Siggi feiti Siggi feiti dúndrast inni í hausnum á mér. So what ég er kannski aðeins of feitur en það er ekki þar með sagt að það þurfi endilega að tyggja það ofan í hverfið líkt og kristindóminn. Ég er löngu hættur að taka þetta nærri mér, öll þessi hróp og allar þessar óþægilegu aðstæður sem ég hef lent. Reyndar finnst mér stundum, þegar ég hugsa til baka svolítið óþægileg tilhugsun að komast í aðstæður þar sem verið er að segja að maður sé feitur og komast ekki burt, einungis vegna þess hversu feitur maður er og seinn á sér, það er eiginlega það versta að komast ekki.Ég hlakka samt geðveikt til í sumar því Tóti vinur minn er að koma og hann var að segja það í símann aðann ætlaði að koma með nýja busterkingdomtyggjóið með sér til Íslands. Þið eruð kannski hissa þegar þig heyrið þetta Busterkingdomtyggjóið. Það er bara vegna þess að þig vitið ekkert um það. Váá í fyrsta lagi er það ógeðslega gott, manni líður eins og litlu lambi að vori til sem er að smakka allt í fyrsta sinn, maður hleypur um af gleði og þó maður rekist í runna og grjót þá finnur maður ekki einu sinni fyrir því því bragðið er svo gott. Samt bað ég Tóta um að segja engum hvað ég hlakka til því þá fara allir að stríða mér t.d. um daginn þá vorum við í sundi og ég hafði gleymt snikkersi í töskunni minni og stuttbuxurnar mínar klíndust allar út í snikkersi þannig að allir krakkarnir og Lena héldu að ég hefði kúkað á mig. Það var óþægilegt því að ég fattaði ekki neitt fyrr en einn strákurinn sem stríðir mér alltaf mest sá buxurnar og var búinn að láta alla vita hvað væri að á undan mér. Síðan stóðu allir krakkarnir og hlógu og skríktu, alveg þangað til að ég fanna að það komu tár, og þá reyndi ég að þykjast fara hlæja en það gekk ekki, ég fór bara að gráta, man eiginlega ekkert, nema að kennarinn skammaði mig líka. Eftir þetta borða ég alltaf nestið mitt einn. Eftir þetta er ég eiginlega voða mikið einn, nema þegar ég á afmæli þá býð ég öllum og allir koma í afmælið og leika sér, en ég leik mér aldrei ég þykist bara fá illt í magan mamma má ekki sjá að enginn vill leika við mig. Á síðasta afmæli gaf mamma mér hund. Lítinn hvolp. Rosalega fallegan og hlýðinn. Rándýran. Ég drap hann. Það var rigninig og ég rölti með hann bakvið raðhúsin fyrir neðan og beið eftir öskubílnum. Setti síðan hundinn bakvið eitt hjólið og beið þangað til það heyrðist ekkert í honum síðan fór ég með hann á lóðina til Áka(sem er alltaf að stríða mér) og setti hann ofan í verkfærakassa út í garðinum hans. Ég held að Áki viti að ég hafi gert þetta, en hann veit örugglega ekki afhverju. Ég sé ekki tippið á mér þegar ég pissa og samt er ég bara átta ára, mamma er alltaf að skamma mig fyrir að pissa á gólfið. Stundum pissa ég bara í ruslafötuna, bara til að búa til vonda lykt handa mömmu, hún verður þó varla verri en lyktin af kallinum sem er alltaf að láta hana öskra á nóttunni, ég held að hann sé alltaf að ríða henni. Ég ætla að verða áramótavörður þegar ég verð stór. Afi segir að ég geti það þannig að ég ætla að kýla bara á það, ég veit ekki hvernig ég get lært það en ég hef alla veganna mjög gaman af áramótum, ég stel alltaf rakettum af afa og bý til playmosprengjur svo drekk ég stundum bjórinn hans og hiksta. Ég reyki ekki. Ég er nefninlega bara átta ára, en ég ætla að byrja að reykja níu ára svo að ég geti eignast kærustu eins og Frikki frændi minn sem er alltaf fangelsi. Það eru til margar bækur heima en ég kann ekki að lesa, mamma segir að allir verði að læra að lesa, samt les hún ekki neitt þótt hún eigi kærasta og bíl. Ég henti hömstrunum hennar Sillu systur í klósettið og barði hana í andlitið með sleif, hún er yngri en ég og ekkert feit, einn strákur er skotinn í henni. Í síðustu viku þá tóku tíu strákar mig og grófu mig ofan í jörðina og settu mús upp í munninn á mér, ég sagði engum frá því. Það á að banna sinfóníur, þær eru bara fyrir fólk sem ætlar að fara að deyja, ekki fyrir mig ég er bara átta ára. Afi er áttatíu ára og átti apótek. Hann segir að heimilið okkar sé stundum eins og yfirgefið apótek. Mamma öskrar stundum á hann þegar hann segir þetta við hana, en biður hann samt um pening, stundum bara rétt á eftir. Ég ætla út að æfa mig fyrir næstu áramót og bíða eftir Busterkingdomtyggjóinu. Bæ