Hvorki kvíði né þunglyndi teljast til eiginlegra geðsjúkdóma, en hinsvegar eru til meðferðaraðilar sem nota aðferðir ekki með öllu ósvipaðar hlutverkaleikjum til að meðhöndla þessar geðraskanir.

Rannsóknir (í vísindalegri merkingu) á þessu fyrirbæri myndu fela í sér að þú hefðir undir höndum hóp af sjúklingum og meðhöndlaðir hluta þeirra með spunaspilum. Þú ert ekki að stunda rannsóknir, heldur að afla þér heimilda.

Annars held ég persónulega að spunspil geti haft góð áhrif á nefndar geðraskanir, fyrst og fremst vegna þess að þau fela í sér samskipti við annað fólk, skemmtilegt athæfi og aukna hæfileika til að setja sig í spor annarra.
Flótti í spunaspil gæti talist óæskilegur þáttur, en hann er mun ólíklegri til að verða vandamál en t.d. flótti í tölvuleiki eða vímuefni.