Mjög afbrýðissamur, fyrrum kærasti ungrar stúlku fyllti nýverið kærasta hennar af blýi við blaðastandinn í lyfjabúð Alliston. Að lokum skaut hann sjálfan sig í hausinn.
Konan hafði áður verið síendurtekið ellt uppi af manninum sem þráði ást hennar greinilega meira en margt annað. Þau hættu saman fyrir rúmlega tveimur árum.

Atvikið átti sér stað rétt fyrir níu um morguninn og var lyfjabúðin nær full af fólki sem varð vitni að atburðinum. “Enginn slasaðist sem betur fer,” sagði eigandi lyfjabúðarinnar. “Þetta hefði getað gerst hvar sem er og tengist okkur ekki neitt.”
—
Alice Morrison var alls ekki ánægð með hvernig lokin á krukkunni utan um súru gúrkuna voru fest svo hún hringdi í Gúrkulínuna en fékk í staðinn símasex.
Símanúmerið fann hún á lokinu á krukkunni og um leið og hún hringdi svaraði rödd sem sagði að nú fengi hún “klámfengnar lýsingar” fyrir 1.99 dollara á mínútuna.

Konunni brá auðvitað í brún. “Ég er 71 árs,” sagði Morrison sem var áður grunnskólakennari. “Ég fullvissa þig um að þessu var ég ekki að leita að.”
—
Sean Talty er piparsveinn sem næstu fimm árin þarf að passa sig á að nota getnaðarvarnir. Sean á sex börn og eignist hann eitt til viðbótar á hann yfir höfði sér fangelsisvist.
James Kimbler, dómari, dæmdi þennan örlagaríka dóm í gær en Sean er ekki það sem menn kalla góðan föður. Málaferlin hófust þegar Sean gat ekki borgað tveimur af börnum sínum meðlag og málinu lyktaði eins og áður sagði.

Í frásögn Seans kom fram að hann hafi ávallt notað varnir en alltaf mistekist. Dómaranum fannst það hlægilegur málatilbúnaður og því fór sem fór.
—
Það er ekki amalegt að vera 15 ára og reka fyrirtæki. Betra væri þó að vera 15 ára og reka löglegt fyritæki.
Þegar lögreglan leitaði í herbergi táningsins fann hún 151 gramm af maríúana, fjöldan allan af plastpokum og 1500 dollara. Við nánari eftirgrennslan fann hún svo maríúana-plöntu á háaloftinu og 12300 dollara í Nike skó í fataskáp drengsins.

“Þetta voru allt dóppeningar,” sagði talsmaður lögreglunnar en drengurinn er talinn hafa selt dóp í dágóðan tíma.

Drengurinn var fluttur á milli skóla og var í máli hans 16. september.