Já ég er hér með eina góða Hasarsögu af baðherberginu.

Þannig er mál með vexti að ég og frændi minn Inzaniac lentum í hremmingum og miklum háska. Eg var rétt búinn í baði og tók þá eftir að Gúmmíöndin kátur varð eftir í freyðibaðinu.
Nú þá heyri ég að það er bankað uppá hjá mér og er þá frændi minn mættur og var ég ekki seinn til að fá hann með mér í þessa björgunaraðgerð.

Engar höfðum við vöðlurnar því að þeim hafði ég glatað í miklum sjávarháska þegar ég var í fjöruferð með fjölskylduni.

Nú var niðurfallið stíflað og enginn leið til að losa það nema stofna Káti í háska og engann bát var að hafa, hann hafði sokkið niður á botn baðsins rétt áður og ég skreið við illan leik uppá bakkan (Hann átti að þola 100kg déskotans dallurinn!!).

Þá var nauðugur kosturinn að standa á þurru á bakkanum sem þó var háskalegt því hann var sleipur af sápu. Til þess að krækja í Kát urðum við að nota Willeroy & Boch long edition stöng. Nú þurfti að vanda valið á flugu því Kátur myndi ekki sætta sig við neitt slor. Fyrir valinu var fluga Nr 12 “Blue Tiger með gulu Thompson ívafi.”

Svo köstuðum við út og stóðum sveittir á bakkanum og hrópuðum til Káts að björgun væri á leiðinni og þá gjörsamlega uppúr þurru skrikaði mér fótur og var það mér til happs að ég næ að grípa í bakkan. Nú frændi minn náði ei að koma mér upp hjálparlaust (Þú kippir ekkert tæplega 100kg manni sem er hálfur oní freyðibaði bara sisvona!) Þá voru góð ráð dýr. Hann tók það til bragðs að ná í jeppan og notaði spilið til að draga mig upp og tæpara mátti ekki á standa enda bakkinn háll sem áll.

Björgunaraðgerðir hófust nú aftur á fullum krafti. Þegar þarna er að komið er okkur ekki farið að lítast á blikuna því Kátur er farinn að örmagnast í freyðinu og hitastig farið að lækka. Eg sá það að nú myndi bara vera tími fyrir eitt kast! Eg tek þá gríðarlegt tilhlaup og dembi út línunni og sjá kátur grip í hana!!
Héldum við nú að Kátur væri hólpin og byrjum að draga inn línuna í sameiningu.

Þá sjáum við okkur til mikillar skelfingu að DR.X ætlar sér að drekkja Kát!! við frændurnir leggjumst þá af öllum þunga á stöngina til að reyna að aftra Káti frá þessum illu örlögum en sjáum að betur má ef duga skal. Dettur okkur þá snjallræði í hug. Eg held áfram að toga Kát í öryggið á bakkanum á meðan frændi minn hleypur til og trekkir upp Action Man Ofurkafbátinn og sendir hann á hinn illa DR.X. Upphefst þá mikill og hatrömm barátta milli DR.X og Action Mans og eins og alþjóð veit þá hefur Action Man alltaf sigur úr býtum. Glæpir borga sig ekki sko !

Kátur var nú sloppin úr Greipum hins illa DR.X og Komið í öryggið á bakkanum af hinum fræknu frændum. Kátur liggur nú á Baðhilluni og er líðan hans eftir atvikum góð og búast læknar við fullum bata innan viku. Sjálfur segist Kátur vera fær í flestan sjó enda mikil hetja þar á ferð. Sjálfur ætla ég að taka það rólega og fara bara í sturtu næsta mánuðinn.

Og þar með lýkur þessari Hasarsögu af Káti og BaðkersHáskanum