Já eitt sinn var lítill fugl!
Hann var góður…

Nei mér líkar hreint ekki við þetta, ég ætla að byrja uppá nýtt!

Einu sinni var stórkostlega fallegur ungur sem var svo oft kallaður því undur fagra nafni Atli. Hann var ljós yfirlitum, bláeygður og sterkbyggður…

Nei þetta er stolið…skammskamm þú!
Byrjum upp á nýtt!

Renglulegi, svarthærði drengurinn með grænu augun lá í grasinu. Sólin var svo heit að hann gat ekki hreyft sig. Hann strauk hártoppinn sem farinn var að síga niður fyrir augun í burtu og þá blasti við eldingarlaga ör!

Nei veistu mér finnst ég hafa heyrt þetta áður, mér líkar þetta ekki!
Og einu sinni enn!

Litla stúlkan með eldspýturnar

Nei æjji þetta er ekki skemmtilegt lengur…þetta er bara bjánalegt! On we go!

Sagan af litlum hamstri og einhverjir fagrir útúrdúrar sem tengjast sögunni ekkert!

Einu sinni var lítill hamstur. Hann hét ekki neitt og gerði aldrei neitt. En hann var glaður.
Útúrdúr byrjar - Það var eplatré í garðinum mínum, einu sinni. En svo hvarf það bara. Ég hefði ekki átt að nota tómatsteina. Ég vissi það allan tíma, en mig langaði bara svo mikið til þess að prófa þetta. Ég meina, hvað er betra en tómatepli! Já sem minnir mig á eitt, í dag borðaði ég konfekttómata. Þeir líta einmitt út eins og epli! En svo komst ég að því að þeir litu ekki út eins og epli að innan. Þá varð ég fyrir miklum vonbrigðum! Þetta var sorgleg stund í lífi mínu. – Útúrdúr um epli/tómata lýkur

Hamsturinn átti nefnilega vin. Lítinn yndislega vin. Sá vinur var blár. Já, hann var blár. Blár eins og himininn!
Útúrdúr byrjar – En himinninn er í rauninni ekki blár! Þetta er bara allt saman lygi! Þeir gera þetta daglega. Þið spyrjið, þeir hverjir? Ég svara: James Bond og félagar! En svo átta ég mig. Hann, eða ætti maður að segja hún, tengist þessu ekki neitt! Það eru gatararnir, nei ég meina heftararnir, ég rugla þessu alltaf saman!
Niðurstaða: Himinninn er ekki blár og mér líkar illa við banana – Útúrdúr um himin/samsæri lýkur

Vinurinn var ekki blár. Jú að vísu var hann blár, en ekki blár eins og himinninn, hann var ekki himinblár
Stuttur útúrdúr byrjar – Strokiðið orðið himinblár útúr orðabókinni ykkar – Stuttum útúrdúr lýkur

Vinurinn var blár eins og skósólinn á alveg GLÆNÝJUM skóm! Já og þeir áttu saman eitt lítið leyndarmál, eitt lítið, skrítið leyndarmál! Þetta litla, skrítna leyndarmál var…
Útúrdúr sem er bara gerður til að gera ykkur enn spenntari byrjar – Tilgangurinn með þessum útúrdúr er mjög óljós en ég er að vinna í þessu - Útúrdúr sem var bara gerður til að gera ykkur enn spenntari lýkur

…svo gott leyndarmál að það væri synd að kjafta frá því á netinu. Já, leyndarmálið var gott, já svo afar gott. Svo gott að heimurinn hrundi næstum. En þetta reddaðist allt! Gott mál, sagan búin og allir glaðir.

Ég er farin…trítltrítl


Laumulegur útúrdúr byrjar – Ég er ekki farin, sagan heldur áfram eftir smá stund, smá, smá stund, örlitla stund, það er ekki einu sinni tími til að fara á klósettið, ekki einu sinni til þess að fá sér vatn, ekki einu sinni til þess að standa upp og teygja úr sér, ekki einu sinni til þess að henda koddanum í óþolandi lítinn bróður sem hættir ekki að syngja “Við látum ekki traðka á okkur” úr teiknimyndinni Sniglar kunna víst að syngja og Rottan hundur, ekki einu sinni til að átta sig á því að þetta var einungis gert til að eyða tíma þínum sem annars hefði getað farið í að fara á klósettið, ná sér í vatn, standa upp og teygja úr sér og henda koddanum í óþolandi lítinn bróður sem hættir ekki að syngja “Við látum ekki traðka á okkur” úr teiknimyndinni Sniglar kunna víst að syngja og Rottan hundur. Tilgangi náð! – Laumulegum útúrdúr lýkur

Þessi blái vinur, hamsturinn sem hét ekki neitt og gerði ekki neitt og þeirra leyndarmál, við skulum ekki ræða meira um það. Köfum frekar dýpra í líf hamstursins sem hét ekki neitt og gerði ekki neitt. Hann var alveg hreint magnaður, hann var dávaldur, hann var kafari og bakari, sjónvarpsmaður og lyftu- og rúllustigauppsetningarmaður, hann var jafnvel betri en ÞÚ! En þrátt fyrir það þá átti hann ekki iPodið litla og krúttlega og því þjáðist hann á dularfullan máta. Svo dularfullan að hann vissi ekki einu sinni af því sjálfur. Já, dularfullur hreint út sagt, og kannski smá kusk með!
Útúrdúr byrjar – Hér með hef ég náð lágmarksorðafjölda fyrir sögukeppnina! Hversu frábært er ÞAÐ! Ekki mjög segi ég, mér hefur aldrei líkað neitt sérstaklega við orðið ÞAÐ. En svo aftur á móti er ég á móti ansi mörgu svo að orðið á móti er komið í mótsögn þó að ég viti ekki hvað mótsögn þýðir. Upphaflegur tilgangur þessa útúrdúrs gleymdur – Útúrdúr um eitthvað lýkur

Hamsturinn komst reyndar að því að lokum að hann þjáðist af Ipod skorti og keypti sér því einn voða djúsí bleikan iPod
MJÖG MIKILVÆGUR útúrdúr byrjar – Nei nú segi ég stoppppp, enga bleika ipoda í mínum sögum! Út með hann! – MJÖG MIKILVÆGUM útúrdúr lýkur

Hamsturinn hætti snarlega við að kaupa sér þennan bleika og keypti grænan í staðinn
Ekki svo mikilvægur útúrdúr byrjar – Það er yndislegt að geta stjórnað atburðarás, ég meina, aldrei hefði ég getað breytt svona hörkuspennandi atburðarás í raunveruleikanum – Ekki svo mikilvægum útúrdúr lýkur

Og nú var líf hamstursins sem hét ekki neitt og gerði ekki neitt fullkomnað! Loks, á þeim síðustu og verstu
Mjög stuttur útúrdúr byrjar – ég hef aldrei fattað þetta á þeim síðustu og verstu – Mjög stuttum útúrdúr lýkur mjög snögglega!
Nei þeir voru nú bara ansi góðir þó að ég segi sjálf frá, þá brosti Hamsturinn. Já og þetta er engin lygi. Hinn hreinasti sannleikur! Þó að ég ljúgi nú næstum hverju orði þá lofa ég því upp á tíu fingur að þetta er Hinn hreinasti sannleikur
Útúrdúr byrjar – Kannski var þetta bara bíómynd sem hét þetta svo að kannski var ég að ljúga. You’ll never know! – Útúrdúr lýkur

Já og þar sem við nálgumst nú 1000 orða markið og ég trúi jafnvel að við höfum svo sannarlega spýtt okkur yfir það þá hef ég ákveðið að slá botn í þetta.

Og þar sem hamstuinn sem hét ekki neitt og gerði ekki neitt sat með iPodið í eyrum og brosið á vörum þá, æjji ég vil helst ekki segja þetta en ég finn mig knúna til þess, hann dó!

Endir!

MIKILVÆGASTI ÚTÚRDÚR SEM ÞÚ MUNT NOKKURN TÍMANN LESA byrjar – NIÐUR MEÐ JÚMBÓ SAMLOKUR! - MIKILVÆGASTA ÚTÚRDÚR SEM ÞÚ MUNT NOKKURN TÍMANN LESA lýkur!

Alvöru Endir, ekkert jók!

Þetta litla innskot er bara sett hingað til að ná 1111 orðum, Já sko Bara komið!