Alkóhól hafa vetnistengi og leysast því mjög vel í vatni, reyndar svo vel að minnstu alkóhól sameindirnar blandast í öllum hlutföllum það er metanól, etanól og própanól.

Efnajafna fyrir framleiðslu iðnaðarspíritus (etanól):

(1) CH2=CH2 + H2SO4 –> CH3CH2OSO3H
(2) CH3CH2OSO3H + H2O –> CH3CH2-OH + H2SO4

Í seinni liðnum er skilyrðið fyrir að hvarfið gerist hiti.
Þetta er það sem kallað er vötnun etens. Eten er leitt í brennisteinssýru og myndast þá Etýlvetnissúlfat. Síðan er sett vatn í vetnissúlfatið, lausnin hituð og vatnast þá súlfatið svo etanól myndast. Iðnaðarspíritus er mikið notaður sem leysir og hráefni í framleiðslu ýmissa efna en bannað er að nota hann til drykkjar.
Þessar upplýsingar voru í boði Lífræn efnafræði eftir Gísla Ragnarsson.

Hann talar þarna um að iðnaðarspíritusinn sem bannaður til drykkjar, ég held það hljóti þá að vera vegna þess að styrkleikinn á honum sé of mikill eftir þetta hvarf því þetta er sama efnið og er í áfengi.

Mér finnst svosem ágætar útskýringar í bókinni en það sem ég er svekktastur með er að það séu ekki svör við verkefnum svo maður geti farið yfir hjá sér :/

En ég er svona 90% viss um að alkóhól sé sýra, það stendur allavegana hér: ,,Virki hópurinn er sá sami í alkóhólum og fenólum en samt er mikill munur á því hversu auðveldlega róteind losnar frá þeim. Fenól missa auðveldar prótónu [rafeind] en alkóhól og eru því rammari sýrur.“

Af þessu dreg ég allavegana þá ályktun að alkóhól séu daufar sýrur. Og ef einhver er að velta því fyrir sér hvað fenól er þá er eiginlega ekki mjög auðvelt að útskýra það nema með mynd. Fenól og alkóhól hafa það sameiginlegt að virki hópurinn í þeim er -OH en leifin hjá alkóhólum er R- eins og t.d. CH3- (metan), CH3CH2- (etan) eða CH3CH2CH2- (própan). Hjá fenólum er leifin aftur á móti Ar- (aromatic) en þau efni eru t.d. sýklóprópan, sýklóbútan, sýklópentan og sýklóhexan. Eins og forskeitið ”sýkló“, sem er vísun í enska orðið ”cycle", gefur til kynna þá eru C atómin í arómatískum efnum tengd í nokkurskonar hring. Í raun hefur lögun þeirra ekki verið útskýrð að fullu enn þann dag í dag. Í sýklóbútani eru þá t.d. 4 C (bútan þýðir 4) og sömuleiðis er sýklóhexan með 6 C (hexan þýðir 6).

Nú þegar ég er búinn að skrifa alla þessa romsu þá rámar mig í að fenól sé það aðeins kallað ef -OH tengist inn á bensenhring (bensen, naftalín, antresen, fenantresen nenni ekki að fara í nánari skýringar á þeim hér) en ef -OH tengist inn á venjulegan Ar- hring eins og sýklóhexan hring þá heiti efnið einfaldlega sýklóhexanól, en þið eruð þá allavegana komin með ágætis útskýringu á arómatískum efnum í kaupbæti :)

Djöfull getur verið gaman að tala um efnafræði :p