Heilt ár, heilt ár. Omgz. Í september á seinasta ári kom sorparinn meaniac með magnaða uppástungu. Þessa uppástungu tilkynnti hann þá Mizzeeh, sem var aðalstjórnandi sorpsins í þá daga. Afraksturinn var Þessi tilkynning.

Sorparar 8.bekk og eldri hittast
Samkoma

Meaniac og Mizzeeh eru búinir að koma á framfæri tillögu til ykkar sorpara.
Að halda samkomu sorpara, ATH! aðeins fyrir 8bekk og eldri, þið sem eruð yngri, endilega plana svona samkomu líka. Þá yrði eldri bannaður aðgangur, þetta er gert til að aldursmunur verði ekki of mikill á elstu og yngstu, við viljum helst engan skilja eftir útundan en þegar aldursmunurinn er þetta mikill á elstu og yngstu verður helst að skipta þessu í tvennt.

Planið er að hittast laugardaginn 1. Október klukkan 7.
Farið verður á American style [skipholti 70], snætt og spjallað. Að því loknu gætum við rölt og flippað aðeins =D.

Þið sem getið mætt sendið meaniac PM

Snilldar hugmynd ehh?

Þessi atburður heppnaðist. Frábærlega að auki! Ágætur fjöldi mætti, hafði gaman. Eða, held það, var ekki á staðnum þarna, feimnivandamál.

Síðan hafa svona samkomur/samkundur verið haldnar reglulega, einu sinni til tvisvar í mánuði, og oftast heppnast ágætlega, stundum vel, stundum illa.


Eins árs afmæli Þessa stórmerka viðburðar nálgast, að hugsa sér hvað tíminn líður hratt! Og í tilefni af því, er efnt til hinnar ultimate samkomu ever, afmælsisamkundunnar miklu!



Planið er að hafa hana sunnudaginn 1. október næstkomandi. En, svo fór ég að spá, sunnudagur, skóli daginn eftir, er það sniðugt? Svo, ég fór að spá og spekúlera, hvernig væri að halda upp á þetta á laugardeginum 30. september næstkomandi? Eru allir til í það, ehh? Eða myndi það rústa stemningunni?…

Tímasetning, væri ekki gaman að hafa hana að kveldi til? Klukkan 18:00, því ég kemst varla fyrr, vinna til 5, og mig langar allsvakalega til að vera þarna… Nema, þið fáið ekki leyfi til að fara um kvöldið, þá þyrfti ég bara að missa af fyrri partinum…

Hvar? Kringlan er frekar þreytt, ekki opin á kvöldin. American Style þar sem þetta var fyrst haldið eróaðgengilegur, ég veit ekki einu sinni hvar þetta er, Reykvíkingurinn sjálfur!
Hlemmur, nei myndi ég segja, ég er hræddur við Hlemm, hann er krípí og ógeðslegur staður. Svo er það auðvitað Smáralindin, en er það góð hugmynd?
Esso Nesti, ég kýs það, mjög fínn staður, góður matur á fínu verði, strætó í allar áttir, og stutt fyrir marga að fara =}

Hvaða annan stað myndir þú vilja?


Hmm, eitthvað meira? Já, auðvitað, ég býst við að þessi samkunda verði sú seinasta, nema eitthvað mikið gerist til að hindra það. Svo, takið daginn frá, mætið hress og sprær, hittumst öll saman í síðasta sinn =}

Ég hvet alla, sem hafa einhvern tímann mætt á samkundu, þó það væri ekki nema eina, að mæta núna, nánast skylda! Og þið hin, þetta er hið fullkomna tækifæri

Svo, áhugi fyrir að mæta, ef já, hvar og hvenær?


(Vona að einhver hafi nennt a lesa þessa langloku, en svona er ég, þegar ég kemst í textabox að skrifa þráð / grein / lýsingu á mynd / blogg, er ég óstöðvandi…)