Ég hef undanfarin ár skrifað langar og leiðinlegar greinar sem spá minni og eigin skoðunum á lögunum. Ég ákvað á spá líka í þetta í ár en ekki eins ítarlega og ég hef gert undan farið því þetta voru alltof langar greinar held ég.

Núna ætla ég meira að bera mína spá saman við spá „spekingana“ hans Páls Óskars og svo verður gaman að sjá hvort ég eða þeir spáumréttara.

Og þá er komið að seinni forkeppninni sem er núna á fimmtudaginn. Það eru svoleiðis miklu fleiri góð lög í þessari forkeppni en hinni og mér fannst eiginlega mun auðveldara að spá fyrir um þessa.

Ég spái þessum löndum áfram:
Armenía
Aserbaijan
Danmörk
Írland
Ísrael
Króatía
Rúmenía
Svíþjóð
Tyrkland
Úkraína

Þetta er samt bara spá og það eru alveg lög sem ég spái áfram en finnst samt hundleiðinleg, þetta eru lönd eins og Úkraína og Ísrael. Raunar er Úkraína með versta lag allra tíma held ég en þeir eru alltaf sterkir og ég spái þeim áfram.

Svo eru náttúrulega lög líka sem ég fíla en hugsa að komist ekki áfram. Það eru lönd eins og Holland og Litháen. Græt kannski ekki Litháen en þeir eru hressir, en ég aftur á móti elska Hollendinga þeir eru æði í þessari Geirmundarsveiflu.

„Spekingarnir“ voru hins vegar ekki alveg sammála mér frekar en fyrri daginn og spáðu svona:

Armenía – 3 græn
Danmörk – 2 græn
Holland – 3 græn
Írland – 3 græn
Ísrael – 2 græn
Króatía – 3 græn
Litháen – 3 græn
Rúmenía – 2 græn
Sviss – 2 græn
Tyrkland – 3 græn

3 úrslitasæti hérna sem að við erum ekki sammála um. Ég spái Aserbaijan, Svíþjóð og Úkraínu en þau Hollandi, Litháen og Sviss.

Það sem mér fannst eiginlega merkilegast var að þau skildu ekki gefa Aserbaijan grænt því það er að mínu mati kandídat í að ná virkilega hátt í þessari keppni og raunar líka Svíþjóð. Ég tek stórt uppí mig og segi að Anna Bergendahl sé Alexander Rybak þessa árs þegar kemur að sviðssjarmanum, það geislar alveg af henni sjarminn og röddin er unique þó lagið hafi ekkert í Fairytale þó mér finnist það samt sem áður gott . Svo skil ég ekki hvað þau eru að gera með Sviss þarna, algjör horbjóður.