Hef lítið að segja um minn skóla en finnst samt pirrandi þegar er sagt menntaskóli í staðinn fyrir framhaldsskóla.

Menntaskólinn í Reykjavík:
Pros: Frábært félagslíf, tvö skólafélög, góður undirbúningur fyrir framhaldsskóla.
Cons: Krefjandi nám, fáir námsmöguleikar, lítið um valfög.

Menntaskólinn í Reykjavík

Pros: Gott félagslíf, skemmtilegt fólk og gott nám.
Cons: Mikið og krefjandi nám (Er það con?)

Sama og þeir tveir fyrir ofan mig sögðu.

Menntaskólinn í Reykjavík

Pros: Gott og krefjandi nám, flest allt frábærir kennarar, ágætisaðald ef þú átt í vandræðum með eitthvað er alltaf hægt að sækja stoðtíma, að mér skilst jafnt hjá kennurum sem eldribekkingum. Bekkjarkerfi! Segir það sem segja þarf, flestir bekkir með sína heimastofu og auðveldara að kynnast fólki þannig og þó er það ekki of einangrað, bekkir kjósa yfirleitt að vera með öðrum bekk/jum í fyrirpartýum. Geðveikt félagslíf auðvitað, alltaf eitthvað um að vera, kórinn, leikfélagið, söngvakeppnir, lön, ræðukeppnir og böllin auðvitað með þeim bestu.
Skólinn sjálfur er mjög kósý og skemmtilega staðsettur, hægt að labba laugarveginn í eyðum og nóg af bakaríum og kaffihúsum fyrir þá sem það stunda.

Cons: Þarft að vera skipulagður/lögð, ef þú ert það ekki þarftu að læra það. Það er auðvitað af hinu góða en það sem ég á við er að það er helst til of mikið að gera oft á tíðum, próf eftir próf eftir próf ásamt því sem sumt námsefnið er heldur erfitt líka (fyrir suma) en hægt er að líta á þetta sem pro líka þar sem þú kemur betur út úr þessu en ef þetta væri eitthvað öðruvísi, þ.e.a.s. betur undirbúin/n undir háskólanám. :) Tek undir það sem einhver sagði fyrir ofan að það er heldur lítið af valgreinum, held ég ekki fyrr en þú ert komin í 6. bekk (lokaárið). Hver og einn þarf bara að vega og meta hvort það sé eitthvað sem þeir sækjast í, persónulega vil ég ekki eyða tíma mínum í myndmennt eða annað eins þó það sé vissulega mjög skemmtilegt.

Annað hef ég bara ekki að segja held ég. :)

Er sjálfur í Verzló og mæli eindregið með honum. Námið er vel skipulagt og krefjandi en ekki og erfitt ef þú skipuleggur þig vel.

Félagslífið er gríðarlega gott og öflugt og alltaf eitthvað skemmtilegt að gerast.

Aðstaðan er náttúrulega snilld en það eru 6 tölvustofur, 3 fyrirlestrarsalir, risastór íþróttasalur, MARMARINN, flestar stofurnar eru mjög flottar og hver bekkur er með sína heimastofu sem er mjög gott.

Það sem sennilega er hins vegar sennilega helst einkennandi við Verzló er það að það er gríðarlega góður mórall þar, engir stælar eða leiðindi gagnvart neinum eða neitt svoleiðis. Einnig er mjög gott að vera busi í Verzló, busunin er mjög væg en skemmtileg og svo er farið í busaferð sem er gríðarlega skemmtileg, og eftir hana eru allir svona “busastælar” bara búnir.

Það hafa oft verið sagðar alls kyns sögur um Verzló, að þú sérst lagður í einelti ef þú átt ekki nógu flott föt, býrð í blokk og annað slíkt og ég get lofað því að þær sögur eru algjört kjaftæði.

Lægsta einkunn inn í ár held ég að hafi verið meðaleinkunn 8,3 eða 8,4. Þetta er samt ekki alveg að marka því í ár voru engin samræmd próf, svo það var bara gengið út frá skólaeinkunnum. Sumir skólar ákváðu því að gefa sínum nemendum allt of háar einkunnir og það voru einhverjir skólar sem gáfu meira en helmingi sinna 10.bekkinga yfir 9 í meðaleinkunn. Þess vegna voru tekin sérstök stöðupróf í ár í Verzló til að sjá hvaða skólar voru að gefa alvöru einkunnir og hvaða skólar ekki, þannig að ef samræmdu prófin í ár gilda ekki þá verður kannski eitthvað notast við það.

Gangi þér annars vel með valið, hefur nógan tíma, en Verzló er way to go :)

MH er bara hands down single most awesome skóli í heimi afsakið enska partinn mér datt bara ekkert íslenskt orð sem getur líst þessum skóla allaveganna hann er awesome

Ég mæli með Menntaskólanum við Hamrahlíð.

Ég valdi hann og ég sé svo sannarlega ekki eftir því. Maður er með mismunandi fólki í tímum og kynnist miklu fleira fólki heldur en í bekkjarkerfi og ekki endilega bara fólki sem er á sama ári og þú. Líka velur maður sjálfur hvaða áfanga maður tekur á hverju ári og úrvalið er alls ekki slæmt. Svo eru kennararnir mjög skemmtilegir líka.
Það er helling af svölum ráðum og félögum í nemendafélaginu sem sjá um alls konar atburði og blöð.

tækniskólinn
Pros: frábært nám eini skólinn í reikjavík með TÖLVUBRAUT
eru með ýmsa áfanga sem ég get fengið metið up í HR
Cons: lítið félagslíf

Menntaskólinn við Hamrahlíð fær mitt atkvæði..
ætla ekki að fara að koma með “býður uppá gott nám” eða “skemmtilegt fólk” þar sem flestallir skólar hafa það (þar sem fólk hefur mismunandi skoðanir).
Einhver minntist hins vegar á það að maður kynnist miklu fleirum og það er alveg rétt. Áfangakerfið er svo mikið og þú ert í svo mörgum mismunandi bekkjum og maður kynnist amk. einum til tveimur í bekk?
Eftir það fer maður að kynnast vinum þeirra og borðfélögum og þekkir miiikið af nýju fólki.
Fyrsta vikan er örugglega hræðileg fyrir nýnema sem þekkir engan þarna en það er vel þess virði. Gerðu það bara fyrir mig að loka þig fyrir öllum heldur byrjaðu að spjalla við sessunauta fyrstu dagana..og ekki setjast uppi hjá tölvunum í frímínútum eða “Miðgarði”. Það er ekki gott uppá kúlið..:)

Bætt við 23. september 2009 - 01:16
Gallarnir eru auðvitað fyrsta vikan og að þora að kynnast nýju fólki og losa sig við feimni..
svo þarftu virkilega að læra í 10.bekk og fá góðar lokaeinkunnir til að komast inn.

Mæli bara með því að pæla ekkert í þessu fyrr en þú hefur farið á opið hús og tjékkað á öllum skólanum og kynnst honum og þessu sem “maður á bara að vita”.
Eins og með borðapólitíkina, norðurkjallararéttindi, hverjir halda sig í miðgarði og hvað flest hugtök heita.
Ef þú hefur áhuga á félagslífinu horfðu þá ekki á auglýsingarnar uppá vegg (þær eru bull) heldur farðu á NFMH.is og í dálknum “lög” finnurðu allt.

-Svona ef þig vantaði eitthvað um þennan fínasta skóla..

Ohh, framhaldsskólar eru æðislegir. Er núna útskrifuð og er í háskóla…það er ágætt,en ég sakna samt sem áður framhaldsskólans svooo mikið! :/

ef að þú ert að spá´i borgó þá er félagslífið þar mjög gott, kannski ekki það besta en alls alls alls ekki það versta :)
mikið að læra? fer aaaallt eftir því í hvaða skóla og í hvaða grein, ég er t.d. í bílamálun, ekkert að læra heima en samt slatti í tímum :D
meðaleinkanirnar fara líka eftir skóla, hefur bara samband við skólann eða eitthvað:P

Ég var sjálf að byrja í Kvennaskólanum í Reykjavík og mér finnst mjög gaman þar. En það eru auðvitað gallar eins og í öllu.

Félagslífið er mjög gott. Nemendafélagið Keðjan stendur fyrir ýmsum viðburðum og skemmtunum fyrir nemendur, m.a. böllum (eins og Busaballið, Eplaballið, Árshátíðin ofl.), ferðum, keppnum og fleira. Til er það sem kallast Peysufatadagur þar sem nemendur í 3.bekk klæða sig upp í gamaldags peysuföt, syngja og hafa gaman í bænum. Í 4.bekk í lok vorannar er svo það sem kallast Dimmision, þá fara nemendurnir í einhverja búninga og gera eitthvað sniðugt.
Kór skólans er mjög virkur og leikfélagið Fúría setur upp góða sýningu á hverju ári.

Námið er svolítið krefjandi en er ekki of mikið samt miðað við aðra skóla. Það er alltaf erfitt samt að koma úr grunnskóla í framhaldsskóla svo þér finnst námið vera kannski of erfitt fyrst. Ég er sjálf á hugvísindabraut og ég finn að það er auðvitað meira að læra, en samt ekki of mikið.

Kvennó er líka einn skólinn sem er að stefna að því að nemendur geti klárað skólann á 3 árum í staðinn fyrir á 4 árum. Það er talið eins og við 1.bekkingar munum gera það, þess vegna er stundaskráin aðeins stífari en hún er venjulega í framhaldsskólum. En þetta er val, svo þeir sem vilja klára á 4 árum (sem er eðlilegur tími) gera það, eins og ég, og þá verður stundaskráin ekki eins stíf, og þú ert ekki í neinu stressi. Það er líka ekki hægt að taka eins mikla valáfanga ef maður tekur það á 3.árum.

Að mínu mati er Kvennó er mjög þægilegur og heimilislegur skóli, það eru flestir góðir vinir, allavega ekki óvinir;) Hann er mjög vel staðsettur, sérstaklega fyrir mig því ég bý bara rétt hjá. Líka því útsýnið er rosa fallegt, Tjörnin er beint fyrir framan skólann svo á góðum degi eins og í dag er gaman að fara niður að tjörn eða labba í bænum í hléinu.

Kvennó er heimilislegur og kósý og kennararnir krefjast mismikils af nemendunum, auðvitað frekar mikils;) Skólinn er eiginlega í 2 byggingum, Aðalbyggingu og Nýbyggingu sem eru fastar saman og svo Uppsölum, en það er bara rétt hjá, aðeins fyrir ofan. Það er gott að hafa 10 mínútna hlé á milli tíma, þá hefur maður góðan tíma til að labba á milli. Og hver kennslustund er klukkutími.

Ef þú ferð í MR skaltu vera undirbúin undir fjögurra ára umbreytingarskeið í óþolandi sjálfumglatt nasistagerpi. Það er auðvitað slæmur hlutur nema að þú náttúrulega fílir að láta stóra bróður lesa yfir þér áróðursslagorð á latínu á meðan hann nauðgar þér í bossann.

Svo er náttúrulega MH fyrir allt annað.

Bætt við 29. september 2009 - 04:52
Svo er MH Kórinn er náttúrulega svo stjarnfræðilega mikið betri en MR Kórinn.

Ég er útskrifaður úr MR og er núna í HÍ í eðlisfræði og ég get ekki sagt annað en þetta hafi verið mjög góður undirbúningur, ég finn hreinlega ekkert fyrir þessu “sjokki” að koma í háskóla og það sama segja aðrir sem útskrifuðust með mér. Allt annað varðandi félagslíf og fleira hefur þegar verið sagt.