Smá leiðrétting, karlinn minn.

Í málum Huga-Arena hef ég síðasta orðið. Ég er sá einstaklingur sem þarf að skera úr í málum þar sem leikmönnum og dómara greinir og sé um að allar reglur séu uppfærðar og í takt við það sem er að gerast í Arena'inu hverju sinni.

Ég er vissulega tilbúinn að hlusta á allar hugmyndir og ef það er almennur vilji fyrir breytingum, þá koma þær fram. Í þessu máli er ekki sá vilji fyrir hendi, því miður fyrir þig. Töluvert margir hafa komið til mín með ábendingar um reglur eða uppfærslur á þeim og hef ég tekið tillit til óska þeirra. Hér ríkir hins vegar ekki einhugur um þetta mál og því verð ég að neita.

Staðreyndin er hins vegar sú, að það er ekki hægt að reka Arena á því að enginn sé yfir því. Það mætti því kalla mig Arena-boss eða Hringleikahússtjóra. Og jú, þú þarft að sætta þig við mínar ákvarðanir, rétt eins og allir aðrir þátttakendur Arena'sins. Ég fer í ekkert manngreinarálit þegar kemur að þessu. Mínar ákvarðanir standa, ég er alveg tilbúinn að standa og falla með þeim. Þær eru hins vegar teknar með hag heildarinnar í huga og til að tryggja að sanngirni sé gætt hvítvetna og allir sitji við sama borð. Enn og aftur, ef þetta borð hentar þér ekki, farðu þá eitthvert annað að spila.

En … bara til að hafa það á hreinu: Ég er æðsta ráð, forseti, overgod, stjórnandi, keisari, einræðisherra, Saddam Hussein osfrv. Arenasins. Ef ég segi nei, þá þýðir það nei.

Hingað til hefur enginn haft nokkuð við þetta að athuga, enda hef ég lítið þurft að hafa afskipti af þátttakendum. Mér sýnist vel flestir, ef ekki allir, skemmta sér konunglega við þær aðstæður og forsendur sem eru fyrir hendi núna.

Ertu ekki að grínast, drengur? Hefurðu aldrei þurft að láta í minni pokann? Hefurðu aldrei þurft að sætta þig við eitthvað sem þú ert ósammála?

Það er búið að taka ákvörðun. Hún var tekin af stjórnanda áhugamálsins, sem var sá sem kom með hugmyndina að Arena-spilun hér, sá sem hóf hana og sá sem hefur gert reglurnar nær eingöngu upp á eigin spýtur. Langflestir eru ánægðir með þær reglur og sáttir með Arena eins og það er. Einhver pjakkur úti í horni sem er ósammála honum hefur bara fjandann ekkert um það að segja, þó hann feyki stóryrðum eins og “Mér er sama um ákvarðanir stjórnanda. Ef hann réttlætir ekki sínar ákvarðanir má hann búast við því að ég ráðist gegn þeim eins of skoðunum annarra ef ég er honum ósammála.”

Að lesa þetta og lesa þig síðan væna aðra um þrjósku minnir mig á pistil eftir Gunnar í Krossinum sem ég las um daginn. Þar skrifaði hann að margir múslimar væru blindir í ofsatrú. Það þótti mér kjánalegt, komandi frá honum. Þú ert farinn að líta kjánalega út, viltu ekki bara sætta þig við þær reglur sem hér gilda og spila eftir þeim, eða spila einhvers staðar annars staðar?

En þetta yrði aldrei spurning um að taka eitt level eða eitt feat og þó svo það væri þá þyrftu dómarar samt að þekkja kerfið nægilega vel, þ.e.a.s. að hafa lesið bækurnar.
Þar fyrir utan er einfaldlega búið að segja nei við þessu, er ekki best að láta þetta eiga sig og reyna að skemmta sér án leiðinda og rifrilda?

Það er nú gott að þú vilt forðast leiðindi, eins og ég.
Spurning eitt:
“afhverju mega slíkir þræðir ekki bara vera látnir vera?”
Ég held að megin ástæðan fyrir því að það er ekki vel liðið að fólk sé að setja upp í raun tvö mismunandi arena þar sem þeir sem myndu nota reglur úr ToB gætu ekki tekið þátt í því arena sem hefur þegar verið sett upp. Þar af leiðandi væru komin 2 mismunandi arena og í raun væri einfaldara fyrir þá sem vilja nota ToB að finna eitthvað annað arena þar sem sú bók, og aðrar, eru leyfðar.
Spurning tvö:
“Afhverju er svona mikið mál að neita áskorunum þar sem dómari leyfir ToB eða aðrar bækur?”
Af því það er einfaldlega óþarfa vesen. Það er þegar svolítið vesen með að einstakir spilarar í Arena leikjunum vila ekki spila gegn psionics, þannig að það er kannski bara einfaldlega óþarfi að bæta fleiri bókum við sem fólk er kannski ekki allt sátt við. Sjálfum finnst mér ToB til að mynda of mikið vesen fyrir arena leikina, nema allir myndu kunna reglurnar vel, en svo er bara alls ekki.
Spurning þrjú:
“Eða samþykkja að berjast með þeim skilyrðum ToB sé ekki leyfð?”
Það er í raun það sem hefur verið gert þegar með ákvörðun Tmars að leyfa ekki ToB. Sú bók er ekki leyfð og langstærsti hluti fólksins hér hefur samþykkt að berjast undir þeim skilyrðum.

Svarið við fyrstu spurningunni er ekki þvert nei án ástæða, það er nei vegna þess að bækurnar kosta of mikið og það er of mikils að ætla af öllum spilurum hér að kynna sér reglurnar það einungis vegna þess að 2 - 3 manns hérna vilja fá að nota þessa bók/bækur í arena leikjunum. Það eru eftir allt saman ótal arena útum allt á netinu sem leyfa þessar bækur, þannig að það er í raun alger óþarfi fyrir fólk að rífast hérna útaf þessu.

Vona að þetta hafi svarað einhverju fyrir þig.