,,Þetta byrjaði allt þegar Anna Dóra byrjaði í bekknum’’ hóf hann söguna og gróf vasahníf upp úr vasanum. Hún lá á bekk inni í búningsherberginu og beið skelfd eftir því sem hann myndi gera.
,,Hún var svona, sæt og glaðleg og heillaði alla strákana án þess að skammast sín. Við urðum hálfgerðir vinir í laumi og á endanum kærustupar en ákváðum að segja engum af stelpunum neitt til að þær yrðu ekki afbrýðisamar út í hana því þeim langaði öllum að vera á föstu með mér samkvæmt Önnu’’ hann hallaði hausnum til hliðar og stakk hnífnum í upphandlegginn á henni.
,,Ái, Krummi, þú meiðir mig’’ vældi hún en slakaði svo aftur á andlitinu því henni langaði að heyra meira.
,,Þú hagar þér stundum eins og barn.’’ Hann skar harkalega um tvo sentimetra niður eftir handleggnum. Hún fann heitt blóðið leka niður á bekkinn, frekar djúpt sárið svíða og harðan bekkinn undir sér. Hún lét bara augun aftur til að hunsa sársaukann og hlustaði á hann.
,,Er það svona sem þú ferð með barn?’’ spurði hún án þess að fá svar.
,,Stuttu seinna sendu þrjár stelpnanna mér sms og spurðu hvort ég vildi byrja með þeim. Og’’ hann hló og bar litla flösku upp að sárinu, lét leka í hana og fékk sér svo lítinn sopa ,,ég svaraði öllum játandi. Þegar sumarfríið kom svo var ég byrjaður með öllum stelpunum í bekknum. Nema þér. Engin samt talaði um þetta til að gera hinar ekki afbrýðisamar og þær vildu heldur ekki verða óvinkonur þínar, svíkja þig. Svo þetta var fullkomið, ég gat hangið með stelpu eftir því hvernig skapi ég var í! Svo þegar skólastjórinn spurði þær um þetta þá vildu þær frekar halda með kærastanum heldur en stelpu sem heldur að hún sé vinkona þeirra. Núna eru þær örugglega að slást yfir þessu, grenja eða bara klóra sér í hausnum og velta fyrir sér hvernig þetta gat gengið upp’’
,,Þú ert alveg ömurlegur’’ sagði hún og greip um sárið og reisti sig við. Hann fór út um bakdyrnar og hún batt sárabindi úr gömlum sjúkrakassa um handlegginn og setti svo ermina yfir. Svo fór hún bara út með kjólinn í poka og gekk til hinna krakkanna í hópnum.
,,Rosalega varstu lengi krakki!’’ sagði Saga.
,,Já, ég missti hálsmenið mitt undir skrifborðið og það tók óratíma að ná því undan því skrifborðið var fast við vegginn og ég rétt gat troðið puttunum undir það’’
,,Skil þig’’ Saga blikkaði hana en leit svo á Krumma sem var á gangi til þeirra.
,,Hvar varst þú?’’ spurði Glói.
,,Úti að reykja’’ sagði Krummi og strákarnir kinkuðu hægt kolli og hlógu.

Valbrá vaknaði við að einn strákann kom inn og lagðist á dýnuna hjá Sunnu. Valbrá sneri sér undan til að þurfa ekki að horfa á þetta eilífa kossaflens en sér þá að Linda er farin fram. Hún stendur á fætur og tekur eftir að tvö rúm eru tóm svo hún fer fram og bankar hjá strákunum. Eftir að hafa bankað nokkrum sinnum kemur þreytulegt andlit Daníels í ljós.
,,Er Linda hjá ykkur?’’ spyr hún og Daníel kinkar kolli.
,,Má ég koma inn?’’ spyr hún svo.
,,Ja, viltu ekki frekar fara bara niður og fá þér morgunmat með Sögu og Ástu?’’ spyr hann og hún jánkar því og fer niður í borðsalinn. Saga og Ásta sitja við eitt borðið skellihlæjandi. Á borðinu eru tveir diskar með gráleitum hafragraut. Valbrá sest hjá þeim.
,,Nei! Förum í garðinn og setjumst hjá fólki og byrjum bara að tala við það og hlustum ekki á það þó það segi okkur að drulla okkur í burtu’’ segir Ásta og tær hláturinn glymur aftur um stóran salinn.
,,Hvað eruð þið að bralla?’’ spyr Valbrá og tekur við hafragraut frá gistihússeigandanum.
,,Í dag ætlum við að hafa prakkaradag, það er ótrúlega skemmtilegt!’’ segir Ásta og klípur í nefið um leið og hún stingur stórri skeið af hafragraut upp í hlæjandi munninn.
,,Prakkaradag?’’ Valbrá grettir sig yfir söltu bragðinu af grautnum sem átti að fela skrýtið bragðið sem var af vatninu þarna.
,,Bara, gera símaöt og stríða gangandi fólki’’

,,Trúðar, fólk, prakkarar og púkar!’’ kallaði Glói yfir strákaherbergið.
Krakkarnir litu á hann hlægjandi þar sem hann stóð uppi á tveim rúmum sem höfðu verið staflað upp á hvert annað. Hann var með svarta nornahárkollu og trúðanef sem lét hann hljóma nefmæltur.
,,Í dag er hinn mikli prakkaradagur!’’ hann kleip í nefið svo það flautaði í því.
Hópurinn öskraði glaðlega.
,,Núna þurfum við að safna saman öllum hugmyndum…’’ hann leit um herbergið og þóttist ekki taka eftir öllum þeim höndum sem höfðu henst á loft um leið og hann sagði síðasta orðið ,,hvað? Ætlar enginn að koma með hugmynd?’’
Hann hoppar til og frá í rúminu þar til það brotnar.
,,Og núna! Er prakkaradagurinn formlega settur!’’ hann lagðist í brotið rúmið og tók við tómri klósettrúllu frá Sögu.
,,Jæja’’ sagði hann í rúlluna ,,hver er fyrstur?’’
Ásta réttir upp hönd og hann réttir henni plastbanana.
,,Ásta er fyrst til að fá ruglbananann í hendurnar!’’ segir hann og klappar alveg við eyrað á henni.
,,Fara upp í tré…’’ hún lítur brosandi á krakkana í herberginu sem horfa spennt á hana ,,….og hella vatni á fólk í garðinum!’’
Snorri rífur bananann af henni og hoppar.
,,Og það ekkert venjulegt vatn! Heldur gistiheimilisvatn!’’ hann hlær og hristir bananann svo það má heyra sandkornin inni í honum skella á honum innanverðum. Hópurinn gefur frá sér stríðsöskur.
Glói stekkur niður af rúminu og grípur bananann.
,,Þið eruð greinilega frekar dauð á hugmyndum í dag kæru snjókarlar.’’ Sagði hann og veifaði banananum og stökk aftur upp í rúmið ,,ég er með betri hugmynd sem ykkur á örugglega eftir að líka’’
Hann teygjir sig á bak við rúmið og kemur aftur í ljós með pappakassa. Hann opnar hann og tekur upp tvær málningarfötur, beyglaðar og útbíaðar.
,,Ég veit ekki alveg hvað ég ætlaði að gera með þetta, en mér líst vel á að hella þessu á fólk í almenningsgarðinum!’’
Valbrá klappar skellihlæjandi og hinir taka undir.
,,Þá er bara að skipta í hópa’’ sagði Saga og reif bananann af Glóa. Hún heldur á blaði.
,,Í fyrsta hópnum er Daníel, Petra, Linda og Glói. Við verðum aðallega til að sjá til þess að allir hagi sér sæmilega’’ hún glottir út í eitt þegar Daníel og Linda kyssast glaðlega á munninn ,,og í öðrum hópnum verða Snorri, Valbrá, Krummi og Þóra’’
Glói leit hvasst á Sögu.
,,Snorri, Valbrá og Krummi saman? Ertu brjáluð?’’ hvíslaði hann reiðilega.
,,Rólegur, ég setti Þóru með þeim. Þetta verður bara spennandi!’’ tísti hún spennt.
,,Allt í lagi’’ hann ranghvolfdi augunum og leit á þá fjóra sem voru eftir.
,,Og í þriðja hópnum eru Ásta, ég, Stjáni og Elías’’
,,Eru þá ekki allir sáttir?’’ spurði Glói.
,,Jú’’
,,Af stað þá froskar! Gerið bæinn vitlausan!’’
Krakkarnir færðu sig ekki um fet.
,,Hvert á hópur þrjú að fara?’’ spurði Ásta.
,,Eða tvö?’’ spurði Snorri.
Glói ranghvolfdi augunum í Sögu.
,,Gleymdirðu að skipuleggja?’’
Hún setti bara upp englabros.
,,Það þarf ekki að skipuleggja prakkaradaginn!’’