tmar fyrir 22 árum, 4 mánuðum Fjöldi lestra: 310

Nokkur atriði sem gott er að hafa í huga þegar....

Nokkur atriði sem gott er að hafa í huga við skriftir.

1. Stafsetning skiptir lesanda þinn máli, vandaða þess vegna stafsetningu. Það er svo leiðinlegt að sjá flottar pælingar ömurlega stafsettar. Léleg stafsetning dregur athygli lesandans frá sögunni að stafstningunni.

2. Myndmál, hvað er sýnt og hvað er sagt. Það skiptir virkilega miklu máli að sýna lesandanum myndir. Öðruvísi verður sagan aldrei meira en orð á pappír. Sagan lifnar við ef litir og mismundandi myndir eru dregnar upp, eins og skyggnur.

3. Höfðið til fleiri skilningarvita en augna. Einfaldasta leiðin til að draga upp mynd er að sýna, td. græn laufblöð trjánna, er mynd af laufblöðum á trjám. En hægt er að draga upp mynd á fleiri máta, td. angan vorsins sveif inn um opinn glugga. Þrátt fyrir að vera myndhverfing er þetta mynd sem lesandinn skilur.

4. Skrifið um eitthvað sem þið þekkið. Ekki vera að reyna að við vísinda-, trúarlegar eða fantasíusmásögur nema þið hafið algert vald fyrir viðfangsefninu. Um leið og lesandinn finnur að þiðeruð ekki algerlega við stjórn þá hættir hann að trúa ykkur og fyrir vikið er sagan hrunnin.

5. Notist frekar við einfalda setningarskipan en flókna. Þegar setningar verða flóknar og langar, hættir lesandanum við að missa athyglina og þarf að lesa setninguna aftur. Einföld regla: stuttar setningar=hraður lestur, langar setningar=hægur lestur.

6. Skrifið af gleði, slíkt smitar út frá sér. Jafnvel þegar verið er að lýsa leiðinlegum, sorglegum eða átakanlegum atburðum, þá skín ritgleði alltaf í gegn. Slíkt heillar lesandann.

7. Lifið ykkur inn í frásögnina.

8. Lesið, lesið, lesið, lesið og lesið. Því meira sem þið lesið, því stærri verður orðaforði ykkar. Því fleiri orð sem þið eigið því auðveldara verður að skrifa.

9. ÆFingin skapar meistarann. Skrifið mikið og skrifið oft. Endurskrifið og farið eins oft yfir og þið getið. Ágæt regla er að þegar þið jafið lokið við eitthvað, látið það liggja í nokkrar vikur, 2-3, og farið svo yfir það. Þá komið þið auga á atriði sem ykkur sást yfir.

10. Batnandi manni er best að lifa. Þrátt fyrir að fyrstu sögur ykkar fái ekki nóbelsverðlaun, hættið ekki að skrifa. Það verður enginn frábær rithöfundur á einni nóttu, en með nægri æfingu og yfirlegu er hægt að ná nokkuð langt.

Gangi ykkur vel!!!

eot fyrir 22 árum, 4 mánuðum

Ekki það að ég vilji setja út á þessa upptalningu, en mér fannst það bara svolítið fyndið að ég var einmitt að lesa góð ráð við smásögugerð í gær og þar stóð að maður ætti alls ekki að skrifa um eitthvað sem maður þekkir; þegar byrjendur gera það þá eru þeir líklegir til að gleyma lesendum og fókusa algjörlega á sjálfa sig og verður útkoman ekkert annað en ólesanlegt og of-persónulegt bull. Maður ætti ekki að byrja að skrifa um það sem maður þekkir fyrr en eftir að hafa æft sig í “formúlunum” og “genre-num”.

Ég veit ekkert hvor ykkar hefur rétt fyrir sér, en mér fannst þetta bara svolítið skemmtilegt :)

Fyrra álit

tmar fyrir 22 árum, 4 mánuðum

ég tók þetta upp úr bók sem heiti Creative non-fiction eftir Philip Gerard, bókin er kennd í HÍ í bæði smásögu- og ritgerðarkúrsum. Þrátt fyrir að einblína aðallega á ritgerðina þá eiga flest atriði hennar líka við smásöguna. Aðalástæðan fyrir því að ég held að byrjendum sé bent á að skrifa um eitthvað sem þeir þekkja er sú að þaðan kemur mest af þeirra orðaforða og orðaforði er grundvallaratriði í byggingu smásögu. Ef að þú ætlar að skrifa vísindasögu þá þarftu að þekkja vísindaheitin á hinu og þessu, ef að þú þekkir þau ekki er sagan strax hrunin :)

Fyrra álit

selur fyrir 22 árum, 4 mánuðum

Já, ég hef lesið um báðar “reglurnar”. Hins vegar aðhyllist ég frekar það sem ég las í bók eftir John Gardner; ‘the Art of Fiction’, þar sem hann tíundar báðar kenningar, og kemur svo með sína eigin: ekki skrifa endilega bara um það sem maður þekkir, frekar að þekkja það sem maður skrifar um.
Ef farið er inn á svona spjallsíður meðal rithöfunda, þá er eitt orð sem kemur oftar fyrir en hin: Research! Kynnið ykkur það sem þið eruð að skrifa um í stað þess að ana bara út í einhvern vísindatrylli um erfðabreytt skrímsli sem eru að eyða mannkyninu, þegar þú veist ekki einu sinni fyrir hvað DNA stendur!

Mér finnst þetta góð og gild regla.

-I don't really come from outer space.

Fyrra álit

Delirium fyrir 22 árum, 4 mánuðum

bla bla bla…..ég er að reyna að koma inn mynd hjá mér sko!ég er bara að prófa

Fyrra álit

Abigel fyrir 22 árum, 4 mánuðum

Bara eitt atriði.
Þegar þú predikar næst fyrir okkur með reglum (sem er mjög góðar og hnitmiðaðar), mundu þá sjálfur eftir ásláttar- og stafsetningavillum. Þegar maður kennir verður maður að sýna gott fordæmi :o)

Fyrra álit

tmar fyrir 22 árum, 4 mánuðum

Stafsteningarvillurnar í 1.grein eru viljandi settar inn, en hinar eru mistök. Allir geta gert mistök, jafnvel þú, en það er aftur á móti spurning, þegar þær eru orðnar svo margar að þær skyggja á söguna, hvort að ekki megi gera betur.

Fyrra álit

eot fyrir 22 árum, 4 mánuðum

Persónulega finnst mér að rithöfundurinn eigi bara að skrifa það sem hann langar til að skrifa. Smáatriðin skipta ekki máli - sagan skiptir öllu. Þess vegna er ég sammála síðasta manni með að upplýsingaleit skipti mestu máli þegar kemur að efni sem rithöfundar þekkja ekki vel til. En þeir verða líka að fara varlega og passa að kæfa ekki söguna undir smáatriðunum.

Ef sagan fjallar um erfðarbreyttar verur þá er náttúrulega augljóst að höfundurinn þarf að þekkja eitthvað um erfðir, en sagan má ekki vera um erfðirnar því hún er um verurnar … i hope you catch my drift.

En svona í einföldu máli, það sem ég er að reyna að segja er að upprennandi rithöfundar eiga, að mínu mati, að skrifa eins mikið og þeir vilja og geta, henda öllu draslinu (því það er óhjákvæmilegt að það safnist saman) og nota restina til að koma sér áfram. Það er ekki nóg að lesa bara mikið, þið verðið líka að skrifa mikið (eins og tmar segir), en alls ekki fara að hengja ykkur í smáatriðunum - miklu betra að fullkomna þau í yfirferðum.

Fyrra álit

Tigercop fyrir 22 árum, 4 mánuðum

Góð grein og allrar athygli verð - persónulega finnst mér að EKKERT skipti máli þegar maður er að reyna að bulla einhverja sögu - nema auðvitað að hún þarf að vera í samhengi - ekki bara bulla útí eitt og annað án þess að geta tengt stubbana saman!
Í mínum huga skiptir það mestu að klára barnið og koma því frá sér - gera það fyrir sjálfa/n sig!
Auðvitað eru sögur ákaflega misjafnar og mislangar sem og misvel skrifaðar eða misskemmtilegar - og eins og greinahöfundur hérna segir - engin fær Nóbel eða verður meistari á einni nóttu (einu verki).
Æfing skapar meistarann - það vita allir - svo ég tek heilshugar undir lið nr. 10 hjá greinahöfundi (hinir liðirnir eru líka heitir).
Kveðja: Tigercop.

Fyrra álit

Sylviaplat fyrir 22 árum, 1 mánuði

Liður 11 finnst mér að ætti að vera: skrifa góða bók. - Þetta er vanmetið.

Fyrra álit

Smásögur

Smásögur

Ofurhugar

Stjórnendur

Hverjir eru inni

Greinar

Nokkur atriði sem gott er að hafa í huga þegar....

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi