsnúningur er ekki til þess fallinn að mark sé á manni tekið.

“Réttur þeirra sem ekki reykja er miklu meiri en þeirra sem ekki drekka, er það réttlátt?”
- Hvað meinarðu? Fær fólk að drekka á vinnutíma á þínum vinnustað? Fær það að taka sér pásu oft á dag til að fá sér sjúss?

“Sjúkrakostnaður ríkisins af reykingamönnum er ekki meiri en af öllum íþróttamönnunum-það eru einhverstaðar til tölur yfir þetta.”
- Endilega sýndu okkur þær.

“Dýrasta fólkið í sjúkrakerfinu eru offitusjúklingarnir. Kannski er sjúklingur rangt orð. Reykingamenn eiga að hætta að reykja og enginn vorkennir þeim.Reykingamenn eru aldrei kallaðir reykingasjúklingar. Reykingar eru svo ógeðslegar. Fólk sem er of feitt ætti auðvitað að hætta að borða óhollan mat og megra sig. Er það ekki?”
- Aftur, tölur takk.

“Kostnaðurinn við kransæðastíflurnar,hjartasjúkdómana og allan þann aragrúa sjúkdóma sem fylgja offitu slær víst flest annað út í heilbrigðiskerfinu.”
- Oft er ekki við aðeins eitt að sakast, reykingar eru áhættuþáttur í hjartasjúkdómum sem og fleiri kvillum.

“En ég vil búa í semi-sósíalísku samfélagi þar sem reykingamenn,offitusjúklingar og líka íþróttamenn hafa jafnan rétt til að lifa og geta farið á spítala án þess að hafa áhyggjur af reikningnum. Ég vil búa í samfélagi þar sem einstæðir foreldrar með enga menntun geta átt börn í háskólanámi erlendis. Ég vil ekki búa við forræðishyggju þar sem fólk segir mér að vegna heimsku almúgans hafi verið ákveðið að banna tóbak, banna áfengi, banna klám, banna óhollan mat, banna þröngar buxur, banna stutta boli, hvað dettur ykkur fleira í hug?”
- Þú býrð í þessu samfélagi í dag, ef þú býrð á Íslandi (Nema kannski í sambandi við klámið). Reykingar hafa ekki verið bannaðar, aðeins takmarkaðar til að verja þá sem ekki reykja.

“Forræðishyggjan snýst um að banna hluti sem fólk er of vitlsaust til að hætta að gera. Þetta er mín upplifun. Sumir hafa kallað þetta kærleiksofbeldi eða kærleiksfasisma. ”Við höfum ákveðið að banna /tóbak-áfengi-hvítan sykur-bíla/vegna þess að okkur þykir svo væn um ykkur“.”
- Þarna er ég sammála þér, það eina sem á að gera er að banna fólki að skaða aðra, eins og er markmið t.d. tóbaksvarnalaga.

“Mér finnst að stofna þurfi samtök sem berjast fyrir rétti fólks til að vera vitlaust/heimskt.”
- Þau eru til og heita Bandaríkin.

“Fæst ykkar eru eflaust sammála mér en lífið verður svo litlaust þegar er allt er orðið bannað og púrítanarnir ráða öllu.
Þess vegna er allt í lagi þó reykingarmenn reykji, óbeinarreykingar og allt. Það er allt í lagi þó áfengismenn drekki, fyllirísröfl og allt. Það er allt í lagi að offitumenn borði-fitu og allt. Það er allt í lagi að íþróttamenn íþróttist út í eitt, þó fátt finnist mér leiðinlegra.”
- Það er ekki í lagi að skaða aðra, en endilega dreptu sjálfan þig með ofáti, reykingum og drykkju.

“Og hver borgar? eins og upphafsgreinin hét víst-nú við borgum öll frá vöggu til grafar. Þannig er það allsstaðar. Hér borgum við það til ríkisins,að stórum hluta,og getum gert kröfu á ríkið um að sjá um okkur. Í Sviss t.d. fær ríkið víst ekki mikið en hey! það tæmir enginn ruslatunnuna þína nema þú borgir sérstaklega fyrir það.”
- Er það þá Sviss sem hún Ingibjörg Sólrún notar sem fyrirmynd?