nokkuð gott

teningar “óþarfir”.. jájá, það væri svo sem sniðugt að hafa bara plastpeninga sem fylgja með þessu þar sem önnur hliðin er rauð og hin blá eða eitthvað… en skiptir í rauninni ekki máli. Fólk hefur gaman af því að kasta teningum og það er mjög fljótlegt að taka frá (ef þú notar til dæmis sex hliða teninga) alla sem eru með 4 eða hærra og mjög fljótlegt að telja hversu margir þeir eru.

Hraði er ákveðið lykilatriði í þessu… í d20…þó það sé bara einn teningur þá getur tekið heillangan tíma að komast að “lokatölunni” (ekki eins og það þurfi að gefa dæmi.. allir sem hafa prófað þetta vita það). Gurps er frekar fljótlegt kerfi teningalega séð… ekkert of mörgum teningum kastað eða neitt þvíumlíkt meira að segja… en ég hef ýmislegt annað út á gurps að setja.

Það eru nokkur atriði hérna sem þarf að athuga
- tími, sá tími sem fer í það að kasta teningum og fá niðurstöðu.
- hversu skiljanlegt og aðlaganlegt kerfið er fyrir spuna
- hversu “rökrétt” kerfið er… tölfræðilega.

Þegar búið er að vinna út hvernig kerfið sem slíkt virkar þá er “auðveldlega” hægt að púsla inn hæfileikakerfinu. Það sem maður þarf að athuga þar er hvað “tókst” (og hversu margt) og hvað það þýðir.

Tökum sem dæmi langstökk og hástökk.
Heimsmeistarinn í langstökki er væntanlega með jafn (svipað) háa tölu í þeim hæfileika sem gerir þá að heimsmeisturum (tölfræðilega hæstu tölurnar sem þú ættir að geta náð)

Vandamálið í spunaspili er þá væntanlega að það er almennt, það skilgreinir stökk sem einn hæfileika. Stökk er samt samkvæmt skilgreiningunni tvíþætt; annars vegar hátt og hins vegar langt - og auðvitað er hástökkvarinn að sérhæfa sig í því að stökkva hátt en langstökkvarinn langt.

Almennt hástökk er kannski ekki alveg eins og hástökk nú til dags - það kemur væntanlega sjaldan sem aldrei fyrir að leikmaður þurfi að stökkva eins og heimsmeistarinn í hástökki því það væri í flestum tilfellum ópraktískt.

Inn í þetta spilar svo auðvitað fantasían… að stökkva hæð sína í loft í fullum herklæðum. Það er erfitt og þreytt verk að reikna út hitt og þetta eins og hversu mikið af drasli er ég með á mér núna og hversu mikil áhrif hefur það á stökkið mitt…

Spunaspilið er almennara en sérhæfing heimsmeistaranna í langstökki og hástökki… en möguleikinn á að halda íþróttamót eða hvað annað þarf auðvitað að vera fyrir hendi. Ég vil vera betri með þetta sverð en öll önnur… því ég hef æft mig sérstaklega mikið með því og þegar ég held á því þá er eins og það sé framlenging af hendinni minni.

Sérhæfing er og á að vera hluti af þeim hæfileikum sem leikmaður getur lært, einnig í spunaspilskerfi.

Hæfileikakerfið er því þríþætt.
1. Eiginleikar (attributes) - sem segja til um hversu góð persóna þín er yfirleitt í öllum þeim hæfileikum sem falla undir hvern eiginleika fyrir sig.
2. Almennir hæfileikar (general skills) - stökk (jump) er til dæmis almennur hæfileiki… og til dæmis eitthvað eins og Návígi (melee).
3. Sérhæfðir hæfileikar (specialized skills) - þar koma hæfileikar eins og langstökk eða hæfileiki með stórum öxum.

Munurinn á almennum og sérhæfðum hæfileikum er sá að það er auðveldara að æfa sig í einhverju sérhæfðu… Kerfislega séð er reiknað með því að það taki helmingi minni “tíma” taki að æfa sérhæfða hæfileika. Það er.. fyrir hvert kast sem gefur æfingapunkta þá færð þú tvo og fyrir hvern fullan æfingadag þá færðu einnig tvo punkta.

Það að viðhalda hæfileikum er auðveldara en að verða “betri” í þeim. Áætlað er að einungis þurfi að eyða einum af æfingatímunum á hæfileika til þess að “halda honum við”… með því missir þú ekki æfingapunkta úr hæfileikanum.

Það að “detta úr æfingu” þýðir að þú ert ekki að halda hæfileika við með því að eyða æfingatíma í hann á hverjum degi. Hversu hratt og mikið persóna missir æfingapunkta er ekki ákveðið… og þarf í rauninni ekki að ákveða fyrr en kerfið færi í prufu… væntanlega ákveðið margir punktar á viku. Held að einn sé of lítið.. tveir gæti dugað… en þrír er væntanlega of mikið.

hmm.. nóg í bili - og til þeirra sem NENNTU ekki að lesa þetta, sleppið bara að svara.

Takk