Ég er með pínu standpínu, það er ekki gott. Það væri gott ef ég væri að fara ríða, en það er ekki gott að fá standpínu þegar maður er að ýta hausnum á einhverjum ofan í klósett. Ég veit að það er ekkert gott að láta troða hausnum á sér ofan í klósett, eða hvað? Ég er nottla sterkastur í skólanum, ég ræð meir að segja við stráka á fjölbraut, og þá passar ekkert að ég sé bara gunga innst inni, og heimskur þar að auki. Mig langar að viðurkenna að ég sé aumingi innst inni, en ég bara þori því ekki. Mig langar að segja Brundmundi að þetta sé ekkert sniðugt, en ég bara þori því ekki. Ég verð að gera það því annars fæ ég ekki Kamillu, mig langar samt ekkert í hana, en Brundmundur segir það svo ég verð að gera það. Og ég þori ekki að mótmæla. Ég bara skil ekki, mig langar ekkert í stelpur, ég er samt pott þétt ekki hommi því annars væri uppáhalds liturinn minn bleikur eða fjólublár, og ég gengi í þröngum fötum, ekki skopparafötum. Ég gæti ekkert gengið í þröngum bleikum fötum, ég myndi aldrei þora því. Ég veit bara ekkert hvað ég á að gera við lífið mitt, svo það er best að gera bara eins og Brundmundur segir mér að gera.
Við Brundmundur hlaupum fram á gang með fötin hans Saurmunds, eins gott að það er enginn á ganginum nema Emanuel, og það er ekki eins og hann geti sagt neitt, Emanuel er pott þétt hommi, hann er svo mikil pempía, hann eyðir örugglega meira í sjampó en ég í nammi! Það segir allavega Brundmundur. Mér finnst Emanuel meira aðlaðandi en Kamilla, og ég stend mig oft að því að hugsa um hann meðan ég runka mér, og mig langar að allir viti það, en ég bara þori því ekki. Allir mundu segja að ég væri hommi, og ég er sko ekki hommi, en ef ég væri það mundi ég sjálfsagt ekki þora að viðurkenna það.
Við haupum og öllum finnst við flottastir í skólanum, mér finnst ég samt ekkert flottur fyrst ég get ekki verið svona viss um allt eins og Brundmundur er. Brundmundur kastar fötunum frá sér og við hlaupum inn í tíma. -Hvar er Sæmundur? Spyr kennarinn. Brundmundur sér um að tala, mig langaði líka að segja eitthvað svalt, en ég bara þori því ekki. Ég vildi að ég gæti staðið upp og sagt við Brundmund að ég vildi ekki vera endalaust að sleikja á honum rassgatið, hann gæti gert það sjálfur. En ég bara þori því ekki.
Fötin voru horfin af ganginum þegar við ætluðum að skila þeim til Saurmunds. Mig langaði að leita að þeim svo hann sæti ekki ber inni á klósetti í allan dag, en Brundmundi var sama og ég þorði ekki að mótmæla honum. Við vorum hvort sem er að fara undirbúa partýið, þetta var ekkert venjulegt partý, því eftir að Brundmundur er búinn að ríða Kamillu má ég fá hana, það segir hann allavega. Mig langar að segja að ég vilji hana ekki, en ég þori því ekki. Mér langar heldur ekkert að þykjast öfunda Brundmund á því að fá að ríða Kamillu, en ég bara þori ekki annað.
Partýið byrjar, og ég horfi á eftir Kamillu og Brundmundi fara upp stigann, andrúmsloftið er spennuþrungið, kemst hann upp á hana? Allir eru hálfflissandi, meir að segja bestu vinkonur Kamillu. Ég flissa líka, þótt mig langi ekki til þess, ég bara þori ekki annað.
Ég sé Emanuel koma inn, hann er alltaf svo fallegur hvar sem hann kemur. Mig langar að segja honum það en ég þori því ekki. Allir mundu halda að ég væri hinsegin, og það er ég sko alls ekki. Ég sé Saurmund koma inn, og allir fara láta eins og ekkert spennandi sé að gerast. Allir eru svo spenntir að enginn níðst á honum. Ég held að það hefði ekkert verið níðst á honum hefði Brundmundur ekki komið í bekkinn. Það er dauðaþögn, svo birtist Brundmundur í stiganum, og allir tryllast, nema Emanuel, hann situr bara eins og hann sé hafinn yfir þetta. Ég vildi að ég gæti þetta, að ég gæti verið ég, án þess að skammast mín fyrir það. En ég bara þori því ekki, svo ég klappa Brundmundi á bakið og þykist finnast hann geðveikt svalur.
En svo kemur Kamilla, -Þarna kemur mellan þín, ég mæli samt ekkert með henni, segir Brundmundur og blikkar á mig. Hún virðist hissa á þessari þögn, en gengur samt til Brundmunds, en hann ýtir henni frá sér og segir að hún sé ekki peningana virði sem hann veðjaði um hvort hann fengi að ríða henni. Þegar ég sé tárin koma fram hjá Kamillu, langar mig að berja Brundmund, en ég bara þori því ekki.