Hún sat alein inní herbergi með stóran skammt af frönskum í fanginu, þrjá ostborgara,ís og 2l af coke! Á sjónvarpsskjánum dilluðu fyrirsæturnar sér í takt við Moby. Afhverju var hún ekki svona, fegurðin uppmáluð, hún tróð í sig lúku af frönskum, fékk sér gúlsopa af cokinu og tuggði af áfergju; blanda vel saman, mikinn vökva. Svo var þátturinn búinn og maturinn, hún leit í kringum sig og kom auga á hálfkláraðan m&m poka. Í viðbjóði tróð hún afgangum upp í sig, tuggði svo hratt að hún fann ekki bragðið. Svo sat hún bara, sat í gamla sófanum með uppblásin maga og veikt sinni. Tvær mínútur til að átta sig á hlutunum og svo þusti hún inná baðherbergið. Hún þakkaði gvuði í hljóði að fjölskyldan hefði farið í helgarferð í sumarbústaðinn. Hún hallaði sér yfir klósettið, mundaði tannburstann og tók sig til við að bursta kokið á sér og það byrjaði að flæða útúr henni allur viðbjóðurinn sem hún hafði afrekað að troða í sig.

Hálftími leið og svo klukkutími, eftir einn og hálfan tíma gekk hún útaf klósettinu, augun sokkin djúpt inní bólgið andlitið og hjartslátturinn of ör. Léttir….. hún leit á magann á sér sem hafði fyrir klukkutíma litið út eins og uppblásin blaðra; hann var í átt að módelmaga, það voru bara nokkrir sentimetrar sem vantaði upp á. Uppgefin lagðist hún í rúmið; á morgun væri nýr dagur og á morgun ætlaði hún að vera extra dugleg og hreyfa sig borða nærri ekkert og síðast en ekki síst ætlaði hún sko ekki að hanga yfir klósettinu. Og á morgun myndi henni takast það…