Svefn, hann er ógeðslegur, svefn er hlutur sem að er ekki
nauðsynlegur en er þröngvað upp á okkur frá fæðingu, eins og
trúarbrögð, og finnst mér báðir hlutirnir vera fáránlegir. Það er
alveg skiljanlegt að vilja sofa þegar að maður er lagður í einhverja
vöggu og maður hefur ekkert betra að gera en að horfa upp í loftið og á
einhverja rimla, sem að ég hef aldrei skilið, er gott að láta barninu
líða eins og einhverjum tukthúslima? Held að það sé ekki eðlilegt, vona
það allaveganna. Aftur að svefni, svefn er vanabindandi og hann getur drepið
mann, ef þú sefur of mikið þá geturðu orðið háð(ur) svefni og þaðan
getur þú dáið úr svefni, það er ekki tilviljun að dauðinn er kallaður Svefninn
Langi hugsið fólk, svefninn er óvinurinn, og enginn er með svefn phobiu
að því að svefn er “eðlilegur” svefn er ekki eðlilegur lengur,
dýr sofa að því að þau hafa ekkert betra að gera og þeim leiðist. Í
dag er hægt að eyða öllum sólarhringnum í að sinna löngunum, en mjög
fáir nýta sér tækifærið.

Svefn er heldur ekki nauðsynlegur, það hefur enginn dáið úr svefnleysi,
margir lifa ánægðir svefnlausum lífum, þeir eru öfundsverðir og eiga það
skilið fyrir að senda samfélagi fólks sem að nýtir ekki tíma sinn á jörðinni
heldur eyðir allt að 10 tímum á sólarhring í að gera EKKERT,
8760 klukkutímar á ári, og þeir nýta 5110 til 5840 klukkustundir! Þeir eru
að missa af í kringum 3000 klst á ári, þetta eru klukkustundir sem að við
hendum bara frá okkur! Ég hef sleppt því að sofa í viku og ég var ekkert
að drepast úr þreytu, mér leið bara alveg sæmilega og ekkert að mér,
það er frekar að mér líði illa efttir svefn enda alltaf langþreyttastur
eftir að hafa sofið.
Málið er bara að hafa eitthvað fyrir stafni og þú munt aldrei þurfa að
sofa, og ef svefninn fer að angra þig, bara drekka orkudrykk, kók eða kaffi
bara hvað sem þið gerið, ekki tapa fyrir óvininum.

Svefninn er rót alls ills og kemur hann slæmum róðri afstað gegn
svefnleysingjum t.d. í Die Another Day þegar Gustav Graves sagði við
demantasmettið “One hour in this keeps me away from insantiy” eftir
að hafa sagt frá svefnleysi sínu, þetta er greinilega kjaftæði þar sem
að þetta er úr Bondmynd, með Pierce Brosnan, og ef að Brosnan er í
myndinni hlýtur þetta að vera lygi og áróður. Síðan er önnur mynd,
Insomnia eða Svefnleysi þar sem að Al Pacino getur ekki sofið vegna
sólarljóss, sem að er einfaldlega fáránlegt því að flestir geta vel
sofið eftir að hafa verið vakandi í nokkra daga í sólarljósi, en kannski
var hann bara skrýtinn eða þá að leikstjórinn þurft á einhverri góðri
ástæðu að sýna fram á kvöl Pacinos eftir að hann skaut samstarfsfélaga
og vin sinn.