Eflaust hafið þið Hugarar velt því fyrir ykkur hvernig ég, Lazytown, fer að því að vera svona óendanlega kúl. Þið getið núna hætt að örvænta, því ég ætla að kenna ykkur hérna hvað þið gerið til þess að vera jafn kúl og ég (það er reyndar ekki hægt, en þið getið reynt að komast í hálfkvisti við mig). Hérna er svo step-by-step listi yfir það sem þið getið gert, en ég vil benda á að þessu er aðallega beint að FM hnökkum, metalhausum og gothurum.


FM hnakkar, lesið þetta:

Byrjið á því að minnka hárgelið og ljósatímana. Ég er ekki að segja að þið eigið að sleppa þessu, allt er gott í hófi. Þið getið til dæmis minnkað dagskammtinn ykkar úr heilli geldollu yfir í eina sleikju á fingurna (þeir sem eru með ofur-óstýrilátt hár mega fá tvær). Farið svo í ljós aðeins einu sinni í viku. Já, ég sagði einu sinni. Ég veit að það verður hræðilegt að venjast því, en þið verðið bara að láta ykkur hafa það ef þið viljið vera kúl eins og ég. Ég vil samt taka fram að rauðhærðir mega fara tvisvar í viku, og þá án olíu eða brúnkueflandi krema.
Svo er það tónlistin, hún er allt. Fyrir FM hnakka sem vilja vera kúl mæli ég með að þeir hlusti á:

Karen Carpenter
Dusty Springfield (algjört must)
Tom Jones
Blondie
Queen
Roy Orbison

Þegar tónlistarsmekkurinn verður kominn í lag, ásamt öllu hinu, má fara að lagfæra húmorinn. FM hnakkar hafa nefnilega mjög einfaldan og barnalegan húmor. Prufið eitthvað þroskað - verið kaldhæðin. Ef þið kunnið ekki á kaldhæðni getið þið eflaust fundið handbók um kaldhæðni á næsta bókasafni.
Gangi ykkur vel.


Metalhausar, lesið þetta:

Þið hafið möööööörg vandamál sem ég ætla að reyna að hjálpa ykkur að leysa. Fyrst er það hárið og hreinlætið. Það er eins og flestir, ef ekki allir, metalhausar viti ekki að vatn og sápa þrífur mann og að skæri klippi hár. Byrjið á því að bóka ykkur tíma í klippingu. Hún kostar aðeins um 3500 krónur (hún kostar kannski 4500-7500 á dýrari stofum, en þið sleppið því bara að fara þangað ef fjárráð ykkar leyfa það ekki). Þegar þið eruð búin að hringja og bóka farið þið í sturtu. Mikið af sápu, sjampói og hárnæringu (bara í endana, annars verður það jafn skítugt og áður). Berið svo á ykkur gott krem þegar þið hafið þurrkað ykkur. Svo farið þið í klippinguna og uppgvötið það að ég er ekki að ljúga, skæri klippa hár í alvörunni!
Að því loknu skuluð þið byrja að hlusta á nýja tónlist. Ég mæli með:

The Beatles
Pink Floyd
Johnny Cash
Tom Jones (hann er fyrir alla)
Dusty Springfield (Ef ykkur finnst hún of…fyrir ykkur, getið þið hlustað á The Springfields í staðinn)
Elvis Presley
Led Zeppelin
Jimi Hendrix
Janis Joplin
Deep Purple

Þá er það komið. Svona ættuð þið að verða kúl eins og ég.

Gotharar, lesið þetta:

Já, þið hafið eflaust fleiri vandamál heldur en FM hnakkarnir og metalhausarnir til samans. Byrjið á því að fara í ljós. Þegar þið komið úr fyrsta ljósatímanum skuluð þið finna svartan ruslapoka og hendið öllu, já ég sagði öllu, út úr fataskápnum ykkar. Farið svo í venjulegar fatabúðir og kaupið venjuleg föt. Ekkert svart. Litrík eða hvít föt. Stelpur eiga svo að fara í snyrtivöruverslanir og kaupa meik sem passar við nýju sólbrúnu húðina þeirra og brúnan eða svartan maskara (ég vil taka það fram að bara þær sem geta borið svartan maskara án þess að verða eins og þvottabirnir eiga að kaupa hann). Krúttlegir augnskuggar eru líka viðeigandi.

Svo er það tónlistin. Já, talandi um þunglyndi…Ég fer í tónlistina á eftir. Eftir að þið eruð búin að fríska upp á útlitið farið þið til sálfræðings, en ofur-gothin fara á BUGL. Þegar þið eruð búin að vinna bug á þunglyndi ykkar og geðveiki getið þið einbeitt ykkur að öðru, eins og tónlist. Fyrir goth mæli ég með öllu sem ég taldi upp hér að ofan.
Svona ættu öll goth, hvort sem það eru pósrar eða alvöru goth, að verða hamingjusöm, happy looking og næstum því jafn kúl og ég.

Enjoy.