Það var í þeim skóla sem ég var í þegar ég var þar en samt ekkert skipulagt. Kennararnir höfðu bannað busavígslur en það voru samt allir busarnir hrekktir smá fyrstu vikuna. Öllum strákunum var dýft í drullupoll á fyrsta skóladaginn og næstu daga var m.a. farið í skógeymslu busanna og bundnar saman allar reimarnar okkar auk þess sem það var ráðist á einn og einn og dýft í vask eða hengdir uppá snaga. Það var líka einn sem lenti í að fá hellt úr rakspíraflösku yfir sig og annar sem var sprautað á froðu til að gera við dekk. Ég veit ekki hvort stelpurnar voru nokkuð hrekktar en ég held ekki. Það voru þá eldri stelpurnar sem sáu um það. Þetta var samt ekki unglingadeild í sama skóla heldur annar skóli sem við fórum í fyrir 3 síðustu árin.

Ein frænka mín var síðan í skóla þar sem var unglingadeild og þau voru líka busuð, hellt yfir þau súrmjólk og held að einum strák hafi verið dýft í klósettið.