Tjah. Það er eitthvað um þau, en þau skipta engu máli. Þriðja mál er með munnlegt próf og það eru fyrirlestrar í öllum tungumálum, en það er ekkert sem skiptir máli.

Þegar ég var á mínu fyrsta ári í MR var bara eitt munnlegt próf en það var í Þýsku(ég veit því miður ekki hvort það sé eins hjá hinum þriðju-tungumálunum). Það var örstutt og létt og fólst í því að lesa upp samtal sem þú og félagi þinn hafði búið til og að svara einni spurningu.

Á öðru ári var eitt munnlegt þýskupróf, sem var orðið aðeins þyngra en vorið áður, en við það bættist svo munnlegt dönskupróf sem var hluti af stúdentsprófinu.

Á þriðja ári eru munnlegu þýskuprófin orðin tvö(eitt um jólin og eitt um vorið (sem er hluti af stúdentsprófi). Um vorið er svo tekið eitt munnlegt enskupróf sem er hluti af stúdentsprófinu.

Þar sem ég er á Náttúrufræði 2 losna ég við að taka munnlegt stærðfræðipróf á þriðja ári en kemst því miðru ekki hjá því að þurfa að taka það á mínu fjórða og síðasta ári í skólanum.

Fyrirlestrnir eru mjög margir. Að minnsta kosti tveir í íslensku á ári, einn í sögu á ári, einn í dönsku á ári, einn í ensku á ári og einn í þýsku yfir öll árin.

Vona að þetta hafi hjálpað.

Nei, ekki mikið um munnleg próf. Í rauninni er of lítið um þau, í þriðja tungumáli er alltaf munnlegt próf á vorönn og stundum á haustönn. Munnleg próf í ensku eru í formi fyrirlestra upp á töflu í stað þess að tala einn fyrir framan kennarann.
Auk þess hef ég hef tekið hvort tveggja danskt munnlegt próf fyrir framan kennara í lokaðri stofu og uppi á töflu fyrir framan bekkinn.

Ekki útiloka skóla eftir munnlegum prófum eða verkefnum sem fela í sér að koma fram. Þetta eru oft hópaverkefni sem gera þau auðveldari - en stundum ekki, þetta er samt sem áður allt mjög þroskandi og það er bráðnauðsynlegt að læra góða framkomu og framsetningu á einhvers konar erindi fyrir framan hóp fólks. Ég get alveg sagt þér það að í grunnskóla að ég myndi ekki mæta í neitt af þessum fyrirlestrum eða munnlegu prófum sem ég vissi að yrðu í menntaskóla. Svo fór nú samt að ég mætti og þetta var stressandi í fyrstu en þetta venst ÓTRÚLEGA fljótt. Ég er á öðru ári og fæstum finnst þetta nokkuð mál að koma fram, mörgum er farið að finnast það bara skemmtilegt og tilbreyting frá vanalega náminu. Það geta þetta allir og þú líka, ég mæli með því að þú undirbúir þig bara vel og æfir þig til að minnka stressið. Þetta er gert upp að vissu marki í öllum skólum svo ekki sortera út eftir þessu. :)

Haha, það var eitthvað skrítið við þetta. Takk.

Hvað viltu vita?

Hann er vissulega lítill en það á stendur til að fara að nota byggingu við hliðina á skólanum sem hýsir nú menntasvið, og þá mun líklegast ein bygging sem notuð er til kennslu nú verða einungis aðstaða fyrir nemendur. Ég missi reyndar kannski af því þar sem ég útskrifast næsta vor og það er ekki alveg víst að þetta gangi í gegn í sumar, en það er aldrei að vita :)

Mér finnst fólkið æðislegt að mestu leiti, félagslífið er ljómandi og námið skemmtilegt. Allir kennararnir sem ég er með í ár eru frábærir, ég hef verið með lélega kennara í tveimur fögum yfir þessu þrjú ár, en ekkert sem hrjáði mig neitt að ráði. Ég er á félagsfræðibraut og fíla það rosa vel, en ég veit auðvitað ekkert hvar áhugasvið þitt liggur. Hinar brautirnar okkar eru, að því er ég best veit, frábærar líka.

Náminu verður öðruvísi háttað fyrir þá krakka sem byrja í skólanum í haust heldur en það var fyrir mig, ykkur býðst að taka það á þremur árum ef þið hafið áhuga á því. Þess vegna get ég ekki alveg sagt hvort þetta verður “létt eða erfitt” en hjá mér var fyrsti bekkur krefjandi, en ekki þannig að ég réði ekki við neitt. Mér fannst það bara alveg passlegt.

Kvennó heldur stærsta ballið, Eplaballið, sem er æðislega gaman. Því fylgir skemmtileg vika með allskonar uppákomum og þannig. Busavikan er líka KLIKKUÐ! Spurðu hvern sem er sem hefur verið busaður í Kvennó (nú, eða busað auðvitað!) og hann segir þér að þetta hafi verið geðveikt.
Árshátíðin okkar hefur alltaf verið á Selfossi þar sem 3. og 4. bekkur hefur fengið að gista en því var breytt í ár og hún var á Nasa. Mér fannst hún miklu betri en árin tvö á undan, samt svekkjandi að einmitt þegar ég mátti gista var það blásið af..
Grímuballið okkar er AWESOME! Grímuböllin eru laaangskemmtilegustu böllin að mínu mati, alltaf tryllt stemming og mikil gleði. Nasa alveg stappfullt en það er auðvitað betra! ;D
Uuuu,. Kosningavikan okkar (sem byrjar einmitt á morgun) er ógeðslega skemmtileg. Maður eyðir ekki krónu í mat því það eru allir að gefa alls konar drasl, sem er meganice.
Síðan eru reglulega alls konar íþróttamót, bjórkvöld, bíókvöld og þannig litlar uppákomur, bara eins og annars staðar :)

Það sem ég hef helst undan að kvarta er aðstöðuleysi, en við erum auðvitað í göngufjarlægð frá öllum helstu kaffihúsum bæjarins. Það er fátt betra en að chilla á Prikinu í götum, með Kvennóbeyglu og kók, og þykjast læra.

Ég get allavega alveg hiklaust mælt með Kvennó, sérstaklega ef þú fílar ekki að láta flokka þig sem steríótýpu og vilt fá að vera eins og þú ert.
Ef það er e-ð fleira sem þig langar að vita er þér velkomið að spyrja! :) Vona að þetta hafi hjálpað e-ð.