Ég þarf fyrst að finna efni í söguna. Um hvað ég vil skrifa. Svo ákveð ég endinn, hvernig sagan á að enda og svo finn ég byrjunina og þar á eftir miðjuna. Svo byrja ég að skapa persónurnar, finn nöfn og bý til svona lítinn sætan prófíl, og skrifa niður hvernig þessi manneskja er, hvernig hún tekst á vandamálum, hvernig hún reiðist, hvernig hún gleðst og þannig atriði.

En… svo þarf ég að fara að skrifa… Þar stoppa ég oftast… Eins og núna er ég með geðveika hugmynd í kollinum, frá því að ég var veik upp í rúmi með 39 stiga hita. Langar svo til að útfæra hana en… það er bara erfitt… Væri auðveldara að skrifa söguna sem handrit af bíómynd en sem skáldsögu og urg…

Hmm…

ég bara byrja…þá kemur þetta bara :) svo ef að mér dettur eitthvað í hug bæti ég inní, svo fer ég vel yfir allar málfræði og stafsetningar villur. Ég er samt yfirleitt ekki búin að ákveða fyrirfram um hvað ég skrifa. Það bara….kemur :D

Þegar ég er að skrifa sögur fæ ég yfirleytt einhverja hugmynd sem ég skrifa útfrá.
Þá bara fæ ég hugmyndina og sest niður og skrifa eins mikið og ég get. Bara eins langt og ég kemst miðað við hugmyndina.

Síðan reyni ég að ákveða útfrá hugmyndinni eða því sem ég er komin með, svona í grófum dráttum frammvindu sögunnar. Síðan reyni ég bara að skrifa þegar ég get og semsagt fylla inn í grindina sem ég er komin með.

Stundum er maður alveg tómur en stundum getur maður skrifað mikið þannig að það er mjög misjafnt hvort þetta gerist alltsaman á einum degi, einni viku, einum mánuði eða jafnvel nokkrum mánuðum.
Fer líka bara eftir því hvað það er mikið að gera hjá manni.

Ég bara byrja á byrjuninni og hedld áfram þangað til að ég er búinn.

fer eftir ýmsu, stundum byrja ég bara að skrifa eitthvað og einhvern veginn úr því saga, annars er oft sem ég er með einhverja hugmynd sem ég fæ og verð bara að skrifa hana, svo getur hún endað allt öðruvísi en upprunalega hugmyndin.

Vanalega laga ég þær ekkert mikið, nema stafsetningu og einstaka orðaröðunartilvik, því að sagan verður aldrei eins góð og í fyrsta sinn sem þú skrifar hana. Lennti t.d. í því að ég var byrjaður á bók, kominn með 4 kafla, en svo eyðilagðist harði diskurinn minn og þetta hvarf allt, ég reyndi að byrja aftur en kraftinn vantaði alveg, upplifunin var allt öðruvísi og verkið varð fyrir barðinu :(

Ég byrja á því að fá hugmyndina, eyði nokkrum mánuðum í að útfæra hana, skapa persónurnar, heiminn og lögmál heimsins (skrifa fantasíur) skapa sögu heimsins yfirleitt nokkur þúsund ár aftur í tímann, sest niður skrifa söguna, hendi henni inn í hillu tek hana aftur fram mánuði síðar og endurskrifa, svo tek ég hana strax aftur og endurskrifa og svo íhuga ég málið og endurskrifa stundum enn einu sinni.

En með endurskrifunum veit ég hvert ég er að fara með sögurnar og hef með því móti náð að bæta kjöti utaná 10 bls smásögu sem nú er kominn upp í 369 bls og er enn í vinnslu.

Ég held að allir hafa sína aðferð til að nálgast efnið sitt og undirbúa sig, ég legg t.d aldrei prófíl um persónurnar, þ.e.a.s hvernig þær líta út, hve háar þær eru o.s.fv heldur sé ég það þegar ég byrja að skrifa.

Ég opna nú bara wordpad og læt flakka.

Jaa…mín aðferð er að ég fæ hugmynd. Síðan byrja ég að skrifa etta niður. Byrja á byrjuninni og enda á endanum. Allar upplýsingar geymi ég bara í hausnum þangað til að ég þarf að nota þær. Það er mín besta leið.

Kveðja, kálviti.