Hér eru nokkrar sögur sem ég hef lesið :

Strákur hengir sig af mistökum á sviði

Ungur strákur tók þátt í hrekkjavökugríni með því að þykjast vera hengdur úr gálga. Á föstudeginum hafði það tekist vel en á laugardeginum mistókst það og hann lést. Þegar hann barðist um og reyndi að losa sig úr snörunni héldu vinir hans að þetta væri partur af gríninu, en eftir langan tíma áttuðu þeir sig á því að þetta væri alvara, þá var hann þegar dáinn.


Hangandi dúkka í hryllingshúsi

Í desember árið 1976 fór kvikmyndatökulið í skemmtigarð í Californiu til að taka upp “the million dollar man”. Ein takan átti sér stað i draugahúsi garðsins. Í einu herbergi hússins var dúkka sem átti að vera hangandi lík. Þegar færa átti dúkkuna úr stað datt annar handleggurinn af henni en við nánari skoðun var komist að því að þetta væri hendi af manneskju. Dúkkan var skoðuð og komust rannsóknarmenn að þeirri niðurstöðu að þetta væri lík látins manns.


Foreldar fara í langt vetrarfrí

Ungt par var á leið á flugvöllinn því þau ætluðu að skella sér í langþráð frí. Þau höfðu ráðið barnapíu fyrir barnið sitt og voru alveg tilbúin til brottfarar nema að þau voru að bíða eftir barnapíunni. Hún hringir og segir að bíllinn hennar hafi bilað en hún gæti bara labbað. Parið vissi að ef þau mundu bíða þá mundu þau missa af vélinni svo þau bundu barnið við stólinn sinn og lögðu svo af stað. Það sem þau vissu ekki var að á leiðinni var ekið á barnapíuna og hún lést. Þegar þau komu heim nokkrum vikum seinna fundu þau barnið dáið í stólnum sínum.