Það er gleðiefni að stjórnendur vilji loksins reyna á breytingar mini-móta í stað þess að kalla gagnrýnisraddir skítkast.

Tímabreytingin er hlaðin kostum og göllum. Fleiri koma/komast - en yngra fólk mun færast í aukana. Vilja umsjónarmenn það? Fyrir mína parta sé ég að það gæti verið erfiðara fyrir horror-spunaspilsstjórnendur að ná góðu andrúmslofti (sem var erfitt fyrir, innan um sveitta, hlæjandi D&D-spilara :p). Fólk verður meira á rápi inn og út þar sem þetta er á opnunartíma búðarinnar (þá á ég við óviðkomandi fólk). Einnig verður bjartur dagur og því erfiðara að ná réttum hughrifum.

Þema-hugmynd er góð, en vestra-þema er afleitt dæmi. Ég tel afskaplega hættulegan leik að segja stjórnendum um hvað þeir eigi að gera sögur. Þegar ég og Þorsteinn vorum með hugmyndir um þema-mót þá áttum við frekar við fantasy-þema, horror-þema, scifi-þema eða eitthvað slíkt. Ef þetta verður sérhæfðara (eins og vestri) þá verður þetta eiginlega bara…kjánalegt og móðgandi við stjórnendur.

Einnig legg ég til að gefa stjórnendum meira fyrir snúð sinn. Maður fær alls konar lið á borðið til sín og stundum fer mikill undirbúningur bara í vaskinn því maður fær þannig fólk í hendurnar. Ég hef lent í því að fá fólk sem er bara komið til að fíflast og hefur ekki þroska til að taka þátt í leiknum sem lagður er fyrir það. Það eyðilagði fyrir hinum sem voru við borðið; það var fólk sem hefði getað gert kvöldstundina skemmtilega. Ég legg mikinn metnað og mikla vinnu í undirbúning sagna fyrir mót (og ég treysti því að fólk sem hefur spilað hjá mér viti það) og ég nenni ekki að kasta því fyrir bí (sem gerist stundum þegar maður veit ekkert hvernig fólk maður fær til að spila með sér) fyrir einhverja hlægilega upphæð í inneign í Nexus. Það er kannski annað fyrir fólk sem undirbýr sig ekki rassgat, skrifar ekki einu sinni lýsingu á sögunni sinni og er svo bara ekkert gott að stjórna.

Það leiðir okkur að spurningunni - á ekki að setja nein takmörk á hverjir geta stjórnað og hverjir ekki? Mega bara allir sem sækjast eftir því að stjórna gera það? Let´s face it, fólk er misgott í þessu hlutverki og á mini-mótum hafa sumir afleitir stjórnendur spreytt sig. Ég veit um slatta af fólki sem mætir ekki á mini-mót því að það lenti hjá svo hræðilegum stjórnanda að það vill ekki hætta á að eyða 500 krónum og heilli kvöldstund í eitthvað sem er allt annað en skemmtilegt.

Eins manns skemmtun er annars manns leiðindi. Mér þykkir leit að þið hafið svona slæma reynslu af Mini Mótunum. En að fara að takmarka hverjir meiga stjórna á Mini Mótum finnst mér vera elítista snobháttur. Ég geri auðvitað þá kröfu að stjórnendur komi með persónur og sögu með sér þegar stjórnað sé á móti en gaufi ekki bara eitthvað út í loftið. þetta þarf þó ekki endilega að vera nelgt niður á papír með handouts þótt að slíkt sé alltaf skemmtilegt. Nú eru nöfn stjórnenda á skráningar blaðinu og ef maður hefur slæma reynslu af þeim aðila eða hefur heyrt að stíll hanns sé ekki fyrir mann þá skráir maður sig ekki þar.

Ég hef nokkuð oft komið með þá hugmynd, að stjórnendur séu metnir af spilurum, þ.e. áður en spilarar fara heim fái þeir eyðublað með nokkrum spurningum sem þeir svara.

Þetta leiðir tvennt af sér.

1. Stjórnendur leggja meira á sig til að fá hærri einkunn. Þar með er kerfið orðið aðhaldstæki en jafnframt upplýsingatæki fyrir spilara. Spilarar geta sótt þessar upplýsingar og valið sér stjórnanda eftir þeim upplýsingum sem fyrir liggja.

2. Um leið og kerfið veitir stjórnendum aðhald, gerir það líka spilurum kleift að krefjast meira. Fyrir vikið geri ég ráð fyrir að ævintýrin verði skemmtilegri og skipulagðari.

Ég er sammála því sem hefur komið fram, það sem einum finnst skemmtilegt finnst öðrum leiðinlegt. Hins vegar má gera ráð fyrir því að þeir spilarar sem skrá sig á borð á minimóti séu komnir til að skemmta sér og þar sem spunaspil eru félagsleg athöfn er svolítið undarlegt að hugsa til þess, að sumir spunaspilarar virðast meira en lítið skertir í félagslegum samskiptum, skynja jafnvel ekki þegar hegðun þeirra er komin langt yfir strikið og þ.a.l. farin að skemma fyrir öðrum.

En aftur að þessu kerfi…

Ég held, að þetta gæti verið það besta sem kæmi fyrir rpg-minimótin. Um leið og einhvers er krafist af stjórnendum, þá leggja menn meira á sig og það verður töluvert auðveldara að fá aftur inn góða stjórnendur sem hafa ekki stjórnað lengi á minimótum. Mér finnst löngu tímabært að koma upp gagnagrunni góðra stjórnenda og slæmra spilara.Væri því ekki ráð að láta stjórnendur meta spilara hjá sér á sama hátt og spilarar meta stjórnanda? Ég vil líka, sem stjórnandi, geta hafnað því að hafa spilara á borði hjá mér. Ég hef t.d. lent í því að vera með borð á minimóti þar sem var spilari sem lagði annan í einelti og hagaði sér eins og þroskaheftur hálfviti. Ég mun og ætla ALDREI að taka við borði þar sem viðkomandi hefur skráð sig. En þetta var líka í síðasta skipti sem ég stjórnaði á minimóti, ég fékk einfaldlega nóg. Ef ég hefði haft tækifæri á að gefa viðkomandi einkunn eða umsögn, og getað með því varað aðra við þessum spilara með óbeinum hætti, þá hefði ég þegið það án umhugsunar.

Minimótin eins og þau eru í dag, eru til margs nýtileg. Mér finnst þau hins vegar mega taka smá breytingum, til batnaðar fyrir bæði spilara og stjórnendur og gera mótin svolítið gagnsærri. Þannig ég mæti ekki um kvöldmatarleytið og viti ekki neitt um þá sem ég er að fara stjórna eða þeir um mig. Ég held, að um leið og mótin verði sýnilegri, meiri metnaður í kringum þau og krafist meira af spilurum og stjórnendum, þá mun ég mæta aftur og stjórna.

Allt í lagi, ég skal viðurkenna að ég er frekar efins með þá leið sem þetta er að stefna… En ég er tilbúinn í að láta reyna á það, en þá myndi ég þurfa að gera þá kröfu að þið mynduð leggja mér lið. Ég hef séð mann storma út af “einkunnar” gjöf í öðru spili sem er týtt spilað út í nexus, þannig að þessar upplýsingar sem þið hyggist safna verða að vera uppbyggjandi gagnrýni. Ef þið væruð til í að hanna spjöldin og spurningarnar væri ég alveg til í að gefa þessu séns til þess að sjá hvernig þetta virkar í praxis.

Það er hægt að Læsa spilasal nexus og það hefur oft verið gert t.d. á magic mótum þegar að fólk þarf að fá frið, þannig að það ætti ekki að vera vandamál, það verður hinsvegar alltaf einhver smá staffa umgangur þar sem skrifstofa nexus er fyrir innan.

Varðandi aldur, þá hafa stjórnendur enþá fullan rétt til þess að hafna spilurum sem eru ekki komnir á ákveðin aldur og enþá haft aldurstakmark.

Varðandi fólk sem brýtur viðmið í hegðun, þá sé ég ekkert því til fyrirstöðu að sá sem er að stjórna(eða einhver annar) segi viðkomandi að haga sér eins og manni eða vinsamlegast fara.

Enn og aftur þá eru Móts tímasetningar ekkert settar í stein það er alveg hægt að hafa Horror þemað mátt á laugardögum frá kl 18-20.

Það sem ég átti við með þemakvöld væri ekki beint að fólk stjórnaði vestra, heldur mögulega að sagan sem stjórnuð/spiluð er sækir kannski einhver minni úr vestra.

Fleirri hugmyndir ef þið eigið þær til:

Eins og Fizban þá er ég efins um þetta en er tilbúin að láta reyna á þetta.Þetta með vandræðaspilaran er auðvitað eitthvað sem kemur örruglega alltaf upp aftur en batnandi mönnum er best að lifa.Nú hef ég verið með umrædan einstakling sem spilara á Mótum þrisvar og hann hefur aldrei verið til vandræða á mínu borði sem segir að gagnrýni ykkar á hegðan hanns fór ekki fram hjá honum og hann tók sig samann í andlitinu.

Já, einmitt þú vinnur fínt frábært þú hefur alltaf rétt fyrir þér og gott hjá þér.

Mig langar samt sem áður að prófa hugmyndina og mér er alveg nákvæmlega sama hvað þér finnst, ég hef marg oft boðið öllum sem þykjast geta þetta betur að taka við þessu, Þannig að Kurdor þú ert hérmeð orðinn skipuleggjandi af næsta móti.

P.s. Ef þú villt ekki taka við þessu ekkert mál.

Tmar mig innilega langar að prófa þetta einfaldlega til þess að fá þig til að A. stjórna því það er gaman að spila hjá þér og B. svo ákveðnir einstaklingar geti vinsamlegast hætt að hanga á bakinu hjá mér eins og brjálaður api sem bendir á fólk, en að mér sýnist gerir ekki neytt annað.

Er eitthvað að því að ég sé að gera hluti út af hópþrýstingi?

Tmar og Kurdor þið eruð báðir fínir stjórnendur og það væri leiðinlegt að sjá á eftir ykkur betra væri að fá ykkur til að stjórna á Mini Móti aftur.Nú Ætlum við að byrja með einnkunarblöð fyrir bæði stjórnendur og spilara. Þannig getum við byrjað að sigta út það sem betur má fara og gefið spilurum sem eru með truflandi athæfi við borðið viðvörun.Einn hugmynd er að þeir sem vilja vera með aðeins þroskarði spilara og horror kerfi stjórni þá á laugardagskvöldum frá kl:18:00 til að verða ekki umkringdir skarkalanum frá borðum með yngri spilara.Ykkur er auðvitað sjálfsagt að koma með eigin kröfur til spilara sem verða á ykkar borði. Og kurdor mér finnst þú oft ríða um á háum hesti á þessu spjallborði og lýsa vanþóknun þinni á hlutum á frekar hrannarlegan hátt en það er bara þinn háttur og það verður bara að hafa það. En ég leyfi mér samt að pirrast stundum yfir því. En þú mátt þó eiga það að þú komst umræðuni af stað og fékkst okkur Fizban til að hugsa þótt að við virtumst ekki sérstaklega mótækilegir fyrir því.Mini Mótin eru sjálfboðastarf og þessi inneign er komin frá ráðamönnum í Nexus og það er ekki í mínu valdi að gefa stjórnendum meira fyrir sinn snúð.Nú mun við fara og sjá hvaða breytingum við getum komið fyrir á skipulaginu. Og eitt en þetta með lýsinguna var sett til að koma í veg fyrir að fólk skráði sig hjá stjórnanda sem er að nota útgefið ævintyri sem það væri búin að spila áður. Vonandi verða þessar breytingnar til þess að óánægðir gefi þessu séns en ef ekki þá er bara ekki hægt að gera öllum til geðs.