Diskó Bobby.

—
Two men enter….

Bobby var ennþá í Bakertown, Bobby borgarstrákur kunni líka diskó.
Ég kunni ekki diskó, ég kunni bara að dansa eins og í myndinni
Footloose.

Bobby hló alltaf að mér, hann kunni diskó og gat gert eins og
Travolta í “Night Fever”. Hann var svo kúl miðað við mig.

Ég spurði hvar hann lærði svona flott diskó, þá sagði hann að
Tau-eindirnar kunnu rosa gott diskó. Bobby sagði að þær væru
frábærir diskódansarar þar til þær yrðu venjulegar Tau-eindir,
eins og við. Ég spurði hann, hvaða eindir þetta væru, hann sagði
að það væru bara léttar Tau-eindir sem kynnu gott diskó.

—
One man leave….

Vá, Bobby veit allt um Tau-eindir, ég spurði hvar ég gæti hitt
léttar eindir. Hann sagði að þær ættu heima í Rússlandi, þar væru
allir svo léttir, engin matur handa þeim til að verða venjulegar
eindir. Ég skildi ekki hvað Bobby var að gera í Rússlandi, hann
var að læra um Kjarnorkueðlisfræði sagði hann mér.
Bobby kjarnorkueðlisfræðingur, þá hélt ég að hann væri orðinn
skrýtinn, hann veit hverning maður á að búa stórar sprengjur.
Núna er ég hræddur við Diskó Bobby, hann kann líka diskó.

Ég spurði Bobby vildi kenna mér diskó, hann sagði að ég væri
ekki með nægan hrönunarhraða. Þá var ég fúll, en hann lét mig
vita að ég þyrfti bara að fara til Rússlands og hitta léttar
Tau-eindir. Þá gæti ég dansað diskó eins og hann, og dansað alla
nóttina.

–
Twenty men and Blaster enter….

Núna verð ég að kaupa flugmiða til Rússlands, hitta léttar Tau-eindir,
og dansa diskó. Allir sem kunna diskó eru flottir, og kunna líka
Kjarnorkueðlisfræði. Þá bannaði Bobby mér að fara, hann sagði að
allar léttu eindirnar væru búnar að hröna yfir í venjulegar.
Þá mun ég aldrei læra diskó, eða kjarnorkueðlisfræði.

Í staðinn fórum við að dansa á diskótekinu, þá voru margir að dansa
diskó, nema ég. Koma þung Tau-eind upp að mér og spurði hvort ég
vildi dansa Salsa, ég horfði á hann og sagði að þetta væri diskótek.
Eindin vissi það vel, en hún kynni bara að dansa Salsa, ekki diskó,
eins og ég.

Salsa er rosa gaman að dansa, ég byrjaði að dansa Salsa með þungu
eindunum. Bobby varð reiður, þegar hann sá mig dansa Salsa á
diskóteki. Hann bannaði mér að dansa Salsa, en þungu eindirnar héldu
áfram að dansa Salsa. Dansandi Salsa var gaman, og ég hélt áfram að
dansa meira Salsa, þá varð Bobby svo reiður að hann hætti að dansa
Diskó. Hann sagði mér að yrði aldrei kjarnorkueðlisfræðingur, vegna
þess að þeir meiga ekki dansa Salsa, þá myndi allt springa hjá þeim.

Ég trúði ekki þessu, ég gæti kannski aldrei orðið
kjarnorkueðlisfræðingur, þá þyrfti ég að finna léttar-Tau eindir.
Léttar Tau-eindir í rússlandi, en þungu eindirnar á diskótekinu
sögðu mér að allar léttu eindirnar væru búnar að hröna í þungar
eindir.

–
Only Blaster leave…

Núna verð ég aldrei rússneskur kjarnorkueðlisfræðingur með
diskótakt.