desmond fyrir 11 árum, 7 mánuðum Fjöldi lestra: 507

Opin braut í MH

Sælir menntskælingar nær og fjær!

Núna er ég að byrja í framhaldsskóla í haust og set stefnuna á MH (eins og hefð er augljóslega fyrir hérna á huga... tilviljun?) og MR í annað.

Ég er greinilega óvenju vitlaus eftir aldri en ég á mjög erfitt með að skilja áfangakerfið í MH sem stendur og þá séstaklega hvernig Opna brautin virkar, og þar sem ég er nú með hana í fyrsta vali langar mig að vita hvar munurinn liggur á t.d. Opinni braut og svo Náttúrufræðibraut.

Og svo líka annað, minna mikilvægt, er ég úti á þekju með að setja MH í fyrsta og MR í annað? Er það alveg gjörsamlega óraunhæft?

FlapJack fyrir 11 árum, 7 mánuðum

Hæ! Ég aftur!

Allavegana! Ég er að útskrifast úr MH af náttúrufræðibraut og ég skal útskýra eftir bestu getu hvernig þetta virkar allt saman.

Röð vals: (miðum við að MH sé í fyrsta sæti og MR í öðru). Ef þú kemst ekki í MH þá vill MR ekki taka við þér því þú setur þann skóla í annað sæti. MR tekur því þannig að þú sért ekki ákafur í meiningu þinni í að komast inn og neitar þér.

Ef þig langar meira í MH þá hefuru hann þar. Ef þig langar meira í MR, þá seturu hann í fyrsta sæti.

Þú gerir þér samt vonandi grein fyrir því hvað skólarnir eru ólíkir námslega séð. Í MH, og þá sérstaklega á opnu brautinni, eru möguleikarnir á námi óteljandi. Þú í rauninni ræður náminu þínu gjörsamlega og getur fengið ýmislegt metið inn, t.d. ef þú ert í tónlistarnámi (en þá bara allt eftir miðpróf). Í MR ertu í bekk þar sem þið farið öll í nánast það sama, það er ekki fyrr en mjög seint, í 5-6. bekk minnir mig, að þú getur fengið metið inn í skólann. Líka, ef þú byrjar í MR þá færðu sama sem ekkert metið inn í aðra skóla ef þú ákveður að skipta og munt þurfa að berjast fyrir því. Það er minna mál ef þú ferð úr MH í annan fjölbrautarskóla. (Ef þig langar í bekkjarkerfi en samt svipaða pælingu og MH þá ættirðu að skoða Kvennó).

Munurinn á brautunum: Ég útskrifast úr gamla kerfinu. Það er svolítið frábrugðið þessu nýja sem var verið að innleiða í skólann núna í haust. Ef þú ferð á náttúrufræðibraut (skv gamla kerfinu) þarfu að fylgja ákveðjum kjarna sem þú VERÐUR að taka. (T.d. í kerfinu sem ég útskrifast af er það þannig að ég þurfti að taka 5 stærðfræðiáfanga, 2 jarðfræði 5 íslensku, 3 ensku og tvö í dönsku). Svo er kjörsvið, þar máttu velja milli nokkurra faga og verður að taka ákveðið margar einingar í því, svo er smá frjálst val. Ef ég skil opnu brautina rétt þá þarft þú sjálfur að setja saman hvað þú ætlar að taka í kjarnann, og verður þá að sitja við það. Það er takmarkað hvaða fög þú getur sett í kjarnann, því það er bara kennt takmarkað í sumum áföngum (t.d. bara einn áfangi í rússnesku og þá kemst hann ekki í kjarnann). Svo geturðu alltaf skipt á milli brauta eftir að þú ert kominn í skólann. Námsráðgjafarnir hjálpa manni mjög vel og svo fara allir í áfanga á fyrstu önninni þar sem fólki er kennt á kerfið og allt það.

Gangi þér vel!

ps. ég er ótrúlega glöð að ég hafi farið í MH, hef eignast ómetanlega vini þar og eftir að ég fattaði kerfið (sem var því miður ekki fyrr en á þriðja ári) þá sá ég hvað skólinn er frábær í alla staði.

Oooog nú verð ég klökk...Mun saknans :c

Munurinn á snilld og heimsku er sá að snilldin er takmörkuð.

Fyrra álit

desmond fyrir 11 árum, 7 mánuðum

Halló þú aftur!

Oh my, takk fyrir svarið! Svaraði mínum spurningum algjörlega, og vel það.

Já, ég ætla í MH, hef ætlað þangað síðan ég veit ekki hvenær! Virkar ótrúlega spennandi skóli í alla staði fyrir mér. Langar líka í fjölbraut og geta valið mér námið.

Varðandi röðunina hjá mér, já gat mér svosem til um það að það væri ekki gáfulegast í heimi að setja MR í annað þar sem hann er svona talinn frekar virtur og erfiður skóli. En vá, get bara enganveginn hugsað mér neitt í annað val (hvað þá annað en MH í fyrsta)... og ef lokaprófseinkunnirnar mínar eru ekki falleinkunnir þá ætti ég að komast inn í MH (haha 7, 9, 13, vil ekki jinxa það!). Svo þar að auki þá breyti ég bara eftir að ég fæ lokaeinkunirnar mínar ef svo bæri undir, svo þetta verði raunhæft...

En stressast bara við tilhugsunina um framhaldsskóla... yrði hræðilegt að verða eitthvað félagslegt úrhrak...

Mátt endilega ausa úr viskubrunnum þínum með hvað er gott að vita þegar maður byrjar (ef ég byrja þ.e.a.s.) í MH!

Takk fyrir svarið :).

Fyrra álit

FlapJack fyrir 11 árum, 7 mánuðum

Það eru nokkrar umgengnisreglur.

1) Það er ekki kúl að setjast á bara eitthvað borð upp úr þurru. Borðamenningin er komin til að vera og ekki reyna að breyta því, ég lenti svolítið oft í því í vetur að það voru busar að setjast á borðið mitt, bara vegna þess að það var enginn þar en dótið okkar var þar samt. Og ég í vondu skapi...Well..Ég var pínu leiðinleg við einn hóp sem var svolítið duglegur við það að setjast á borðið okkar og tilkynnti þeim að þetta væri ekki kúl. Vertu bara á þínu eigin borði og allir eru sáttir

2) Busar og annars árs nemar eiga ekki heima í Norðurkjallara nema til að kaupa sér kaffi, núðlur eða te í Maraþaraborg.

3) Ekki vera sóði. Plís. Það eru allt of margir sem sulla niður og bara skilja það eftir þar. Það er ógeðslegt.

4) Skemmtu þér. Kynnstu fólki og njóttu þess, það er ekkert víst að þú munir finna einhverja sálufélaga þarna en flestir eignast ágæta vini þarna. Þú munt samt ekki komast hjá því að kynnast einum og einum furðufugli.

5) Þú verður ekki félagslegt úrhrak nema þú sért virkilega spes og hafir lítinn sem engan áhuga á félagslífinu og samnemendum þínum. Það eignast enginn vini á fyrsta deginum, það getur alveg tekið smá tíma en kommon, þetta er pínu basic ef þú ert ekki alveg heftur í félagslegum samskiptum. Böllin eru kúl líka. Þau eru oftast sleikorgía fullafólksins.

Og já. Sómalía er sjoppa skólans (og þú getur unnið þar meðan þú ert í götum!!), Maraþaraborg er kórsjoppan. Kórinn er smá sérsamfélag út af fyrir sig og Þorgerður þykist eiga krakkana þar. Það er víst rosa gaman í kórnum, ég fór samt ekki þangað. Svo er líka leiklistarfélag. Konurnar á skrifstofunni geta verið pínu fúlar en það er allt í lagi, brostu bara til þeirra og vertu næs. Þá eru þær á þínu bandi. Bókasafnið er snilld, en ekki tala mikið þar, þá kemur kona til þín og segir ''SUSS" og það er vandræðalegt. Það er yndislegt að læra inná bókasafni.

Tölvurnar eru hægari en níræð skjaldbaka. Ekki búast við miklu af þeim.

Lærðu MH númerið þitt utanað. Og mundu alltaf hvað kennarinn þinn heitir, það er vel séð. Og farðu strax fyrsta daginn inn á skrifstofu og fáðu kort af skólanum svo þú týnist ekki líkt og undirrituð gerði...

Hey já, mættu líka í tíma (og þá í réttan tíma..ekkert vandræðalegra en að vera búin að sitja inni í 20 mín og fatta watt nei. Ég á að vera í stærðfræði en ekki ensku!) Það er líka vel séð, það kemur líka vel út að útskrifast með 10 í mætingu allar annirnar. (Svo hjálpar það líka til upp á námið...)

Hafið þér fleiri spurningar?

Munurinn á snilld og heimsku er sá að snilldin er takmörkuð.

Fyrra álit

desmond fyrir 11 árum, 7 mánuðum

FlapJack, ég ætla bara að segja þér það núna; þú ert líklegast að bjarga mér frá félagslegu sjálfsmorði. Myndi örugglega gera andstæðuna við flest þarna án þess að lesa þetta... svo bara... takk. Þú ert að bjarga litlu busagreyi frá glötun.

Já ég er með eina spurningu, þú segir að maður á ekki að setjast á annarra manna borð, hvernig í ósköpunum á ég að vita hvaða borð eru upptekin? HVERNIG FINN ÉG MÉR BORÐ? Og eru svona borðin hjá rauðu skápunum "busaborð" eða eitthvað álíka vesen sem ég þarf að leggja á minnið?
Óguð... ég á eftir að enda með því að borða inn á klósetti.

En jú líka önnur spurning, hvernig er þetta með tölvur, á maður að taka tölvuna sína alltaf með sér? Eða er það súper illa séð og ætti maður frekar að vera með stílabókina bara í tímum?

Haha, takk aftur! :)

Fyrra álit

FlapJack fyrir 11 árum, 7 mánuðum

ÓMÆGOD ÞÚ ERT EKKI FYRSTI TO BE BUSINN SEM SEGIST ÖRUGGLEGA ENDA INN Á KLÓSTI AÐ BORÐA. Hef heyrt þetta svo oft áður!

Og to be honest. Þig langar ekki að borða inni á klósti. Stelpuklóstin eru oj. Sameiginlegu klóstin eru oj. Þúst. Klósettin eru oj.

En já. Borðin hjá rauðu skápunum eru svolítið hipsumhaps. Sumar annir eru þau busaborð, stundum sitja 4 árs nemar þar (ég sat þar t.d. á síðustu önn), stundum 2. og 3. árs. Borðin hjá klósettunum inni í Matgarði eru busaborð og í rauninni við vegginn þeim megin sem klósettin eru. Við gluggana sitja 2. og 3. árs nemar oftast.

Þegar ég fékk mitt "fyrsta borð" þá vorum við í rauninni bara nokkur sem höfðum kynnst í tímum (eða áttum sameiginlega vini utan MH) og hrúguðum okkur saman á eitt borð, það var stór hópur og við höfum öll farið smátt og smátt í sitthvora áttina en það eru litlir innri og sterkari hópar (eins og vinahópurinn minn í dag). Það er pínu augljóst ef annað fólk er búið að setjast á borð. Ef þið farið að setjast reglulega á sama borðið, með sama fólkinu, eins og á milli tíma, þá er það orðið borðið þitt. Sumir fara upp á Miðgarð sem er ekki svo slæmt en þar eru yfirleitt IB krakkarnir og "lúðarnir" sem eru samt ekkert lúðar. (Mér finnst ég vera fræðingur að lýsa lifnaðarháttum ákveðinnar tegundar, EmmHáingusKúlingus). Þetta virkar rosa flókið fyrst en þetta skýrir sig oftast á fyrstu dögunum.

Tölvumál! Þú mátt sko alveg taka tövuna þína með, en sumir kennarar vilja ekki maður sé að nota þær í tímum til að glósa (því flestir eru bara á facebook eða að horfa á þátt) en flestum er nokkuð sama. Ef þú átt tölvu sem þú þorir að taka með þér í skólann, þá endilega. (Passaðu hana samt sjúklega vel, er búin að vita af allt of mörgum þjófnaðarmálum þarna) . Ef þú tekur hana með þá lendiru heldur aldrei í tölvuveseni í tima nema ef þú þarft að prenta út :) Vertu bara alltaf með stílabók og blýant til öryggis. (Ég tók aldrei tölvuna mína með, og komst ágætlega af).

Bætt við fyrir 11 árum, 7 mánuðum:

Hey já, og svo sitja ótrúlega margir 3ja og 4. árs nemar í Norðurkjallara. Það er stundum djókað með að það sé 18 ára aldurstakmark þar inn.

Munurinn á snilld og heimsku er sá að snilldin er takmörkuð.

Fyrra álit

Skóli

Skóli

Ofurhugar

Stjórnendur

Hverjir eru inni

Korkar - Almenn umræða

Opin braut í MH

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi