Við lokastig athafnarinnar, þegar þáttakendur flæða út í alheimssjálfið opnast uppspretta óendanlegra möguleika.

Á dagskrá eftir umskiptin er ferðalag að endimörkum veruleikans og djúpgeims orkuheilun, en síðan verður þáttakendum gefinn laus taumur fram að heimkalli.

Stjörnurnar segja mér að umskiptin verði möguleg í morgunskugga venusar undir nýju tungli, og ef allt stenst áætlun verða veitingarnar bornar fram við lok skipulagðrar dagskrár kl. 16:30, á heimili mínu að Sólvallagötu 93.

Dr. Sri Rhampanatra Dalzim Aldranabad, meistari minn til margra ára, hefur gert framúrskarandi rannsóknir á hæfileikum huga og líkama til að vinna orku beint úr sólarljósi. Með daglegri hugleiðslu, nægilegu sólarljósi og frekari styrkingu hugar og líkama muntu taka eftir meiri orku í líkama þínum. Það er fyrsta skrefið á hinum þrönga vegi til sannrar sáttar, algjörri uppljómun og innilegri tengingu við alheimssjálfið. Aðeins þeir sem hafa með ástundun og reglusemi fetað veginn til fullkomnunar eygja möguleika þess að geta teygt sig á móti rísandi morgunsólinni, blómstrað við innilegu brosi hennar og leyst upp í ljós.

Dr. Sri Rhampanatra hefur aðsetur í fornu sólhofi í frumskógum Myanmar, þrettán dagleiðir í hásuður frá Yahungim. Ég mæli með að þú leitir eftir visku hans varðandi þau líkamlegu vandamál sem þú nefndir í svari þínu til mín.

Spurningin er sva

Við blómstrum öll á lífsleiðinni, í fyrstu við fæðingu en misoft eftir það. Sú blómstrun sem ég býð upp á er hinsvegar lokastig andlegrar og líkamlegrar uppljómunnar, nokkuð sem nánast enginn er fær um við kynþroska.

Glæsilegt, það er örsjaldan sem óreyndum býðst tækifæri á að uppgötva dýpstu leyndardóma alheimsins, og ég get lofað þér því að þú verður ekki fyrir vonbrigðum.

Excellent….