(ath. ekki lesa þennan kork nema þið nennið því, ekki koma með eitthvað “omg en leiðinlegt get a blog” skítakomment, skilið?)

Ég lifði af! Nú eruð þið að spyrja sjálf ykkur “hvað lifði hann af, ég er spennt/ur!!!!!”. Á ég að segja það? Ég lifði af þessa hrikalegu skálaferð sem ég fór í, og m.a.s. datt ég ekki neitt niður fjall, alveg satt! Ég er svo stoltur ^^

Ég hata að klifra upp fjöll, sérstaklega þegar þau eru næstum lóðrétt. Hnén mín eru ógeðsleg eftir allt þetta skrið upp og niður fjöll, urg. Mér finnst að það ætti að banna fjallgöngur í skólaferðum með lögum, einbeita sér frekar að því máli en styttingu menntaskólanna. Ég er stoltur því að ég datt ekki neitt á hausinn minn, ég er snilli! Finnst ykkur ekki?

Hellar eru fjör. Ég fór í nokkra þannig, og sá flottasta helli á landinu! Hann heitir Djúpihellir, er nokkuð djúpur, á tveimur hæðum, með tveimur þakgluggum, skemmtilegri rennibraut, stórkostlegum risastórum alrýmum, draumur. Mér finnst að þessi hellir eigi ekki að víkja þegar það kemur byggð þangað, það ætti að gera neðanjarðarhús úr honum. Og bræða burtu sleipa snjóinn sem er inni í honum, það er vibbi. Samt leyfa grýlukertunum að halda sér, þau eru algert yndi! Það var tekin mynd af þeim, magnificent.
Það var líka annar hellir, sem ég veit ekki hvað heitir, sem var ógeð! Þröngur, dimmur, engir gluggar, engin flott grýlukerti, og mjög mjög scary. Samt öskraði ég ekki þarna inni þegar Viggó hræddi mig, alls ekki, ég urraði víkingalega, alveg satt! Meina, ég er ekkert myrkfælinn *flaut*
Það var alveg þess virði að sleppa skíðaiðkun fyrir þetta, yndisleg lífsreynsla (^_^)
Allir ættu að kíkja í Djúpahelli.. ÉG VEIT!!! Tökum rútu í Bláfjöll á samkundu og förum í hellaskoðun ^^ Eruði game?

Rufiel, þú áttir lag ferðarinnar, Lucifer elskaði að spila “Loftræstingin er biluð” alla ferðina! Ég ætti að heimta auglýsingagjöld frá þér, ég kynnti mjög marga fyrir þessu lagi, og laginu “Martraðir”. Þeim fannst þetta vera rugluð lög, og martraðir vera sick. Þeir halda að þú búir á Kleppi ^^
Rufiel, vinir mínir vilja að þú breytir nafninu úr Rufiel í Rúgbrauð, svo að þeir geti hlustað á þig meðan þeir borða fisk, því rúgbrauð og fiskur passa svo vel saman. Ég er sáttur við nafnið Rufiel, þeir báðu mig bara um að skila þessu ;D

Núna bíð ég bara eftir því að pabbi komi heim og segi að ég sé að fara til London á mánudaginn, það væri magnað. Það gerðist einmitt þegar ég fór í útilegu í sumar, þegar ég kom heim fékk ég þessi æðislegu tíðindi. Ég krossa allaveganna fingur…

Ég lifði af, mögnuð tilfinning, að hafa ekki gleymst í hell… ÚPS!!! Æi, damn, við gleymdum held ég einum í Djúpahelli, teipaðan við stigann =/ Ojæja, hann kemur sér einhvernveginn burt, vonandi…

-Alti