Ég skil ekki alveg þessa röksemd.

Angel hefur sál sem að segir honum að það sé rangt að drepa og meiða fólk - hann gæti drepið en kýs að gera það ekki. Spike hefur kubb sem meiðir hann ef hann reynir að gera mönnum mein þannig að hann gefst upp út af sársauka. Hann getur ekki drepið sama hvað hann reynir. Angel vill ekki missa sál sína - Spike vill losna við kubbinn.

Þegar Angel missti sál sín varð hann aftur Angelus - hann hikaði ekki heldur drap um leið. Hann varð and-Angel. Þ.e. Angel með sál er ekki sami maðurinn (eða vamíran) og Angel án sálar.
Spike hefur hins vegar ekki losnað ennþá við kubbinn þannig að erfitt er að vita hvað hann mundi gera. Hann hafði hins vegar ekki mikið samviskubit yfir stúlkunni sem Drusilla drap fyrir hann í “Crush” og hann gerði heiðarlega tilraun til að bíta konu í “Smashed” - þótt hann væri komin svolítið úr æfingu.

Staðreyndin er sú að með eða án kubbs er Spike nokkuð sjálfum sér samkvæmur. Hann er ekki jafn sadistískur og óvæginn morðingi og Angel. Það er ekki hans eðli. Hann kærir sig lítið um hefnd eða heimsendi. Hann er samt vampíra og vampírur drepa og drekka úr mönnum. Hann hefur aldrei sýnt að hann hafi nokkuð samviskubit yfir öllum þeim sem hann drap - ólíkt Angel sem kvelst ennþá yfir gjörðum sínum.

Buffy lýsti honum nokkuð vel í “Crush” (í sama þætti og Dawn lagði að jöfnu sál og kubb - “same diff”) - hún sagði að hann væri eins og fjöldamorðingi í fangelsi. Hendur hans eru bundnar en viljinn er ennþá til staðar.

Nú er það staðreynd að Spike gæti drepið Buffy ef hann kærði sig um og augljóst er að hann kærir sig ekki um það. Mér dettur allt í einu í hug hvort að það muni hafa eitthvað að segja í seinni þáttum - þ.e. hvort að höfundarnir hafi verið að haga því þannig að Spike gæti meitt Buffy - án þess að missa kubbinn - og því ógnað henni á einhvern hátt.

Nú er fólk alltaf að bera saman Spike og Önyu og kvarta yfir því að henni sé fyrirgefið en honum ekki. Það er rétt hjá þér að það á miklu frekar að líkja stöðu hennar við stöðu Angels heldur en Spike - því Spike hefur jú enga sál. Ég held hins vegar að grundvallar munurinn á Önyu og Angel sé sá að hann var misskunarlaus morðingju sem drap allt sem fyrir honum varð, menn, konur, börn - ánægjunnar vegna en Anya hins vegar hafði starfi að gegna. Hún var verndari svikinnar kvenna - hún bauð upp á (a.m.k. í eigin huga) nauðsynlega þjónustu. Að hefna fyrir svik. Aumingja mennirnir sem urðu fyrir barðinu á henni (eða öllu heldur kærustum sínum því Anya uppfyllti eingöngu óskir) áttu sennilega ekki alla þessa hræðilegu hluti skilda en lögmálin eru kannski soldið önnur í dímonaheiminum og hefndardímonar nauðsynlegur partur af tilverunni (eða öllu heldur “justice demon - FIY”.)
Það sem Anya þurfti að læra var að hefnd borgaði sig ekki og að allir karlmenn væri ekki illir. Ég held hún hafi lært það.