Ég var að horfa á þetta myndband í Kastljósinu rétt í þessu og Guðmundur hvað það er lélegt. Það er bara illa gert í alla staði. Allt saman grátt og myglað, enginn litur, Eiríkur ekki einu sinni rauðhærður, eins og Dr. Gunni benti á. Það er einhver undarleg manipúlasjóna í myndskeiðunum þar sem Eiríkur syngur, svo þau passa ekki við hljóðið! Eins að það sé aðeins hægt á þeim. Ég er alveg gáttaður á þessum viðvaningsvinnubrögðum.

Ekki nóg með það, heldur er lagið orðið miklu verra en það var í forkeppninni! Á einhvern ótrúlegan hátt hefur þeim tekist að skemma þetta annars ágæta lag með frámunaheimskum texta og leiðindarembingi í rödd Eiríks.

Jæja… go 2008!