Skóli, það er stuff-ið þarsem þú ferð í stuff til að læra stuff.

Oft gengur maður skemmtilega heilbrigður innfyrir og illa brenglaður á heila út.

Og nú, fyrst að þemað fyrir þessa greinakeppni er skóli nenni ég engan veginn að skrifa grein um skóla. Mun þess grein mín því ekki lengur fjalla um skóla og er því ekki gild í greinasamkeppnina.

Hinsvegar er afskaplega falleg svalaferna hérna sem gaman væri að lýsa. Hvaðan kom hún? Hversu mikið meiddi hún sig þegar ég kreisti síðustu dropana úr henni? Og hvað er Benni Hemm Hemm að gera í rósóttum búning útí horni?

Nýlega heyrði ég að rökrétt útskýring væri á öllum mögulegum hlutum. Nú, það er einsog allir vita bullshit en engu að síður er gaman að rembast við að færa rök fyrir öllu sem á daga manns drífur.

Rök fyrir því að Benni Hemm Hemm sé í rósóttum búning útí horni geta því verið fjölbreytt. Mögulegt er að hann hafi misst vitið og viti varla lengur hvað er hægri og hvað er greiða. Einnig er mögulegt að hann sé einstakur pervert í eðli sínu og vilji stunda villt, sveitt kynmök með mér, með eða án samþykkis míns. Einnig gæti ég hafa rænt honum og bundið hann í þessari fáránlegu stellingu útí horni. Langlíklegast er þó að ég sé að sjá ofsjónir.

Rökfræði er örugglega eitt skemmtilegasta tæki samtímans, rök þarf að færa fyrir öllu og getur maður vart skroppið í sturtu án þess að þurfa að halda þriggja mínútna ræðu fyrir alla í sama húsi og maður sjálfur áður en maður stígur í sturtuna, og ef maður er einn er alltaf klassíkst að færa rökin fram við bangsann sinn.

Sem minnir mig á, Danmörk.

Já, Danmörk. Gott væri, fyrst maður er á annað borð að fjalla um rökfræði, að reyna að færa rök fyrir tilvist Danmerkur.

Íslendingar, mestmegnis ungt fólk í uppreisnarhug, sjá alls engan tilgang í að læra dönsku og geta kennararnir sjaldan komið með betri rök en “bla bla bla”. Heillar mig þó að reyna að hugsa útfyrir rammann, pæla “hvað er handan bla-sins”, “hvað leynist meira í Danmörku en bla bla” og “hmm…bla bla bla bla”.

Tjah, í fyrsta lagi virðist sem Danir séu einskonar þjóð. Þýðir það að þeir halda saman í hópum og eru frekar styggir ef utanaðkomandi aðilar ráfa til þeirra, t.a.m. Norðmenn eða hestar. Í öðru lagi virðast þeir eiga tungumál (dönsku, sumir tala um það sem tungumál djöfulsins) sameiginlegt, og í þriðja lagi er Kim Larsen frá Danmörku.

Í fjórða lagi er ekki hægt að færa almennileg rök fyrir dönsku án þess að notast við álíka leiðinleg tól og sannleika. Mun ég því hætta undireins að fjalla um dönsku.

Annað vinsælt umfjöllunarefni eru snuddur. Hvaðan komu þær? Til hvers eru þær? Hver getur lánað mér 500kall?

Mig langar í snuð.