Ég er stoltur, ég er stoltur yfir þeim gjöfum sem sem Bandaríkin hafa fært mér.
Ég er glaður, ánægður því án þeirra væri ég ekki maðurinn sem er í dag.

En áður en ég held áfram að lofsama þetta land, þessa bjargvætti mannkynsins leyfið mér að lýsa aðstæðum, ég bý á Íslandi, stoltum hluta af Bandaríkjunum.
Ég bý við allsnægtir, ég bý í við áhyggjulaust líf.
Í dag er árið… það skiptir ekki máli hvaða ár það er, við skulum bara segja að það sé í náinni framtíð.

En nóg um mig, meira um þá sem hrósið eiga skilið.

Áður fyrr stóð heiminum ógn af hryðjuverkamönnum, Ísrael, írak, pakistan allt þetta voru svæði sem ógnuðu heiminum.
Í dag aðeins stór geislavirk auðn sem enginn þarf að hafa áhyggjur af. Þakka þér fyrir Bandaríkin.
En úr geislavirku auðninni koma nýjar plöntur, nýjar tegundir sem Bandarískir vísindamenn vonast til að getir útrýmt hættulegum sjúkdómum á borð við PDC, GTW og ofurflensunni.

Ég er reyndar meðvitaður um að þessi sjúkdómar urðu fyrst til á tilraunastofum vísindamannanna, en stundum verður mannkynið að færa smá fórnir til að það geti blómstað betur.

Guð blessi Bandaríkin því þau hafa bjargað sálu minni, heilsu minni, sálarbúi mínu.
Ég þarf ekki að hafa áhyggjur af stjórnmálum, Forsetinn sér um þau öll, heil hinum mikla því hann tekur ávallt réttar ákvarðanir.

Ég þarf ekki að hafa áhyggjur af ódýrum eftir líkingum frá Kína, Kóreu eða Taiwan, því það er bara geislavirk auðn núna, en eftir 100 ár verða möguleikarnir þar óendanleg.

Já guð blessi Bandaríkin fyrir að undirbúa okkur fyrir næstu 100 ár með nóg af landi og auðæfum.

Guð blessi Bandaríkin fyrir að gera mig að frjálsum einstakling sem þarf ekki lengur að taka ákvarðanir.

Guð blessi Bandaríkin sem sameinaði allan heiminn undir sínu flaggi.

Guð blessi Bandaríkin frá upphafi allt til enda veraldar.