Ég sem mjög sjaldan sögur. Mig dreymdi þetta í nótt, getið ímyndað ykkur hvernig ég vaknaði hehe. Athyglisverð saga.



Vettvangurinn var stórt hús ofarlega á hæð. Húsið var með þak á ská, og var eflaust 200-250 fm. Það var bratt niður, en það var jafnslétta í kringum húsið og girðing. Húsið stóð fyrir ofan borgina, einum kílómetra neðar var maður kominn í miðbæinn. Fjölskyldan hafði hist. Margir höfðu komið úr öðrum bæjum. Danté hafði fengið stöðuhækkun og hann hafði fengið nokkra vini og vandamenn til að fagna. Í gærkvöldi hafði verið skemmtilegt kvöld. Vinirnir voru þrír; Sean, Lonnie og Louie. Fjölskyldan var fimm manns; Samuel, faðir hans, Shawna, móðir hans, Billy, litli bróðir hans, Big Will, hálfbróðir pabba hans, Martha, kona hans.

Nú sátu menn frekar slappir eftir gærkvöldið. Billy horfði á barnefnið, allir vinirnir sofandi, restin sat við spjall í eldhúsinu. Dagurinn leið og áður en fólk vissi sat það að sumbli og fagnaði enn á ný. Áfengið flaut um í blóðinu hjá flestum, nema Samuel, Shawnu og auðvitað Billy. ,,Hæh sædahhh”. Martha sneri sér við með kaldhæðnislegum svip. ,, Ka seghjiru ummm…. að þú…. rúhllir memmér… í bohhrghina í kvuld og ósker verði uppfylltarhh?”. Louie var kvennamaður mikill en fékk að kynnast kinnhestinum. Hann sat ekki eftir sár, þó hann væri það. Hann elti hana áfram, en kvöldið endaði með að Big Will kýldi hann þéttingsfast í andlitið. Klukkan var nú orðin í kringum 4. Martha fór út að fá sér sígarettu. Hún fór út á brúnina og horfði niður. ,, Meiri klikkunin í Danté að búa hérna ”. Allt í einu fann hún fyrir köldum Air Nike skóm beint í bakið. Hún féll yfir girðinguna en náði að grípa í hana. Þarna var hélvítið hann Louie. Tók í hendurnar á henni og lyfti þeim. Horfði djúpt í augun á henni og sleppti. Hún rúllaði niður hraðar og hraðar og gat engan veginn stoppað sig. Allir fóru síðan að sofa en Big Will hafði fengið sér einnig áfengi og tók ekkert eftir að konuna sína vantaði.

Það var ekki fyrr en um morguninn. Danté var farinn að laga til og vinirnir voru farnir í hótelið sitt. Will stundi og reis upp. ,, Hvað er klukkan eiginlega? “. Danté horfði á ryksyguna og sagði ,, Hún er að verða fimm, maður. Þú ert síðastur út… en hvar er Martha eiginlega? ”. ,, HA? Finnuru ekki Mörthu?? ”. Það var eins og elding hefði farið í Will. Hann hljóp um húsið, um garðinn og leitaði um allt. Allt í einu stoppaði hann. Hann sá giftingarhringinn sinn fyrir utan girðinguna þar sem Mörthu hefði verið ýtt fram af um gærkvöldið. Hann sá Gucci skóna hennar á leiðinni niður. Heimurinn var ónýtur. Martha var dáin. Hann hneig niður á hné. Danté var ekki langt undan. Hann sá slíkt hið sama, en þorði ekki að segja neitt. Will gat eflaust kramið mann með lúkunni einni. Hann sá Will hlaupa að bílnum. En hlaupa svo aftur inn. Hann greip Danté upp á kraganum. ,, Hvar í fjandanum er hótelið þeirra? ”. Danté stundi því upp og Will hljóp út. Will keyrði hratt út innkeyrsluna og pantaði herbergi á hótelinu. Heima við, greip Danté strax símann og hringdi í föður sinn sem gisti einnig á hótelinu.

Danté hljóp inn og spurði afgreiðslukonuna rólyndislega hvaða herbergi Louis Sanborn væri í. Hann hljóp í lyftuna, fór til föður síns, sem var einn með Billy. Shawna var úti að versla. Þeir fóru beint upp á hæðina hjá Will sem hafði pantað herbergi 2 hæðum neðar en vinirnir. Þeir sáu Will hlaupa framhjá þeim með hendina í vasanum og úr vasanum stefndi eitthvað oddhvasst. Hann stefndi á stigann. ,, WILL! Þetta er ekki þess virði!! “. Danté hljóp inní herbergið hans Will til að athuga hvort eittvað væri þar. Þeir stukku aftur inn í lyftuna og sáu eftir Will hlaupa í áttina að herberginu hjá vinunum. Samuel sendi Billy og Danté í eina lyftuna. Beið örlítið. Svo heyrði hann skotin, og Will hljóp út blóðugur á frakkanum. Samuel rak upp stór augu og lyftan opnaðist. Will öskraði ,, Þú ert eina vitnið, Sammy! ” Samuel stökk inní lyftuna og ýtti á takkann til að loka henni. Hann heyrði þegar Will barði í lyftuhurðina.

Hann hringdi í strákana og sagði þeim að reyna að fara ekki út neinsstaðar. Það voru tvær lyftur, og strákarnir völdu af handahófi efstu hæðirnar og neðstu hæðirnar til að fara á. Þeir voru hræddir um föður sinn sem var að gera slíkt hið sama. Þeir náðu engu sambandi við hann. Þeir völdu 64 sem var einmitt fæðingarár Will. Lyftan opnaðist, og þarna var hann bölvaður. Blóðugur og ógeðslegur. Hann labbaði hægt inni í lyftuna. Danté teygði sig í rassvasann og dró upp DVD-myndir sem hann hafði stolið úr herberginu hans Will. Hann bombaði Scary Movie 4, Bourne Identity og Click beint í andlitið á Will. Hann vankaðist en þá voru Danté og Billy farnir út. Hlupu stigann, hringdu í föður sinn. Sögðu honum að stýra lyftunni niður á hæð 61. Hlupu niður stigann og beint til Samuels. Heyrðu að lyftan við hliðiná opnaðist og heyrðu Will urra. Það var gler á milli lyftanna. Will horfði á þá og dró vísifingur lárétt eftir hálsinum. Þeir ýttu á 72. Will ýtti á 72. Þeir ýttu á 5. Will ýtti á 5. Þeir sáu enga undankomuleið og glottið breikkaði hjá Will. Allt í einu sagði Billy ,, Þennan! “ og benti á gula takkann sem öllum hafði yfirsýnst. “Brrrrrrrrrrring” heyrðist í alarminu. Og Will ýtti sjálfkrafa á sama takka en fattaði svo hvað hann hafði gert.

20 mínútum síðar kom lögreglan og leysti Danté, Samuel og Billy út. En Will var tekinn fastur, en á leiðinni brotnaði þessi risavaxni maður niður. Grét hástöfum og bað þá afsökunar. Strákarnir fóru í herbergið sem Samuel og Shawna höfðu leigt. Billy horfði á barnaefnið og Danté og Samuel töluðu saman um þetta mál. Shawna kom síðan heim, með eins marga poka og hún gat borið, merktir H&M, Zöru, Prada og fleiru. ,, Hvernig var á meðan ég var að versla? “. Þeir horfðu á hvorn annan og sögðu ,, Jaaa….”.