Stærðfræði er hjá mörgum, meðal annars mér, lang erfiðasta fagið. Ekki láta það toppa þig, þetta er ekkert mál.

Ef þú ert í 10.bekk núna að þá þó svo að þér gangi ekki vel með stærðfræðina sem þú ert í núna þá getur alltaf tekið hana aftur á næsta ári.

Ekki gefast upp, það er virkilega þess virði að klára framhaldsskólamenntun.

Bætt við 1. mars 2010 - 22:00
þú getur líka alltaf valið þér einhverja braut í framhaldsskóla sem inniheldur minni stærðfræði (einsog t.d. félagsfræði) ef að þú átt erfitt með stærðfræðina.

Sleppa því að fara í skóla og sitja heima í volæði, vonast eftir vinnu 16 ára því þú hræðist eitt fag? Ég er grútlélegur í stærðfræði og því reiði ég mig á bóklegu fögin til að rífa upp meðaleinkunina mína.
Í rauninni er ég ekkert lélegur í stærðfræði, var bara í lélegum skóla og í 3 ár var ég ekki einu sinni í neinu námsefni í stærðfræði. Ég sat og starði á klukkuna í tímum. Í þrjú ár. Kennarinn var oft ekki einu sinni inn í stofunni heilu kennslustundirnar.
Samt núna er ég kominn í góðan skóla og mér hefur tekist að ná upp meirihlutanum sem ég hef misst. Tek alveg eftir að ég er betri en sumir í bekknum.
Þarft bara að læra heimavinnuna þína tvisvar sinnum. Skoða þessi myndbönd.
Svo þegar jólaprófið var fór ég á rasmus og prentaði út gríðarlega stóra og þykka algebruútskýringamöppu. Það tvímælalaust hefur hjálpað mér mikið.
Þú þarft bara að fá áhuga á námsefninu og vilja til að fá árangur. Jafnvel fara í aukatíma utan skóla í stærðfræði.

Stærðfræðin nokkuð erfið, auk þess er erfitt þegar að það vantar 10. bekkjar grunninn fyrir stærðfræðina, og þá sérstaklega þegar þú ert að taka hana í hraðferð.

Ef að þú heldur að þú sért ekki að höndla stærðfræði á 3 eininga hraða, þá er alltaf sá möguleiki að taka hana í 3 tveggja eininga áföngum í stað 2 þriggja eininga áfanga.

Það er mjög eðlilegt að þú finnir einhvern mun á framhaldsskólaáföngum og grunnskólafögum, það eru meiri kröfur gerðar í framhaldsskóla (maður kemmst þó fljótt inn í þessa rútínu).

nóp…þú ert að ofhugsa þetta, stærðfræði í menntó er ekkert grín hjá sumum :) en það er ekki einsog allar námsgreinarnar séu svona erfiðar n_n

Framhaldsskóli er alltof skemmtilegur til að sleppa :)

Stærðfræði hefur alltaf verið fagið sem ég var langhræddust við. Ég náði þessum 2 áföngum sem ég þurfti að taka með 6 í 103 og 5 í 263 en ég slapp samt og þarf núna ekki að hugsa um það meir :) ég er góð í öllum hinum fögunum sem ég hef tekið, er á seinni önninni minni á 3. ári núna og lægsta lokaeinkunn sem ég hef fengið er 7, einu sinni.

Þannig ég segi: farðu í framhaldsnám, alveg tvímælalaust! Það er ógeðslega gaman í menntó (þótt maður fái oft ógeðslegan skólaleiða þá er geðveikt gaman)og líkurnar á að þú munir afreka e-ð í lífinu eru töluvert minni ef þú ert ekki með stúdentspróf (fyrir ykkur sem elska að rífast yfir engu þá sagði ég ekki “útilokaðar” eða “nánast engar”!)

Slefaðu í stærðfræðinni ef það er það sem þarf, fáðu þér aukakennslu ef þú heldur að það þurfi (ég þurfti það) og rokkaðu bara restina :D

Gangi þér vel :)