E fór burt stuttu fyrir jólin af því að honum fannst hann Ekki vEra nógu virtur. Í fyrstu var fólki sama þar til það áttaði sig á því að það gat Ekki lEsið Eða skrifað án ErfiðlEika.

SAGAN
Það var svo lítill strákur að striða við að finna jólagjöf handa mömmu sinni. Pabbi hans hafði farið fyrir löngu og litli strákurinn vildi fá móðurinni hina fullkomnu gjöf. Hann átti bara þrjúþúsund og fimmhundruð krónur og fannst allar góðu gjafirnar of dýrar.
Svo komu jólin og strákurinn hafði fundið svolítið handa mömmu sinni og hafði pakkað því inn. Aðfangadagurinn byrjaði líkt og alltaf á pönnukökum í morgunmat. Svo fór litla fjölskyldan, konan og sonurinn, í kaffi til ömmunar. Amman bakaði alltaf piparkökur fyrir jólin og gaf stráknum fullan kassa til að hafa að borða í jólafríinu. Þau fóru svo ásamt ömmunni í kirkjugarðinn að óska afa góðra jóla. Hann hafði dáið árinu áður.
Loks var komið kvöld og strákurinn fékk jólamatinn, uppáhaldið hans. Hann borðaði ásamt mömmu sinni hjá ömmu. Síðan var komið að því að opna pakkana. Hann opnaði sína fyrst æstur og þær fullorðnu horfðu á brosandi. Þó var hápunktur kvöldsins, fyrir strákinn, að sjá pappírinn rifinn utanaf gjöfinni hans og andlit mömmunar ljóma upp af hamingju. Í ljós kom mynd af fjölskyldunni frá árinu áður innrömmuð í brúnum ramma prýddum gyltu mynstri. Á myndinni stóð móðirin, haldandi á syni sínum, og við hliðina afinn og amman. Öll voru þau brosandi og mamman fékk tár í augun af hamingju og kyssti son sinn fyrir gjöfina.

E kom aftur á gamlárskvöld því Ekki Er hægt að kvEðja gamla árið án flugElda. Þá sá hann að hEil saga hafði vErið skrifuð án hans. Að vísu aðEins smásaga En hann sá þá loksins að hann var kannski Ekki mikilvægastur af öllum stöfunum. Það var örugglEga A Eða R