Allt sem er, mun vera og hefur verið öskraði þegar tíminn dó.

„Þetta byrjar vel, en lýsir ‚þegar‘ ekki tíma? Þegar tíminn dó, alltíeinu allsstaðar? Hvenær var það, þá, og hvernig getur það verið í fortíðinni?“

Allt sem er, mun vera og hefur verið öskraði í kór þegar tíminn skrapaði á sér hnéð.

„Þetta meikar aðeins meiri sens, en tekst þó að meika ekki nokkurn minnsta fokkin sens. Hvernig skrapaði tíminn á sér hnéð og hverjum er ekki skítsama?“

Allt sem vill vera öskraði þegar tíminn tók ekki eftir því og fuðraði upp svo myndaðist ský úr engu og himinn, haf og Ástralía urðu til.

„Hvernig veistu að Ástralía sé yfirhöfuð til í þessari lögmálalausu súpu sem þú heldur að smakkist vel?“

Allt sem er, mun vera, hefur verið, vill vera og hefur aldrei verið keypti sér byssu og myrti þig ef þú leyfir mér ekki að halda áfram.

„Róa sig, róa sig.“

Allt sem er, mun vera og hefur verið var, er eða mun vera. Eða hvað? Hvað og hvernig er tíminn? Hvernig virkar hann? Gætirðu sprengt tímann og látið sem svo að hann hafi aldrei verið til? Myndi sprengdur tími hætta að líða en annars hafa liðið, einsog við búumst orðið við af dauða og fortíð? Hvað ef tíminn verður sprengdur í framtíðinni, og ekkert mun nokkurntímann hafa verið? Er það sem við skynjum hvern dag þá bara ímyndun tómsins?

„Nei, þegiðu. Það er öllum sama og enginn mun vita þetta. Ef þú vilt endilega spyrja einhversstaðar, spurðu á Yahoo. Þú átt ekki betra skilið.“

Hver eru lögmál raunveruleikans, og hvað er yfirhöfuð raunveruleiki? Er raunveruleiki bara það sem við upplifum frá degi til dags, eða höldum við það bara því við sjáum ekki annað? Er raunveruleikinn ekki allt eins í hverri bíómynd, hverri skáldsögu, hverju leikriti? Eiga persónur verkanna ekki að vera lifandi, að upplifa raunveruleika í heimi sem ætti að hafa verið til í milljarða ára? Lifa þær aðeins í hugum okkar, eða höldum við það bara?

„Hvað sem þú ert að reykja, hentu því í sjóinn og fáðu þér bjór. Með heppni hættirðu að geta hent orðum saman.“

Er hver ein og einasta áfengisögn í þessum bjór lífs eða liðin? Bæði, blanda, hvorugt, aldrei? Skilur hann mig? Halló, bjór. Haaaaaalló.

„Ef ég væri af annarri kynslóð væri ég alveg sammála þér. Halló, halló, halló, gosh.“

Stöndauvm við samaineuð eða hbvað?

„Jæja, er þetta ekki komið gott?“

Ogs svo a´i endanmn DÓ GAIORINN ´I GAÆSALÖPPJNUM!

„Fokk.“