cosmo fyrir 23 árum, 8 mánuðum Fjöldi lestra: 161

Drekatár (RPG)

Hai, þið spunaspilarar, reynið nú að koma með einhvern góðan spuna inní þetta!

Korso er persónan mín…

Korso labbaði inn á kránna og settist niður við autt borð. Það var mannfjöldi inná kránni. Hann tók bakpokann af bakinu, og dró ílla farna bók upp…

Frá dagbók Diradet. Dagsetning er ekki til staðar, og bókin er hálf brunnin, með aðeins örfáum línum úr fyrstu 2 blaðsíðunum og síðustu til að rýna í.

—-
…og sagði að hann væri farinn! Faðir minn sagði ekkert, horfði aðeins eftir á eftir honum og fór síðan út í skemmu. Hvernig gat þetta…
—-
…auk þess sem ég hef ekki fundið Unikor, né Chethir. Hún hefur…
—-
Hef ekki fundið Unikor, né Chethir. Von mín um að þau séu heil á húfi minkar dag hvern. Ég hefði aldrei átt að leiða þau útí þessa vonlausu leit að persónu, sem er svo ílla farinn, á líkama og sál. Ég veit, innst inni, að það var ekki “hann” sem drap fólkið, ég veit að það hefur eitthvað gerst þegar faðir bölvaði honum fyrir…. [ólesanlegt]…hann gerði þetta ekki viljandi, hún dó ekki vegna hans!
—-
Fann Chethis! Hún hafði[ólesanlegt]….og auk þess að finna hann, þá hafði hún heyrt sögur af undarlegum mannshvörfum í hólunum fyrir ofan Umar Hills, sem er undarlegt vegna hluta sem áður hafa gerst þar. Þar fyrir ofan er Sólarhof, að mig minnir, staður sem sagt er frá í mörgum sögum og ljóðum. Djöfull tók einusinni undir sig þetta musteri, en einhver að nafn… [ólesanlegt]… sig til, og hreinsaði út…… Chethis líður vel, en hefur misst eina kló….
—-
*Afgangurinn af bókinni er ónýtur, alveg ónothæft drasl*
Hann starði í stutta stund á ílla farna bókina og lét hana svo á góðan stað í bakpokanum sínum.
“Halló! Meiri mjöð hingað,” hrópaði hann, og hagræddi sér í frekar lélegum tréstólnum. Hvar voru allir? Hann þekkti engann úr hópnum, en vonaðist til að félagar hans myndu láta sjá sig, þeir myndu vilja sjá það sem hann hafði undir höndum… [Ç]
With the aid of sophisticated computer technology
and a bottle of Coke….

cosmo fyrir 23 árum, 8 mánuðum

Eftir drykklanga stund, þá stóð hann upp, setti nokkra koparpeninga á borðið og gekk út. Félagar hans höfðu ekki látið sjá sig; merkilegur hlutur þar sem hann hafði verið á kránni í um 3 tíma, og, venjulega voru allir þar að reyna að drekka sem mest…til þess eins að drepast víndauða síðar um nóttina.

Úti fyrir var tunglskins björt nótt, og svöl gola. Hann gekk niður strætið og forðaðist að lenda í slagsmálum við ýmsa róna og annað fólk sem hafði fengið sér kaske einum of mikið neðan í því. Þegar heim var komið, þá byrjaði hann að taka saman það nauðsynlegasta sem hann myndi líklegast þurfa að halda á; þurkaður matur, vatn, bogi og 20 örvar, sverð…
Hann tók sverðið upp og sá bjagaða spegilmynd sína á fagurlega útskornu blaðinu. Blaðið sjálft var dökklitað en það virtist geisla frá því birtu.

Hann mundi eftir því, þegar faðir hans hafði gefið honum blaðið…

ah…

Fyrir drekana…áður en veröldin virtist vera gerð úr eldi og sýru…

Hvar í fjandanum voru allir félagar hans?

 [Ç]
With the aid of sophisticated computer technology
and a bottle of Coke….

Fyrra álit

cosmo fyrir 23 árum, 8 mánuðum

Eftir að hafa troðið öllu niður í töskuna, sett sverðið í slíður og fengið séð nokkuð góðan nætursvefn, þá gekk hann af stað útúr bænum. Hann hafði ekki efni á hest, né vissi hann af nokkrum sem voru á leið suður til Umar Hills. Dagurinn var heitur, og molla í lofti. Hann sló eina og eina flugu frá sér, sem hafði gerst of uppáþrengjandi, annars, þá var þetta yndislegur dagur. Stígurinn í gegnum skógarþykknið, var vel notaður og breiður. Hugur hans leitaði aftur til kvöldsins þegar hann hafði komist yfir dagbókina… Hversvegna dó gamli maðurinn á svona ömurlegan hátt? Var það fyrir þessar örfáu línur sem voru lesanlegar? Andlit mannsins, það var farið hálft af…
Hann gat ekki bægt myndinni frá sér, hún ásótti hann í draumum, og hélt fyrir honum vöku, hafði gert það síðastliðinn mánuð… Hann sá eftir því að hafa ekki látið vini sína vita af þessu, ekki farið og leitað til þeirra, brotið þögnina… Þegar hann hugsaði útí það; hafði einhver séð hann finna dagbókin? Hann fann kaldann hroll hríslast um líkama sinn… Var hann kanski bara að verða brjálaður, ofsóknaróður?
Nóttin kom, og það rigndi. Hann hafði þegar fyrr um kvöldið sett upp lítið skýli, í laut fyrir neðan hálf hrunda brú, sem á rann í gegnum; þetta hlaut að hafa gerst í vatnavöxtunum um vorið. Enginn fór þessa leið nú orðið…
Svefnin lagðist yfir hann… Hann hafði þegar gert nauðsynlegar varúðar ráðstafanir ef einhver myndi reyna að taka líf hans í svefni.

 [Ç]
With the aid of sophisticated computer technology
and a bottle of Coke….

Fyrra álit

cosmo fyrir 23 árum, 8 mánuðum

Hann hafði vaknað oft um nóttina, við eitthvað sem var ekki þarna. Martraðir ásóttu hann, sagnir sem honum hafði verið talið trú um að væru skáldskapur…þetta var satt. eitthvað af því, að minnstakosti… Það sem hann vissi núna var eftirfarandi:
Dirated hafði farið í leit að bróður sínum, með hjálp vina sinna, Unikor og Chethis. Þau höfðu síðan skipt sér upp til að leita yfir eitthvað ákveðið landsvæði. Þau höfðu misst samband við hvort annað, Chethis hafði síðar fundið Unikor, og síðan hafði Diradet leitað þau uppi. Hvort þau höfðu síðan farið til Umar Hills… Það var stóra spurningin. Það var líka eitt sem olli honum miklu hugarangri; Hversvegna höfðu svona margir dáið fyrir, að því virtist ekki neitt. Hvað hafði gerst milli föður og bróður Diradets, sem var svo hræðilegt, að sonurinn var bannfærður? Talað hafði verið um morð í gömlum sögum um það sem gerðist, það voru komin sterk rök fyrri því, vegna skrifa Diradets í dagbókinni. Sagnir um uppvakningu djöfla og annað slíkt var, frekar fjarlægur möguleiki, en möguleiki samt sem áður.

Hann bægði þessum hugsunum og hélt áfram að sofa. [Ç]
With the aid of sophisticated computer technology
and a bottle of Coke….

Fyrra álit

[Notanda eytt] fyrir 23 árum, 8 mánuðum

Þú ættir að skrifa smásögu sem gerist í Forgotten Realms og skella henni hingað, því þetta er greinilega skrifað af fagmanni :) Kv.
Willie

<hr width=“100%”>

“Ég mun ekki fylgja lögum þyngdarlögmálsins þar til ég hef fengið alla þá virðingu sem ég á skilið”
- Helmur the Almighty

Fyrra álit

Aragorn fyrir 23 árum, 7 mánuðum

Þetta er frábær saga, vel skrifuð. geturðu ekki sent meira inn???

Fyrra álit

cosmo fyrir 23 árum, 8 mánuðum

Næsti morgunn var fagur og hlýr, ferskur ylmur í loftinu en þó var hrollur í honum eftir nóttina, og auk þess var hann lítt sofinn. Áin seitlaði niður farveg sinn, og hann fann til þorsta. Hann hafði sofið undir stórri eyk, og greinar hennar löfðu yfir vatnið. Hann gekk uppá veg og hélt ferð sinni áfram. Svitinn lak niður í augu hans, og þetta var hætt að vera spennandi fyrir löngu; tré eftir tré, og síðan fleiri tré. Það heirðist í fuglum, og dýrum sem voru ósýnileg fyrir runnum og gróðri skógarinns. Hann stoppaði til að fá sér vatn úr pelanum sínum, tók stóran sopa, en fraus. Vatnið sullaðist niður kinnar hans. Hljóð heyrðist úr norðri, grjót marðist gegn málmi; Vagnhljóð. Hann brosti með sjálfum sér, hann gæti kanski fengið far, og það sem betra var… Einhvern til að tala við. Hann hallaði sér við tré og beið átekta. [Ç]
With the aid of sophisticated computer technology
and a bottle of Coke….

Fyrra álit

Spunaspil

Spunaspil

Ofurhugar

Stjórnendur

Hverjir eru inni

Korkar - Almennt um spunaspil

Drekatár (RPG)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi